Kae plant Shop

သစ်ခွပင်ကို ဘီယာ ဖြန်းခြင်း🍺🍻🥂

သောက်တတ်တဲ့ကိုကြီး၊ မကြီးတို့အထီးကျန်ခွက်တိုက်ဖို့လူမရှိတဲ့အခါသစ်ခွလေးနဲ့အတူခွက်တိုက်ပါ😄
ဘီယာကိုသစ်ခွမှာ ထည့်ဖြန်းတာမျိုးကြားမိကြမှာပါ အရမ်းလဲအံအားသင့်စရာပါ။ကိုယ်တွေလဲ သူများပြောတာကြားတော့အံဩမိပါတယ်၊ဘာဆိုင်သလဲပေါ့ဘာများအကျိုးဖြစ်စေလို့လဲ၊သေကုန်မှာပေါ့စသဖြင့်ပြောခဲ့ဖူးပါတယ်။ဒီတော့ ဘီယာမှာသစ်ခွအတွက်ဘာတွေပါဝင်သလဲ အဓိကပါဝင်တာက Vitamin Bအများအပြားပါဝင်တာပါ။

ဘီယာဖြန်းခြင်းအကျိုးကျေးဇူးတွေကတော့ အမြစ်ထွက်နှုန်းကောင်းခြင်း၊အပင်သန်မာကာပို၍ဖြစ်ထွန်းခြင်း၊ ပန်းပွင့်စေ‌ခြင်းတို့ဖြစ်စေပါသည်။

ဒီတော့ဘီယာကို ဘယ်လိုအချိုးအကျကျသုံးရမလဲဆိုတာပါဘဲ။တစ်ချို့က ဘီယာလောင်းပေးရတယ်ဆို ဘာမှမရောဘဲ ဒီတိုင်းလောင်းတာမျိုးတွေ့ရပါတယ်။လုံးဝမှားယွင်းပါတယ်။သူ့ရဲ့ရောစပ်တဲ့ပမာဏရှိပါတယ်။

ဘီယာသုံးခြင်းကြောင့် အမြစ်ဆေးသီးသန့်ဝယ်သုံးစရာမလိုပါ။ဥပမာ-B1ကို မသုံးဘဲနေလဲရပါတယ်။ဘီယာရဲ့အားဖြစ်စေတာကတော့အရမ်းကိုသိသာပါတယ် အကျိုးကျေးဇူးရှိသလို ဆိုးကျိုးတွေလဲရှိတတ်တာမို့ အမြဲသုံးနေတာမျိုးတော့မလုပ်ပေးသင့်ပါ။

အပင်တွင်ဘီယာဖြန်းနည်း🍻
--------🍂----------🍂----------
ဝယ်ရလွယ်ကူကာကြိုက်နှစ်သက်ရာ မည်သည့်ဘီယာမျိုးကိုမဆိုသုံးလို့ရပါတယ်။
ဘီယာ 500MLရှိ‌သောဘီယာဘူးတွင် ဘီယာအချိုး250ML(ဘူးတစ်ဝက်)နှင့် ရေ တစ်ဂါလံရောစပ်ကာဖြန်းပေးလို့ရပါတယ်။

အပင်အား10ရက်တစ်ခါဖြန်းပေးလို့ရပါတယ်။အပင်ရဲ့လိုအပ်ချက်ပေါ်မူတည်၍အချိုးများကိုအနည်းငယ်အတိုးအလျော့လုပ်ကာ ဖြန်းပေးလို့ရပါတယ်။

အားဆေးအဖြစ်အသုံးပြုကာဖြန်းပေးတာမို့အပင်အာယာရရစေရန် မနက်ပိုင်းတွင်သာဖြန်းပေးခြင်းကပိုမိုထိရောက်ပါတယ်။
(မည်သည့်အားဆေးမဆိုမနက်ပိုင်းတွင်သာဖြန်းပေးခြင်းကအကောင်းဆုံးပါ။)

အပင်အားဘီယာ စိမ်ခြင်း🍺
-------🍀--------🍀------
ဘီယာ 500MLဘူးတွင်ဘူးတစ်ဝက် (250ML)နှင့် ရေ 2လီတာအချိုးရောစပ်၍မိမိစိုက်လိုသောအပင်အား 15မိနစ်ခန့်ဘီယာတွင်စိမ်၍စိုက်ပေးကအမြစ် ပိုမိုမြန်ဆန်စွာထွက်လာစေပါသည်။

ဘီယာအားအမြစ်အတွက်သီးသန့်လည်းသုံးလို့ရတာမို့အပင်အား‌အိုးပြောင်းလို့ဘဲဖြစ်ဖြစ်၊ပွားစာလဲလို့ဘဲဖြစ်ဖြစ်၊ရိုးတံပင်စည်ဟောင်းများအမြစ်ထုတ်ချင်လို့ဘဲဖြစ်ဖြစ် အပင်အားဘီယာတွင်15မိနစ်စိမ်ကာစိုက်ခြင်းကအမြစ်ထွက်အားကောင်းစေပါတယ်။

သစ်ခွပင်အားဘီယာဖြန်းပေးခြင်းနှင့် ဘီယာစိမ်ခြင်းတို့က အပင်အတွက်ဆိုးကျိုးမရှိဘူးလို့သိရပါတယ်၊ ဒါပေမယ့်ဘယ်ဆေးမဆို တန်ဆေးလွန်ဘေးဖြစ်တာမို့အချိုးကျအောင်သုံးပေးခြင်းကမိမိအပင်အတွက် ထိခိုက်တာမျိုးမရှိအောင်တော့ဂရုစိုက်ဖို့လိုပါတယ်။
🍀☘️🍃
အထီးကျန် ခွက်တိုင်ဖေါ်မရှိရင်သူတို့လေးတွေနဲ့အဖော်ပြုခွက်တိုက်လို့ရပါပီ😁
ကဲ‌အန်တီ၊မမ၊‌ဒေါ်ဒေါ်‌တွေကဆေးနည်းကဘီယာပါထပ်တိုးလာတာဆိုတော့အပိုမကုန်‌ရအောင်🤔 မိမိရဲ့ ကျားကျားသောက်သောဘီယာဘူးများမှ ယူလျှင်လည်းဝယ်ရသက်သာသလိုငွေမကုန်တော့ပါ😜အကြံပေးခြင်းသာ🤗

စိုက်သောပန်းတိုင်းပွင့်လန်းကြပါစေ
ကျောက်ပန်းတောင်း
Writer By-Pyae Phyoe Lwin
Post By_Trendy Orchid World

ပန်းချစ်သူလေးများအတွက် 🪴🌹🪷🌻💐

သူငယ်ချင်းတွေ ဆိုင်စုဖွင့်ထားသောအခါ 😅😅😅

အပေါ်ပုံက #ပုံခိုး
အောက်ပုံ က အိမ်ပေါက်