Paye Online Selling

ဝက်ခြံရှိသူများ ပြုလုပ်မိသော အမှားများ❌❌❌

1️⃣ထုံးတို့ခြင်း
ထုံးမှာပါတဲ့ Calcium Carbonate ဟာအနာကျက်တာကို မြန်စေပေမယ့် သေချာစွာ မဖောက်ထားသောထုံးကို သုံးမိရင်တော့ အရေပြားပျက်စီးတတ်ပါတယ်။ ပါးစပ်မပေါက်သော ကွမ်းစားထုံးကို 🍯 ပျားရည်အစစ်ဖြင့်ရောပြီး အသုံးပြုရင်တော့ အနာကျက်တာမြန်စေပါတယ်။

2️⃣သနပ်ခါးဖို့ခြင်း
သနပ်ခါးတွေးရာမှာ သုံးတဲ့ ရေမသန့်ခြင်း၊ ကျောက်ပျဥ်မသန့်ရှင်းကြောင့် ဝက်ခြံ ပိုးဝင်တတ်ပါတယ်။ ကျောက်ပျဥ် သနပ်ခါးတုံးတို့ကို အမြဲသန့်ရှင်းစွာ ဆပ်ပြာဖြင့် ဆေးကြောပြီးမှ ရေသန့်ဖြင့်
သွေးလိမ်းသင့်ပါတယ်။

3️⃣အဆံထွက်အောင် ညှစ်ခြင်း
လက်မှတဆင့် ပိုးဝင်ပြီး ယောင်ယမ်းလာတတ်ပါတယ်။ ဂွမ်းအသန့်ကို သုံးပြီးမှ ညှစ်ပါ (သို့မဟုတ်) တစ်ရှူးအသန့်ကို သုံးပါ။

4️⃣ ဆပ်ပြာဖြင့် မျက်နှာခနခနသစ်ခြင်း
အရေပြားကို ပိုခြောက်သွေ့စေသောကြောင့် အဆီထွက်တာကို အားပေးသလိုဖြစ်ပြီး ဝက်ခြံကိုပိုထွက်စေပါတယ်။ လက်ဖက်ဆီပါသောမျက်နှာသစ်ကို ၅မိနစ်ခန့် ပွတ်လိမ်းပြီးမှ ရေအေးဖြင့် မျက်နှာသစ်ပါ။

5️⃣Moisturizer သုံးရမှာကြောက်နေခြင်း
Moisturizer တွေလိမ်းရင် ချွေးပေါက်ပိတ်ပြီး ဝက်ခြံပိုထွက်တတ်လို့ စိုးရိမ်တတ်ကြပါတယ်။ တကယ်တော့ အဆီဓာတ်မပါတဲ့ Moisturizer ကိုသုံးလို့ ရပါတယ်။ အရေပြားကို အစိုဓာတ်ထိန်းပေးတါကြောင့် ဝက်ခြံထွက်ခြင်းကို လျော့နည်းစေပါတယ်။

6️⃣ဝက်ခြံ ပျောက်ဆေးပွတ်လိမ်းခြင်း
ဝက်ခြံ ပျောက်ဆေးတွေကို လိုအပ်တာထက်ပိုပြီး လိမ်းတတ်ကြပါတယ်။ တချို့က အသားထဲစိမ့်ဝင်နေအောင် အကြာကြီး ပွတ်လိမ်းမိတတ်ကြပါတယ်။ ဘယ်ဆေးမဆို လိုတာထက်ပိုရင် ဆိုးကျိုးတွေ ရှိတတ်ပါတယ်။