Tokyo Metropolitan International Exchange Program

JLPT ဖြေဆိုလိုသော ကျောင်းသူကျောင်းသားများ ဒီဇင်ဘာ (၅)ရက်နေ့တွင် ဖြေဆိုနိုင်ပါပြီ။
JLPT Preparation Exam Course များကို မကြာမှီ ဖွင့်လှစ်သွားပါမည်။
JLPT EXAM ဖြေဆိုရန် MAJA တွင်တိုက်ရိုက်ဖောင်တင်နိုင်ပါပြီ။

https://www.facebook.com/117985645021854/posts/2077918669028532/?d=n

၂၀၂၁ ခုနှစ် ဒီဇင်ဘာလ (၅)ရက်နေ့တွင် ကျင်းပမည့် ဂျပန်ဘာသာအရည်အချင်းစစ်စာမေးပွဲ(JLPT) အတွက် ကြေညာခြင်း။
----------------------------------------------------------------------------------------------------------------
၂၀၂၁ ခုနှစ်၊ ဒီဇင်ဘာလ (၅)ရက်နေ့(တနင်္ဂနွေနေ့) တွင် ဂျပန်ဘာသာ အရည်အချင်းစစ်စာမေးပွဲ (JLPT) အား အောက်ဖော်ပြပါအတိုင်း ရန်ကုန်နှင့် မန္တလေးတို့တွင် ကျင်းပမည်ဖြစ်ပါသည်။

※ Covid-19 ရောဂါဖြစ်ပွားမှု မြင့်တက်နေချိန်ဖြစ်ပါသောကြောင့် ဖြေဆိုသူဦးရေ အနည်းငယ်ဖြင့် N3 နှင့် N4 ကိုသာ ကျင်းပပြုလုပ်သွားနိုင်မည်ဖြစ်ပြီး၊ လူအချင်းချင်းထိတွေ့မှု မရှိစေရန် အွန်လိုင်းမှသာ လျှောက်လွှာများကို လက်ခံသွားမည် ဖြစ်ကြောင်းဦးစွာ အသိပေးအပ်ပါသည်။ အခက်အခဲများအကြားတွင် ကျင်းပပြုလုပ်ရန် စီစဉ်ရသည် ဖြစ်ပါသောကြောင့် အပြောင်းအလဲများအပေါ် နားလည်သဘောပေါက် လက်ခံပေးပါရန်နှင့် အလုပ်အကိုင်အတွက်စသည့် စာမေးပွဲအောင်မြင်ရန် လိုအပ်ချက် ရှိသူများသာ လျှောက်ထားကြပါရန် မေတ္တာရပ်ခံ အပ်ပါသည်။

စာမေးပွဲဝင်ရောက် ဖြေဆိုမည့်သူများမှာ အောက်ပါ အချက်အလက်များကိုလေ့လာပြီး လျှောက်ထား နိုင်ပါသည်။

၁။ စာမေးပွဲကျင်းပမည့်နေ့ရက်
ဒီဇင်ဘာလ ၅ရက်နေ့ (တနင်္ဂနွေနေ့)

၂။ ကျင်းပမည့် စာမေးပွဲအဆင့်၊ နေရာနှင့် အရေအတွက်
ကျင်းပမည့် စာမေးပွဲအဆင့် - N4 နှင့် N3
ရန်ကုန်မြို့ - N4 ၁၅၀၀ ဦး၊ N3 ၅၀၀ ဦး
မန္တလေးမြို့- N4 ၆၀၀ ဦး၊ N3 ၁၀၀ ဦး

၃။ စာမေးပွဲကြေး
စာမေးပွဲကြေး (N4, N3) - ၄၀,၀၀၀ကျပ်
လျှောက်လွှာကြေး - ၄,၀၀၀ကျပ်
စုစုပေါင်း - ၄၄,၀၀၀ကျပ်

Covid-19 ရောဂါကူးစက်မှု ကာကွယ်ရေးအစီအစဉ်များနှင့် အညီကျင်းပရသည် ဖြစ်ပါသောကြောင့် စာမေးပွဲကြေးများကို ပြောင်းလဲသတ်မှတ်ရသည် ကို နားလည်ပေးပါရန် မေတ္တာရပ်ခံ အပ်ပါသည်။ Covid-19 ရောဂါကူးစက်မှုအခြေအနေနှင့် အခြားသော အကြောင်းအရင်းများကြောင့် စာမေးပွဲပြုလုပ်ကျင်းပနိုင်ခြင်း မရှိပါက စာမေးပွဲကြေးအား ပြန်လည် ပေးအပ်သွားမည် ဖြစ်သော်လည်း၊ လျှောက်လွှာကြေးအား ပြန်လည်ထုတ်ပေးမည် မဟုတ်ကြောင်း ကြိုတင် အသိပေးအပ်ပါသည်။ လျှောက်လွှာကြေးသည် လျှောက်လွှာလက်ခံစီစဉ်ဆောင်ရွက်ခြင်းအတွက် ကုန်ကျသောစရိတ် ဖြစ်ပါသည်။

