EPM hand made

Crochet စာမေးလို့ရ

မင်မင် သင်ပေးတဲ့ ကလေးတစ်ယောက်က မနက်က လိုင်းပေါ်က စာမေးတော့ အဲ့မှာ ထိုးတာ မှားလား မှန်လား ကြည့် ရှင်းပြရင်း မျောသွားပြီးဟင်းအိုးတည်ထားတာ မေ့ သွားတယ်။ အဲဒါနဲ့ ဟင်းအိုးက တူးကုန်ရော😂

သမီးမေမေက တီချယ်အားမှ လို့ ပြောပေမဲ့ ဟင်းအိုးလည်း ရေထည့်ထားတာမို့ အချိန်ရတယ်နဲ့ ထားလိုက်တာ မျောရင် မေ့သွားတယ်။

တော်သေးတယ်။ အရံဟင်းမို့လို့။

ပြောချင်တာက ကိုယ်သိတာ ပြောရရင် သင်ပေးရရင် ဒီတီချယ်က မမောနိုင် မပန်းနိုင်ဘူး။

ကျန်ရက်တွေက တီချယ် အပြင်ရောက်လို့ အဆင်မပြေပေမဲ့ သောကြာနေ့က ဘာအတန်းမှ မရှိ အားရက်မို့ ကိုယ်သင်ထားတဲ့ ကလေးတွေ အိမ်စာ မရရင် messager က မေးလို့ရတယ်နော်။

တီချယ်ရဲ့ personal account Ei Phyu Mon ကို invite လုပ်လိုက်ပါ။ ကလေး ဘယ်သူရဲ့ မေမေပါလို့ message အရင်ပို့ပေးပါ။ သူစိမ်းဆိုရင် အရမ်း လက်မခံလို့ပါ။

ပိုစ် မတင်တာကြာလို့ အက်မင် စာလေး ရေးမယ်နော်။

ဒီက အက်မင်က နွေရာသီ ကလေးတွေကို crochet face to face, one by one သင်ပေးနေတာမို့ ပိုစ်တွေ ရေးတင်မယ်ဆိုပြီး မရေးဖြစ် ၊ ပေခ်ျကို မကြည့် ဖြစ်ဘူး။

Crochet ပညာကို အခြေခံ လိုက်သင်ပေးနေတော့ အော်ဒါတွေလည်း လက်ခံ မထိုးဖြစ်တော့ ပုံအသစ် တွေလည်း မရှိမို့ တင်စရာ မရှိတာလည်း ပါတယ်။

ဒီမင်မင်က ကလေးတွေကိုပဲ အဓိက သင်ပေးမလား ရည်ရွယ် ထားလို့ ဒီနှစ်မှာ မတက်ရတဲ့ ကလေးတွေ နောက်နှစ် နွေရာသီ လာဆက်သွယ်ကြနော်။

ကလေးတွေ ဖြစ်လို့ အိမ်အကြို ၊ အပို့ ကရိကထ များလို့ အိမ်ရောက်သင်တန်းလေး ဒီနှစ်စဖြစ်ပါတယ်။

အိမ်အရောက် သင်ရတော့ သွားတာ ၊ လာတာနဲ့ ဒီမင်မင်က တစ်ရက်ကို နှစ်နေရာလောက်ပဲ ခြေဆန့်နိုင်တာပါ။ အများကြီး လက်မခံနိုင်ပါဘူး။

ချည်ထိုး အခြေခံက ပုံမှန် လိုက်လုပ်နိုင်တဲ့သူဆိုရင် သင်ချိန် တစ်လ နဲ့ တစ်ပတ်ဆိုရင် course ပြတ်ပါတယ်။

ဒါက အခြေခံပြတ်တဲ့ အချိန် အတိုင်းတာပါ။ အဲ့ကနေ ပန်း ထိုးတာ ၊ ကလစ် ထိုးတာ ၊ အရုပ်ထိုးတာပါ တွဲယူရင် သင်ချိန်က သုံးလမှ အဆင်ပြေတာပါ။

Sample လေးတွေ ထိုးရတာပေါ့။ အရုပ်မှာလည်း pattern တွေများတဲ့အတွက် အခုမှ စချည်ထိုးတတ်သူကို တီချယ်က လွယ်တဲ့ အရုပ်ပတ်တမ် ထိုး သင်တာပါ။

အဓိက ရည်ရွယ်ချက်က သင်ပြီးသား အခြေခံ ထိုးချက်တွေ ပတ်တမ်နဲ့ တွဲပြီး မှတ်မိအောင်နဲ့ ထိုးကျင့်ရအောင်နဲ့ ထိုးချက် သေသပ်ဖို့ကို တီချယ်က ကြည့်ပေးတာပါ။

တီချယ်ဆီက ပတ်တမ်ဖတ်နည်း ၊ ထိုးချက် မှန်နည်းတွေ သိရရင် ကိုယ်ဘာသာ အွန်လိုင်းမှာ လေ့လာသင်ယူပြီး ထိုးကျင့် ကျင့်လို့ရပါပြီ။

