KiV Engineering

AutoCAD Blocks

https://drive.google.com/file/d/1QSaUhvV5_8vDenHTF6gUhhB9RUKVoLZJ/view?usp=drivesdk

Meet Google Drive – One place for all your files Google Drive is a free way to keep your files backed up and easy to reach from any phone, tablet, or computer. Start with 15GB of Google storage – free.

"Steel အမျိုးအစား"

စတီးအမျိုးအစား အခြေခံအားဖြင့် ( ၄ )မျိုးရှိပါတယ် . . .
- ကာဗွန်စတီး ( Carbon Steel )
- အလွိုင်းစတီး ( Alloy Steel )
- စတိန်းလတ်စတီး ( Stainless Steel )
- Tool Steel

ကာဗွန်စတီး ( Carbon Steel )
ကာဗွန်စတီးကို ကာဗွန်ပါဝင်တဲ့နှုန်းပေါ်မူတည်ပြီး . . .

- Low Carbon Steel (Mild Steel)
Low Carbon Steel (Mild Steel) ကို မော်တော်ယာဉ်တွေရဲ့ ဘော်ဒီပိုင်း ၊ ဆောက်လုပ်ရေးလုပ်ငန်းသုံးတွေဖြစ်တဲ့ I Beam / Channel တွေ ၊ ပိုက်တွေ ၊ ဆောက်လုပ်ရေးနဲ့ လမ်းတံတားလုပ်ငန်းတွေမှာ အသုံးများပါတယ်။

- Medium Carbon Steel
Medium Carbon Steel က အကြမ်းခံပြီး ခံနိုင်ရည်ကောင်းတော့ ရထားသံလမ်းတွေ ၊ ရထားဘီးတွေ ၊ ကရိုင်းရှက် ( Crank Shaft ) တွေ ၊ ဂီယာနဲ့ အင်ဂျင်စက်ပိုင်းဆိုင်ရာတွေမှာ အသုံးများပါတယ်။

- High Carbon Steel
High Carbon Steel ကတော့ ခံနိုင်ရည်အကောင်းဆုံးဖြစ်လို့ မာကြောတဲ့ အရာတွေကို ဖြတ်တောက်ရတဲ့ ကိရိယာတွေ ၊ ဝန်အားအများကြီးခံနိုင်ရည်ရှိတဲ့ စပလိန်တွေနဲ့ ဝါယာတွေမှာ အသုံးများပါတယ်။

အလွိုင်းစတီး ( Alloy Steel )
အလွိုင်းစတီး ၊ တစ်နည်းအားဖြင့် သတ္တုစပ်အဖြစ်လည်း ခေါ်ဝေါ်ကြပါတယ်။ သူကတော့ နာမည်အတိုင်းပဲ တခြားသတ္တုတွေနဲ့ ပေါင်းစပ်ထားတဲ့ စတီးအမျိုးအစားပဲဖြစ်ပါတယ်။ သူ့ကိုတော့ စက်မှုလုပ်ငန်းတွေ ၊ မော်တော်ယာဉ်အစိတ်အပိုင်းတွေနဲ့ လျှပ်စစ်လုပ်ငန်းတွေအပြင် ၊ နေရာတော်တော်များများမှာ အသုံးပြုတာကို တွေ့နိုင်ပါတယ်။

စတိန်းလတ်စတီး ( Stainless Steel )
စတိန်းလတ်စတီးကို နေရာအမျိုးမျိုးမှာ ပုံစံအမျိုးမျိုးနဲ့တွေ့နိုင်ပါတယ်။ သေးမွှားတဲ့ နာရီလိုအသုံးအဆောင်ပစ္စည်းတွေမှာအစ မြင်တွေ့နိုင်သလို လူသိများ လူကြိုက်များတဲ့ စတီးအမျိုးအစားဖြစ်ပါတယ်။ သူ့ကိုတော့ စားသောက်ကုန်နဲ့ ဆေးဝါးထုတ်လုပ်တဲ့ လုပ်ငန်းတွေ ၊ အိမ်တွင်းအသုံးအဆောင်ပစ္စည်းတွေနဲ့ ဆောက်လုပ်ရေးလုပ်ငန်းတွေမှာ အသုံးများပါတယ်။

Tool Steel
Tool Steel က မာကြောမှုမြင့်မားတဲ့အတွက် ဆောက်လုပ်ရေးနဲ့ စက်မှုလုပ်ငန်းအထောက်အကူပြု ကိရိယာတွေပြုလုပ်တဲ့နေရာမှာအသုံးပြုလေ့ရှိကြတဲ့အပြင် အိမ်တွင်းသုံးကိရိယာတွေဖြစ်တဲ့ တူတို့ ဓါးတို့လို ပစ္စည်းတွေမှာလည်း အသုံးပြုကြပါတယ်။

Kyaw Nadi