၄။ စာမေးပွဲဖြေဆိုခွင့် လျှောက်ထားနည်း

Online မှ တဆင့် လျှောက်ထားရမည် ဖြစ်ပြီး၊ စတင်လျှောက်ထားနိုင်သည့် သြဂုတ်လ (၂၀) ရက်နေ့ တွင် URL Address နှင့် လျှောက်ထားခြင်းလမ်းညွှန်ကို ကြေငြာသွားမည် ဖြစ်ပါသည်။ လျှောက်လွှာများ တပြိုင်နက်တည်း ပေးပို့ခြင်းကြောင့် System Error ဖြစ်ပေါ်ခြင်းကို ကာကွယ်ရန် ကြိုတင်ကြေငြာပေးနိုင်ခြင်း မရှိမှုအား နားလည်သဘောပေါက် ပေးပါရန် မေတ္တာရပ်ခံ အပ်ပါသည်။

လျှောက်လွှာတင်ရန် အောက်ဖော်ပြပါ စာမေးပွဲလမ်းညွှန်အား ဖတ်ရှုပြီး၊ Application Form အတွက် လိုအပ်သည့် အချက်အလက်များကို ပြင်ဆင်ထားရန်နှင့် လျှောက်လွှာပြင်ဆင်ရာတွင် ကွန်ပျူတာအသုံးပြုရန် လိုအပ်ကြောင်း ကြိုတင်အသိပေးအပ်ပါသည်။

● ၂၀၂၁ခုနှစ် ဒီဇင်ဘာလ ဂျပန်ဘာသာအရည်အချင်းစစ်စာမေးပွဲလမ်းညွှန် https://ascoja-maja.org.mm/upload/pdf/JLPT_Test_Guide_2021B.pdf
“How to Fill in the Application Form” (အထက်ပါ စာမေးပွဲလမ်းညွှန် Page 21-30)

၅။ လျှောက်လွှာလက်ခံမည့်ကာလ
သြဂုတ်လ (၂၀) ရက် မှ စက်တင်ဘာလ (၃) ရက်အတွင်း
※ သတ်မှတ်အရေအတွက် ပြည့်သည်နှင့် လျှောက်လွှာလက်ခံခြင်းကို ရပ်ဆိုင်းမည် ဖြစ်ပါသည်။

၆။ စာမေးပွဲကြေး ပေးသွင်းခြင်း
Online မှ တဆင့် လျှောက်ထားသည့် လျှောက်လွှာများအား စိစစ်ပြီး၊ အချက်အလက်ပြည့်စုံသည့် လျှောက်ထားသူများအား ငွေသွင်းရန် “Invoice Number” အား ပေးပို့သွားပါမည်။ KBZ Quick Pay (K Pay, KBZ iBanking, KBZ Bank, Agent) မှ ပေးသွင်းရမည် ဖြစ်ပြီး၊ Invoice Number နှင့် အတူ ငွေပေးသွင်းခြင်းလမ်းညွှန်အား ပေးပို့ပေးသွားပါမည်။ ငွေပေးသွင်းပြီးသည့် လျှောက်ထားသူများအား Test Voucher (စာမေးပွဲဖြေဆိုခွင့်ကဒ်ပြား) ကို Viber မှ ပေးပို့ပေးသွားပါမည်။ (စာမေးပွဲဖြေဆိုသည့် နေ့တွင် ယင်း Soft Copy နှင့် ID Card မူရင်းအား ပြသကာ Test Voucher မူရင်းအား ထုတ်ယူရမည် ဖြစ်ပါသည်။)

၇။ စုံစမ်းမေးမြန်းခြင်း
လျှောက်လွှာတင်ခြင်းနှင့်ပတ်သက်၍စုံစမ်းမေးမြန်းလိုပါက
မြန်မာနိုင်ငံဂျပန်ပြန်ပညာသင်ဟောင်းအသင်း(MAJA)
ဖုန်း။ 09-9627 51373, 09-6922 88751
ဖုန်းလက်ခံဖြေကြားချိန်။ တနင်္လာနေ့ မှ စနေနေ့ (နံနက် ၉း၃၀ မှ ၁၂း၀၀၊ နေ့လယ် ၁း၀၀ မှ ၄း၃၀)။

