eBook Printing Services Lashio - EPSL

၂၀၂၄ ခုနှစ် နိုဝင်ဘာလ (၁၁) ရက်၊ တနင်္လာနေ့

ဒီနေ့ဟာ "ခမ်းကူ" ရဲ့ (၁၃) နှစ်ပြည့် နှစ်ပတ်လည်နေ့ ဆိုပေမယ့် ဒီနှစ်တော့ ချစ်သူခင်သူတွေ၊ မိတ်ဆွေအပေါင်းအသင်းတွေ၊ လုပ်ငန်းပါတနာတွေနဲ့ ကျေးဇူးရှင်ကာစတမ်မာအပေါင်းကို ဘာလက်ဆောင်၊ ဘာပညာဒါနမှမှ မလုပ်ပေးနိုင်တဲ့နှစ်ပါပဲ။

ကျွန်တော်တို့တွေဟာ အခက်အခဲပေါင်းများစွာကို ရင်ဆိုင်နေကြရပါတယ်။ အခုလိုအခက်အခဲကြုံတွေနေတဲ့အချိန်မှာ ကျွန်တော်တို့ကို ကူညီပေးပါသော၊ စိတ်ခွန်အားပေးပါသော မိတ်ဆွေသူငယ်ချင်းများနဲ့ ယုံကြည်စွာ ဆက်လက်အလုပ်အပ်နှံကြပါသော ကျေးဇူးရှင်ကာစတမ်မာအပေါင်းတို့ရဲ့ ကျေးဇူးကို ဘယ်တော့မှ မမေ့ပါဘူးခင်ဗျာ။

ဒီအချိန်မှာ ကျွန်တော်တို့တွေဟာ အားတင်းပြီးဆက်လျှောက်နေရပေမယ့် မူလဘူတရည်မှန်းချက်ပန်းတိုင်ကိုတော့ မပျောက်ပျက်ရလေအောင် ဆက်လက် ကြိုးစားနေပါတယ်။

ဗုဒ္ဓရဲ့လမ်းညွှန်မှုအတိုင်းပါပဲ ဘယ်အရာမှ မတည်မြဲတဲ့ လောကဓံတရားတွေဖြစ်တဲ့အတွက် မကြာခင်မှာ လက်ရှိကြုံတွေ့နေရတဲ့ ဒုက္ခဆင်းရဲတွေကို ရင်ဆိုင်ကျော်လွှားနိုင်မယ်လို့ မျှော်လင့်ရင်း ကပ်သုံးပါး၊ ရန်သူမျိုးငါးပါး နှင့် စီးပွားပျက်ခြင်းတရား ရှစ်ပါး တို့မှ ကင်းလွတ်ငြိမ်းပြီး စီးပွားလာဘ်လာဘများတိုးတက်ကာ အတ္တဟိတ ပရဟိတ မျှတစွာဖြင့် မိမိအကျိုး လူမှုအကျိုး ဆထက်တံပိုးထမ်းဆောင်နိုင်ကြပါစေခင်ဗျာ။

ရိုသေလေးစားလျက်
ခမ်းကူ ကုမ္ပဏီလီမိတက် မိသားစု

မိုင်ဆုန်ခ ၊ မင်္ဂလာပါ

မြန်မာ့နှစ်သစ်ကူး အတာသင်္ကြန်ကာလအတွင်း eBook Printing Services Lashio - EPSL အား (12/04/2023) မှ (18/04/2023) အထိ ပိတ်မည်ဖြစ်ပြီး (19/04/2023) တွင် ပြန်လည်ဖွင့်လှစ်မည်ဖြစ်ကြောင်း ရိုသေလေးစားစွာဖြင့် အသိပေးအကြောင်းကြားအပ်ပါသည်။

မြန်မာ့နှစ်ကူး သင်္ကြန်အခါသမယမှာ ကိုယ်ရောစိတ်ပါ ကျန်းမာ ချမ်းသာ ပျော်ရွှင်ချမ်းမြေ့စွာနဲ့ စီးပွားလဘ်လာဘများတိုးပွားလို့ ရန်သူမျိုးငါးပါး၊ ကပ်သုံးပါးဘေးမှ ကင်းဝေးကြပါစေ။