FC Maradona Shtip

Одличен и исполнет викенд за нашите најголеми групи ⚽️
Одигравме пријателски натпревар против ФК Биџо од Куманово со генерациите 2013 и 2014. Натпреварот помина во одлична атмосфера, исполнета со многу насмевки, дружење и убав фудбал. 🤝
Најважно од сè, децата уживаа во прекрасната игра, стекнаа нови искуства и покажаа голема желба, борбеност и спортски дух на теренот.
Голема благодарност до ФК Биџо за фер и спортска игра. Ваквите натпревари се вистинска вредност за развојот на младите фудбалери.

🔻Воедно, со задоволство ве известуваме дека отвораме нова група за деца родени 2012 и 2013 година. Веќе броиме околу 15 фудбалери, а вратите се отворени за сите кои сакаат да бидат дел од нашето фудбалско семејство. Секое дете е добредојдено 🩵
🔜 Наскоро нашата школа ќе добие и посебен тренер за голмани, со што дополнително ќе го подобриме квалитетот на работата и развојот на младите таленти.👏

⚽️ Во периодот од 4 до 10 јуни, во хотел „Истатов“ се одржува семинар за стекнување на УЕФА Б лиценца.

👉 Тренерите Дарко Николов и Марио Митев се дел од предавањата и практичните тренинзи, со цел да го надградат своето тренерско образование. 📚

Инаку, тие веќе поседуваат УЕФА Ц лиценца и успешно работат со младите категории. Со успешно завршување на семинарот и положување на теоретскиот и практичниот испит, ќе се стекнат со УЕФА Б лиценца, што претставува значаен чекор во нивниот професионален развој и овозможува работа на повисоко ниво и со повозрасни категории. 👏

🇲🇰 ФК Марадона Штип продолжува да вложува во едукација и стручно усовршување на своите тренери, создавајќи уште подобри услови за развој на младите фудбалери. 🩵

🏆 Champions Aren’t Made Overnight…Proudly Among Macedonia’s Top 4 🔥

Поминаа само шест месеци откако клубот го доби новото име ФК МАРАДОНА, а зад нас веќе стојат резултати кои се доказ за огромната работа, посветеност и љубов кон фудбалот. 🏅
Од самиот почеток останавме верни на истите принципи - дисциплина, посветеност и постојана желба за напредок. Нашата цел не беше само да создаваме фудбалери, туку и да изградиме вистински спортски колектив во кој секое дете ќе има можност да расте, да учи и да се развива преку фудбалот. ⚽️

🩵 Генерацијата 2017 покажа дека трудот секогаш се исплаќа. Со голема борбеност, тимски дух и желба за победа, овие млади фудбалери заслужено стигнаа до својот прв трофеј и првите медали.🏆
Нивната радост е нашата најголема мотивација да продолжиме уште посилно, уште поорганизирано и уште поодлучно во иднина. 👏
Особено сме горди што, во силна конкуренција, успеавме да се вброиме меѓу четирите најдобри клубови во Македонија 🇲🇰. Ова признание е резултат на заедничкиот труд на децата, тренерите, родителите и сите луѓе кои секојдневно се дел од приказната наречена FC Maradona Shtip 🤝

Ова е само почеток. Пред нас се уште многу предизвици, натпревари и нови успеси. Но едно е сигурно ќе продолжиме со истата страст, истата посветеност и истата љубов кон фудбалот.🏟️

#државнопрвенство #топ4 #генерација2017