ဂျပန်ရုပ်ရှင်ပွဲတော်

၂၀၂၁ ခုနှစ်အတွက် ဂျပန်ရုပ်ရှင်ပွဲတော်ကို အွန်လိုင်းရုပ်ရှင်ပွဲတော်အဖြစ် ဇန်နဝါရီလ ၁၃ ရက်နေ့မှ ၂၂ ရက်နေ့အထိ https://watch.jff.jpf.go.jp/page/myanmar/ ဝက်ဘ်ဆိုဒ်မှတစ်ဆင့် ရုပ်ရှင်ကားများကို ပြသသွားရန် စီစဉ်ထားပါသည်။
သို့ဖြစ်ပါ၍ ၂ၒ၂၁ ခုနှစ် ဂျပန်ရုပ်ရှင်ပွဲတော် ဖွင့်ပွဲအခမ်းအနားကို အွန်လိုင်းမှတစ်ဆင့် ပြုလုပ်မည်ဖြစ်ပါသဖြင့် လူကြီးမင်းတို့အနေဖြင့် Zoom webinar မှသော်လည်းကောင်း။ ဂျပန်ဖောင်ဒေးရှင်းရန်ကုန်နှင့် ဂျပန်ရုပ်ရှင်ပွဲတော်စာမျက်နှာ၏ Facebook Live မှသော်လည်းကောင်း ကြည့်ရှုနိုင်ရန် လေးစားစွာ အသိပေးအကြောင်းကြားအပ်ပါသည်။

နေ့ရက် ။ ။ ၂၀၂၁ ခုနှစ်၊ ဇန်နဝါရီလ ၁၃ ရက်နေ့ (ဗုဒ္ဓဟူးနေ့)
အချိန် ။ ။ နေ့လည် ၁၁ နာရီခွဲ
Webinar Link: https://zoom.us/j/94957391822?pwd=M0lqa3UxUVBJYmNXNHBpeVV4aitnQT09
Webinar ID: 949 5739 1822
Passcode: 636223

မိတ်ဆွေများအနေဖြင့် ဂျပန်ရုပ်ရှင်ပွဲတော်အကြောင်းကို မိမိတို့၏ အသိမိတ်ဆွေများနှင့် ကျောင်းသူကျောင်းသားများကို ထပ်ဆင့်ကမ်း ဝေမျှပေးပါရန် မေတ္တာရပ်ခံအပ်ပါသည်။

ဂျပန်ရုပ်ရှင်ပွဲတော် ကို ၂ဝ၂၁ ခုနှစ် ဇန်နဝါရီလ ၁၃ ရက်နေ့မှ၂၂ ရက်နေ့အထိ JFF Plus ဝက်ဘ်ဆိုဒ်မှာ ပြုလုပ်ကျင်းပသွားမှာဖြစ်ပြီး ဒီ၁ဝ ရက်တာ အွန်လိုင်းရုပ်ရှင်ပွဲတော်ကာလ မှာ ဂျပန်ရုပ်ရှင်ကားပေါင်း ၂၇ ကားပြသသွားမည်ဖြစ်ကာ မိမိတို့၏ အိမ်မှာတင် အမျိုးအစားစုံလင်စွာ ကြည့်ရှုခံစားနိုင်မည်ဖြစ်ပါသည်။ ရုပ်ရှင်ပွဲတော်ကာလတွင် စိတ်ဝင်စားဖွယ်ရာ စကားဝိုင်း၊ ပြိုင်ပွဲ အစရှိသည့် အစီအစဉ်များကိုလည်း ပြုလုပ်မည်ဖြစ်ပါသဖြင့် ဂျပန်ရုပ်ရှင်ပွဲတော်(မြန်မာ) စာမျက်နှာတွင်စောင့်မျှော်ကြည့်ရှုဖို့ ဖိတ်ခေါ်အပ်ပါသည်။

လေးစားစွာဖြင့်
ဂျပန်ဖောင်ဒေးရှင်း၊ရန်ကုန်
Facebook event: https://www.facebook.com/events/726051651639604

https://watch.jff.jpf.go.jp/page/myanmar/

JFF Plus: Online Festival Myanmar - January 13 - 22, 2021 ｜ DISCOVER JAPANESE CINEMA ONLINE - Films are available for 24 hours only, from the scheduled starting times. - You will no longer be able to playback films when they reach the 24-hour expiration limit.

အသက် (၁၅) မှ(၁၈) ကျောင်းသူကျောင်းသားများ ဂျပန်နျုင်ငံ အထက်တန်းကျောင်းတွင် အစိုးရကုန်ကျစရိတ်ဖြင့် တက်ရောက်နိုင်မယ့် အခွင့်အရေး လက်မလွှတ်သင့်ဘူးနော်။