ချည်ထိုး ခြင်းက ရမဲ့ အကျိုးကျေးဇူး

(၁) ငွေကြေး တန်ဖိုး သိလာခြင်း

ချည်ထိုး ပစ္စည်းလေးတွေဟာ ပြည်တွင်းမှာ ဈေးကွက်လည်းရှိ ၊ လူကြိုက်လည်း များလာပြီမို့
Passive income နောက်ဆိုရင် ရှာနိုင်ပါပြီ။

Passive income ရှာနိုင်ရင် ကလေးတွေကို ငွေကြေးတန်ဖိုး သင်ပြီးသားဖြစ်ပါတယ်။ တစ်ချိန်တည်းမှာ ငွေကြေး စီမံခန့်ခွဲမှု အသိပါ ရစေပါတယ်။

(၂) မိတ်ဖွဲ့ ရာတွင် အသုံးတည့်ခြင်း

တစ်ယောက်နဲ့ တစ်ယောက် ခင်မင် ရင်းနှီးကြတဲ့ အခါ အမှတ်တရ အနေနဲ့ လက်ဆောင်လေးတွေ ဖလှယ်ကြပါတယ်။

Hand made ပစ္စည်းလေးတွေဟာ လူကြိုက်များတဲ့အရာ ၊ လူတိုင်းနီးပါး တန်ဖိုးထားတဲ့အရာမို့

ကိုယ်ဖန်တီးထားတဲ့ ချည်ထိုး ပစ္စည်း တစ်ခုခုနဲ့ ချစ်ခြင်း မေတ္တာ ၊ ခင်မင်မှုရဲ့ အတိမ်အနက်ကို ပုံဖော်လို့ ရပါတယ်။

(၃) ဂိမ်း ၊ ယူကျူ အစားထိုး ခြင်း

အခုလို အင်တာနတ်ခေတ်မှာ ကလေးတိုင်းက ဖုန်း ၊ ကွန်ပျူတာ ၊ ipad စတဲ့ ပစ္စည်းတွေကို မဖြစ်မနေ ကိုင်ကြပါတယ်။

တန်ဆေး လွန်ဘေး မဖြစ်အောင် စဉ်းစားတဲ့အခါ ချည်ထိုးထားကို tool တစ်ခုအနေနဲ့ စဉ်းစားလို့ ရပါတယ်။

Hand made ပစ္စည်းလေးတွေလုပ်တာ ကလေးမှာ ဝါသနာ ထုံလာရင် တစ်ခြားအရာပေါ် စိတ်ဝင်စားမှု လျော့လာပါတယ်။

ချည်ထိုးတာဟာ အာရုံစူးစိုက်မှု ကောင်းရပါတယ်။ စိတ်ပြန့်လွင်နေရင် ချည်ထိုးတဲ့အခါ ထိုးချက် မှားလေ့ရှိပါတယ်။

အဲ့တော့ ချည်ထိုးနည်းလည်း အကုန်သိပြီးသား သူဟာ ချည်မှန်အောင် ထိုးဖို့အတွက် အာရုံက ချည်ထိုးတဲ့ အနားမှာပဲ ထားရတာပါ။

အဲဒါကြောင့်လည်း စိတ်ပညာကုထုံးတွေမှာ ချည်ထိုးတာကို ကုသမှု တစ်ရပ်အနေနဲ့ ထည့်သွင်းထားတယ်ဆိုတာ လေ့လာမှတ်သားရပါတယ်။

(၄) နောက်ဆုံးတစ်ခုကတော့ အထီးမကျန်တာပါ။

ချည်ထိုးရတာ ဝါသနာ ပါလာရင် ၊ ပိုး ဝင်လာရင် တစ်ယောက်တည်း နေလာရင်လည်း အထီးမကျန်တော့ပါဘူး။

ကလေးတွေ သဘာဝမှာ သူကို ခေါ်မယ်။ သူကို မခေါ်ဘူး။ သူကို မပေါင်းနဲ့ သူကို ပေါင်း ဆိုတဲ့ အလေ့အထလေး ရှိတော့ ဝါသနာ တစ်ခုကို ပျိုးထောင်ပေးတာ ကလေးကို တစ်ခါတည်း စိတ်ပိုင်းဆိုင်ရာ ကြံခိုင်အောင် လုပ်ပေးတာနဲ့ တူပါတယ်။

ဒီအချက် လေးချက်နဲ့ နိဂုံးချူပ်လိုက်ပါတယ်။

ကျောင်းတွေဖွင့်ချိန် စနေ ၊ တနင်္ဂနွေ အတန်း ဖွင့်ဖို့ စိတ်ကူးထားပါတယ်။

အချိန်က နှစ်ရက်တည်းမို့ လူပြည့်နေရင်တော့ အများကြီး လက်ခံလို့ မရပါဘူး။

အဲ့သူတွေအတွက် နောက်နှစ်နွေရာသီတိုင်း လာဆက်သွယ်လို့ ရပါတယ်ရှင့်။