Myanmar Network - Kyangin

☀️🌨️☀️ အခုလို မိုးရာသီအကူးအပြောင်းကာလဟာ ရာသီဥတုက ရုတ်တရက်အေးလာလိုက်၊ ပူလိုက်နဲ့ စိုထိုင်းဆများတာကြောင့် ကိုယ်ခံအားကျပြီး ရောဂါဘယတွေ အဖြစ်များတဲ့ အချိန်ဖြစ်ပါတယ်။
နွေအကုန် မိုးအကူး ရာသီအကူးအပြောင်းကာလ ရောက်လာပြီဆိုတော့ လေထုထဲမှာ စိုထိုင်းဆတွေပြောင်းလဲပြီး ပတ်ဝန်းကျင်ကလည်း ရုတ်တရက် အေးစိမ့်လာတတ်ပါတယ်။ ဒီလိုအချိန်မှာ ကိုယ်ခံအားနည်းရင် ရောဂါပိုးမွှားတွေ ဝင်ရောက်ဖို့ အလွန်လွယ်ကူသွားတတ်ပါတယ်နော်။
ဒါကြောင့် မိုးရာသီအကူးအပြောင်းကာလမှာ အဖြစ်များဆုံး ရောဂါ (၄) မျိုးအကြောင်းကို အထူးသတိထားနိုင်အောင် ပြောပြပေးလိုက်ပါတယ်။
🦠 ရာသီတုပ်ကွေး (Influenza)
နှာစေး၊ ချောင်းဆိုး၊ ဖျားနာတာတွေအပြင် ကိုယ်လက်ကိုက်ခဲတာတွေ ဖြစ်တတ်ပါတယ်။ အထူးသဖြင့် ကလေးငယ်တွေနဲ့ လူကြီးမိဘတွေမှာ ပိုပြီး အဖြစ်များပါတယ်။
🦟 သွေးလွန်တုပ်ကွေး (Dengue Fever)
မိုးရွာပြီး ရေတင်ကျန်တဲ့နေရာတွေကနေ ခြင်ကျားတွေ ပေါက်ဖွားပြီး သွေးလွန်တုပ်ကွေးရောဂါ ဖြစ်ပွားနိုင်ပါတယ်။ အဖျားအရမ်းတက်တာ၊ အနီစက်တွေထွက်တာမျိုး ရှိနိုင်လို့ သတိထားဖို့ လိုပါတယ်။
🦟 ငှက်ဖျားရောဂါ (Malaria)
ခြင်ကိုက်ခံရမှုကနေတစ်ဆင့် ကူးစက်တတ်ပြီး တုန်လှုပ်ချမ်းတုန်ကာ ဖျားတာမျိုး ဖြစ်တတ်ပါတယ်။
💧 ဝမ်းပျက်ဝမ်းလျှောရောဂါ (Diarrhea)
မိုးရာသီမှာ ရေနဲ့ အစားအစာတွေကတစ်ဆင့် ရောဂါပိုးမွှားတွေ ကူးစက်ဖို့ ပိုလွယ်ကူပါတယ်။ လမ်းဘေးစာတွေနဲ့ သန့်ရှင်းမှုမရှိတဲ့ ရေတွေကို ရှောင်ကြဉ်ရပါမယ်။
💡🚫🦠🚫🦟 ဒီလိုရောဂါတွေမဖြစ်ပွားအောင် ကာကွယ်ဖို့ဆိုရင်........
👉🏻 အပြင်ကပြန်လာတိုင်း လက်ကို ဆပ်ပြာနဲ့ စင်ကြယ်အောင် ဆေးကြောပါ။
👉🏻 ရေကို ကျိုချက်သောက်သုံးပြီး ချက်ပြုတ်ထားတဲ့ အစားအစာတွေကို အဖုံးအုပ်ထားပါ။
👉🏻 နေအိမ်ပတ်ဝန်းကျင်မှာ ရေတင်ကျန်နိုင်တဲ့ ခွက်တွေ၊ တာယာဟောင်းတွေကို မှောက်ထားပြီး ခြင်နှိမ်နင်းပါ။
👉🏻 အာဟာရပြည့်ဝတဲ့ အစားအစာတွေ စားသုံးပြီး အိပ်ရေးဝဝ အိပ်စက်ပါ။
ဒီလိုတွေပြုမူနေထိုင်မယ်ဆိုရင် သင့်နှင့်သင့်ပတ်ဝန်းကျင်ဟာ ဒီလိုရောဂါတွေမဖြစ်ပွားတော့ဘဲ ပိုမိုကျန်းမာတဲ့ဘဝကိုပိုင်ဆိုင်နိုင်မှာပဲဖြစ်ပါတယ်.........

🌨️ ချစ်ခင်လေးစားရတဲ့ Myanmar Network Customer များအားလုံးလည်း ရာသီဥတုတွေ ဘယ်လိုပဲ ပြောင်းလဲပြောင်းလဲ မိမိရဲ့ ကျန်းမာရေးကို အထူးဂရုစိုက်နိုင်ပြီး ပျော်ရွှင်စရာ မိုးရာသီလေးကို ဖြတ်သန်းကြပါစေ 🥰