Zofa Journal
Share
Chinlung Chhuak Chinland Zofa Journal, News and Interviews. Motto : Tih theih tawka Țanpui Ngaite Țanpui. WhatsApp Number : +918798764869
12/06/2026
FIFA World Cup Opening Ceremony Neih Fel A Ni, In Thlir Chak Kan Dah Tel Ngei Kan Beisei
June 12th,2026 - Zofa Journal║Mexico ram Mexico khawpui ah khawvel ram pumhuap in fiamna sangber FIFA World Cup chu June ni 11 khan ropui taka hawn fel a ni a, zai thiam Special sawm bik Andrea Bocelli leh Ejae zai tlangin, Burna Boy leh Shakira chuan Kumin World Cup hawnna tan bik liau liau a an hla phuah "Dai Dai" chu an sa chhun zawm ve.
June 12th, Myanmar Time dar 1:30 AM khan World Cup host tu Mexico leh South Africa an in khela, Mexico lam chuan Goal-2 thunin (2-0) in an chak.
Tukin Myanmar Time dar 8:30 AM ah tho South Korea leh Czechia an in khel chhun zawm leh dawn a ni. Khawvel ram infiamna sangber FIFA World Cup chu ram (3) ah neih a ni dawna, a hmun tur chu United States America, Mexico leh Canada ram te a ni. Ram 48 an tel dawn a FIFA World Cup hawnna (opening ceremony) hmasa ber chu Mexico ram Mexico khawpui-a neih fel a ni tawha, in khelhna te pawh tan mek a ni; US time July ni 19 thleng World Cup a awm tur thu sawiin Final chu USA ramah an hmang dawn ti infiamna thu neitu ten an tlangzarh tel.
Chanchin a ai fiah zawka chhiar zawm duh tan👇
https://www.facebook.com/share/v/1Bb2ribk5n/
Kalay Leh Tamu In Kar Indona Chhunzawm Zel A La Ni
June 9th,2026 - Zofa Journal║Chinland ram Zophai Kabaw Tamu leh Kalay Township in kar chu Military Council sipai ten June ni 7 atang nawrin, Mipui sipai lam in ep na leh in kahna nasat tak a la awmchhun zawm zel thu dawn a ni.
Sipai sawrkar President Min Aung Hlaing chuan May ni 30 atanga June ni 3 (5days) chhung India ram a zin lo hawng kawng Airport ah ti hian a sawi; Democracy rorelna a duh thu sawiin a thu neihna dodaltu ten a mah thlawpin remna leh muanna awm thuai se India leh Myanmar in sum dawn tawnna kalpui thei ni chuan ram hmasawnna a awm thuai ang tiin.
India atanga ramri Tamu khawpui leh Kalay khawpui in kar kawngpui zawng zawng chu, Military Council k*t hnuaiah a rang lama awm turin hmalakna an nei chhunzawm nghala, mipui sipai awmna hmun apiang va nawrin , Tamu leh Kalay in kal pawhna Nahmunta lamah mipui sipai te nen in kah tawnna nasa tak a thleng zui hnuah Nahmunta chu SSPC ten an control a; a chheh vel Zohmun, Kanan, Khampat, Hmuntha khua telin Khaw (50) chuang mipui in sa sengin a tam zawk Tahan leh a chhehvel khaw lamah an raltlan bawk niin kan thu lakna chuan a tarlang tel.
ASEAN ram rorelna sangber leh UN tiamin khawvel democracy ram hrang hrang chuan, Myanmar Sipai sawrkar kalphung chu democracy lem a ni thu sawiin Min Aung Hlaing chu President ah an pawmpui lo a, mipui duh thlanna leh zalenna angin ram hruaitu tur chu fer tak leh felfai takin Election siam nawn tir an duh thu an hriattir nawn tawh bawk a ni.
Min Aung Hlaing hlawkna tura India leh Myanmar in sum dawn tawnna tur, Tamu leh Kalay in kalpawhna kawngpui zawng zawng chu military council sipai ten an duh anga, control thei lo turin tangrual mipui sipai ten an dolet bawk.
Video- Tamu leh Kalay in kar military council sipai chet dan an mahni Post chhuah mi a ni.
Click here to claim your Sponsored Listing.
Category
Telephone
Website
Address
Kalemyo
