AUTO TREND

هيا واحد النوع ديال طنوبيلات لكتخدم بالضوء والوقود (أصانص) بجوجهم، هادي واحد الخاصية عتمدو عليها بعض الشركات اليابانية فحال TOYOTA باش اقللو شوية من الإنبعاثات الكربونية لكتهلك البيئة بالتلوث وباش يبانوا مع العالم انهم مجهدين وبعدها بزاف ديال المصنعين عتمدوا عليها... هادشي بدى ف 1999 تقريبا قبل ما اوصلو يصنعوا الموطور لي خدام بالضو مئة بالمئة لهضرنا عليه من قبل...، اجيو نفهمو علاش سماوها HAYBRID وكيفاش خدام هاد ل HYBRID وعلاش ختارعوا هاد الخاصية بالضبط... وشنو هما السلبيات ديالها والإجابيات ديالها...
كلمة HYBRID أو هجين هيا كلمة يونانية وكتعني خليط، يعني الخليط ديال الضوء والإصانص كيتجمعو فعملية وحدة باش اولدو الطاقة وديك الطاقة كتحول للحركة...
الموطور HYBRID هو عبارة على واحد العملية مشتركة بين الباتري لكتولد الضوء والوقود (إصانص) لكيعتامد على الاحتراق الداخيلي فالموطور...
فالوقت لي ختارعو اليابانيين HAYBRID كان باقي ما تطور نظام التشغيل بالضوء لكيعتامد على الباتري ومولد (generateur)، كانت الباتري كتقام غالية والحجم ديالها كبير بزاف وهكاك يالله كتخدم ربع ديال الطاقة لكتحتاج طموبيل باش تتمشى لمسافة طويل..مثلا باش تسافر لمسافة 800 كيلومتر خاسك تضرب 600 بالوقود و 200 كيلومتر بالضوء... حيث التقنية HAYBRID كتشارجا الباتري فالوقت لي كتكون غادي انت بالإصانص وغير كتشارجا كاملة كتقلب عاودتاني لضوء بواسطة مولد (alternateur)، وفاش كتزيد فالسرعة كتقلب للوقود حيث الضوء ميقدرش اعطي الطاقة بزاف فديك السرعة لي انت فيها.. غالبا كتمشي ف حدود 60 كيلومتر فالساعة... وهذا كان اجتهاد كبير فديك الوقت لليابانيين ولكن كيف قولنا شحال ما جتهدتي فالمجال العلمي كتبقى ناقص وكيبقاو اخطاء من جوانب اخرى... وكيجيو وحدين اخرين كيصحو اخطائك وكيخليو اخطاء أخرى للأجيال القادمة...
السلبيات ديال نظام ل HAYBRID هو أن الوزن والكمية ديال البتريات كبير بزاف لي كيستنزفو طاقة كبيرة باش اخلقو هاذ العملية وبعض العلماء عترضو على فكرة انها صديقة للبيئة... ولاسيما ان هاذ نوع من السيارات غالية فالثمن وماشي فمتناول الجمييع...
أما الإجابيات ديال ل HAYBRID هو النقص من التلوث البيئي والحفاظ على البيئة حيث الطاقة لكتشيط من الوقود كدوز للمولد وكيعاود احولها للضوء لكيحرق دوك الغازات السامة لي بقات وكيحافظ على البشرية من الإنقراض على المدى القريب 😊
شكرا على ثقتكم ودعمكم المتواصل...

AUTO TREND .دائما في خدمتكم
+212 (6) 69696902
+212 (6) 48545760
شارع محمد صغير الافراني، حي الشرف، طنجة (مدخل صيدلية الشرف).

هي واحد النوع دالطنوبيلات لكتخدم بموطور ديال الضوو هو لكيدفعها او هو مصدر الطاقة ديالها، حيث الموطور ديالها كيخدم بالباتريات هما لكيديرو الدور ديال المازوط او ليصانص.. وهاد الباتريات كيتشارجاو فالمحطات ديالها الخاصة... او تقدر تشارجي طموبيلتك حتى فالدار، هادشي مستقبلا ماشي دبا وبشارج د ايفون.. الباتريات كتحتاج لواحد القوة كهربائية طالعة باش تشارجا لك دغيا... والغريب انه هاد النوع من طنوبيلات ماشي لأول مرة غادي اتعرف عليها الانسان، كان واحد المخترع اسكتلندي اسمو روبرت أندرسون ختارع طنوبيل كتمشى بالضوو في عام 1832 وكانت ناجحة فديك الوقت حتى طاحو الغربيون على المادة الكيميائية الي كانت منذ العصور القديمة فالطبيعة وكتستعمل ولكن مكانوش عارفين المزيا ديالها... حتى عام 1859 ناض واحد المهندس مكانيكي اسمو "اتيان لينوار" صنع موطور كيخدام بالإحتراق الداخلي عكس الموطور الكهربائي لكان خدام بالإحتراق الخاريجي وثقيل وناقص الخيل... تما بدات الحرب على البيئة او ما يسمى بعصر الثورة الصناعية... وقضاو على طموبيلات ديال الضو ومع ذالك استمرت الصناعة الكهربائية فمواطر من ديك الوقت ولكن قليلة ومكيدعمها حاد حيث مفيهاش مصلحة للدول البترولية... وفظل السياسة الغربية لي الهدف ديالها هو التحكم فالإقتصاد العالمي ببعض المواد لي رجعات أساسية فحال الماء والغذاء... ولكن مضرة للبيئة والإنسان بشكل كبير... وبالنسبة لطموبيلات دالضو راه مكتختالفش مع الطموبيلات ديال المحروقات فالشكل ولا طريقة سياقة.. ولكن الفرق لكاين فطموبيلات دالضو هو الموطور... الموطور ديالها ماشي بالضرورة يكون عندها لقدام.. ويقدر يكونو فيها جوج مواطر ولا ثلاثة... وتقدر تكون فيها باتري كبيرة كتشد بزاف دالشرج باش تتمشى المسافات البعيدة... يعني بالنسبة للمستهلك ما غادي اتبدل عليه حتى حاجة بالعكس غادي ترخاص عليه القضية بزاف بالمقارنة مع المحروقات لرجع دبا الثمن ديالها مهول...
ومن بين المزيا الاخرى انه مع الوقت كاع ما تحتاج تمشي لستاصيون ديال الضوو باش تعمر.. تقدر تعمر فالدار ديالك.. والشارج كيضرب لك حسب نوع الطموبيل لي عندك واش كبيرة واش صغيرة واش عالية ولا رخيصة إبتداءا من 200 كيلو متر... وانت وجهدك المهم غادي تكون رابح من ناحية أنك كتحافظ على البيئة من تلوث لي رجع كيهددنا وكتحافظ على فلوسك لكيدوهم لك فالمحطات ديال الوقود...

AUTO TREND .دائما في خدمتكم
+212 (6) 69696902
+212 (6) 48545760
شارع محمد صغير الافراني، حي الشرف، طنجة
(مدخل صيدلية الشرف).

SERVICE RAPIDE
دائما في خدمتكم
📲 +212 (6) 69696902
📲 +212 (6) 48545760
شارع محمد صغير الافراني، حي الشرف، طنجة
(مدخل صيدلية الشرف).
[27/10 à 12:55] AUTO TREND:
#تشخيص