The Sun Real Estate

အိမ်ခြံမြေ အကြောင်း သိကောင်းစရာများ အပိုင်း ( ၁ )

၁။ SP/GP ဆိုသည်မှာ

မိမိရဲ့ အကြောင်းကိစ္စတွေအတွက် “ကိုယ်စားလှယ်”ကို “ပါဝါ” ကို လွှဲပေးတာမျိုးဖြစ်ပါသည်။ မိမိကိုယ်စား လက်မှတ်ရေးထိုးနိုင်သည့်အပြင် စာရင်းလည်းရှင်းပိုင်ခွင့်ရှိပါတယ်။ တရားစွဲလည်းခံနိုင်ခွင့် ရှိပါတယ်။



၂။ Special Power and General Power

SP ဆိုတာ အထူးကိုယ်စားလှယ်လွှဲစာ ( Special Power ) အကြောင်းကိစ္စတစ်ခု၊ နှစ်ခု စသည်ဖြင့် အကန့်အသတ်ဖြင့်လွှဲပေးသည့် ကိုယ်စားလှယ်လွှဲစာဖြစ်ပါသည်။

GP ဆိုတာ အထွေထွေကိုယ်စားလှယ်လွှဲစာ ( General Power ) မိမိကိုယ်စား “ပါဝါ”

အကုန်ကို ကန့်သတ်ချက်မရှိလွှဲပေးလိုက်တဲ့ ကိုယ်စားလှယ်လွှဲစာဖြစ်ပါသည်။

အရွယ်ရောက်ပြီး ထပ် မည်သူကိုမဆို လွှဲပေးနိုင်ပါသည်။



၃။ SP/GP အရမ်းမပေးကြပါနှင့်

မှတ်ပုံတင်ပြီး SP/GP တို့ကို ခိုင်လုံတဲ့အ‌ကြောင်းမရှိပဲ ပြန်ရုပ်သိမ်းလို့ မရပါဘူးဗျာ။



၄။ ကိုယ့်ဝန်ထမ်းတော့ လွှဲနိုင်ပါတယ်။

ကိုယ့်ကိုလွှဲပေးထားတဲ့ SP/GP သူများကို ထပ်လွှဲလို့မရပါဘူး။ ဒါပေမယ့် ကိုယ့်ရဲ့ ကုမ္ပဏီရုံးဝန်ထမ်းကိုတော့ ထပ်လွှဲနိုင်ပါတယ်။ ကိုယ်ကတာဝန်ယူရပါတယ်။



၅။ SP ထပ်လွှဲချင်လျှင်တော့

“လိုအပ်လျှင် ထပ်၍လွှဲနိုင်ပါသည်“ လို့ SP ပေါ်မှာ ရေးပေးထားလျှင်တော့ ထပ်ပြီး လွှဲလို့ရပါတယ်ခင်ဗျား။



၆။ SP/GP ပျက်ရခြင်း အကြောင်း(၆)ပါး

SP/GP တို့သည် ပြန်ရုပ်သိမ်းခြင်း၊ ငြင်းပယ်ခြင်း၊ ကိစ္စပြီးဆုံးခြင်း၊ သေဆုံးခြင်း၊ ရူးသွပ်ခြင်း နှင့် လူမွဲအဖြစ်ခံယူခြင်းတို့ဖြစ်မှသာလျှင် ပျက်ပြယ်ကြရပါသည်။ SP/GP တွင် သက်တမ်းရယ်လို့ မရှိပါ။



၇။ လူနေမြေကွက်တစ်ကွက်ကို သင်ရောင်းမည်ဆိုပါလျှင်

-စာရွက်စာတမ်းလည်း ပြည့်စုံရပါမည်။

-ရောင်းချပိုင်ခွင့်လည်း ရှိရပါမည်။

-မှတ်ပုံတင်စာချုပ်လဲ ချုပ်ပေးနိုင်ရပါမည်။



၈။ အမှုဖြစ်နေဆဲ အိမ် နှင့် ခြံ

တရားမမှု(သို့) ရာဇဝတ်မှု တစ်ခုခုမှာ ငြိစွန်းနေတဲ့ အိမ်နှင့်ခြံ ကို အမှုမပြီးမချင်း အမည်ပြောင်းလို့ မရပါဘူး ခင်ဗျား။



၉။ အိမ် နှင့် ခြံ တရားဝင် ဝယ်တယ်ဆိုသည်မှာ

မရွှေ့မပြောင်းနိုင်သော ပစ္စည်းဖြစ်သောကြောင့် “ဝယ်သူ” က ငွေပေး၍ “ရောင်းချသူ” က ပိုင်ဆိုင်ခွင့်မှာ အမည်ပြောင်းပေးရတာကို “အရောင်းအဝယ်” လို့ ခေါ်ပါတယ်။ မှတ်ပုံတင်စာချုပ် စာတမ်းဖြင့် “သာ” ပြုလုပ်ရမယ်လို့ ဥပဒေက အတိအလင်းဆိုပါတယ်။



၁၀။ မရွှေ့မပြောင်းနိုင်သော ပစ္စည်း

အိမ်ခြံမြေသည် မရွှေ့မပြောင်းနိုင်သော ပစ္စည်းဖြစ်ပါ၍ရောင်းလျှင်၊ ပေးလျှင်၊ စွန့်လွှတ်လျှင်၊ အမှားပြင်လျှင်၊ ပိုင်ဆိုင်ကြောင်း ကြေညာလိုလျှင် မှတ်ပုံတင်စာချုပ် စာတမ်းဖြင့်သာပြုလုပ်ခွင့်ရှိပါသည်။



Crd = = ဆရာ ကြည်ဆိုး ( IC )