MSLH Construction Group

ပေါ်လစ်အကြောင်း တစေ့တစောင်း
~•~•~•~•~•~•~•~•~•~•~•~•~•

ပထမဆုံးအနေနဲ့ ပေါ်လစ်ပုံးတွေရဲ့ အောက်ခြေက စာတွေရေးထားတာကိုကြည့်ပါ။ အမျိုးအစားတူမှသာ အသုံးပြုရတာ လွယ်ကူမှာ ဖြစ်ပါတယ်။

နိုင်ငံခြားပေါလစ်ဆေးတွေမှာတော့ လုပ်ငန်း (၃) ရပ်ရှိတယ်လို့ လေ့လာမိပါတယ်။

1️⃣ ဖီလာ (Filler)

ဖီလာကတော့ အရောင်အတွက်ဖြစ်ပြီးတော့ အရောင်‌အတော်များများ ရှိတတ်ပါတယ်။ သူ့ကို အသုံးပြုမယ်ဆိုရင် သင်နာ (Thinner) နဲ့ ဖျော်ရပါတယ်။

2️⃣ ဆီလာ (Sealer)

ဆီလာမှာလည်း အများကြီး သိဖို့တော့ မလိုပါဘူး လေးမျိုးလောက် သိထားရင်ကို အဆင်ပြေနေပါပြီ။

(၁) NC ဆီလာ နဲ့ PC ဆီလာ
=====================

ဒီနှစ်မျိုးကတော့ အသုံးပြုပုံနဲ့ ဆေးအာနိသင် သိပ်မကွဲလှပါဘူး။

NC/PC ၁ဆ+သင်နာ၂ဆ
ဒီအချိုးအတိုင်း ဖျော်စပ်သုတ်ရပါတယ်။

ဒါမှ သစ်ကြော ပိတ်တာ မပိတ်တာကို သုတ်ကြည့်ရင်းနဲ့ သိနိုင်မှာပါ။ အရည်အသွေး နည်းနည်းနိမ့်တဲ့ ဆီလာထဲမှာ ပါပါတယ်။

(၂) AC ဆီလာ
==========

AC ဆီလာကတော့ အက်စစ်ပါတဲ့ ဆီလာအကြည်ဖြစ်ပါတယ်။ ရုပ်ထွက်ကောင်းတယ်၊ ကြည်လင်တယ်၊ ရှင်းသန့်တယ်၊ အလယ်အလတ် တန်းစား
ဆီလာ လို့သိထားရင်ရပါတယ်။

AC ဆီလာမှာတော့ ဟာဒနာ ပါဝင်လာပါတယ်။ ဟာဒနာဆိုတာကတော့ ခြောက်သွေ့မြန်‌စေတဲ့ ဆေးဖြစ်ပါတယ်။ ဆီလာတွေက သူပါမှသာ ခြောက်သွေ့မှာဖြစ်ပါတယ်။

ဒါပေမယ့် ဒီမှာ အချိုးအစား အများကြီး မသုံးထားပါဘူး။ AC ဆီလာ ၁၀ဆ+ ACဟာဒနာ ၁ဆ + AC သင်နာ ၅ ဆ ပေါင်းစပ်ဖျော်ရပါတယ်။ သုံးမျိုးပေါင်း ဆီလာတွေပါ။ ပရိဘောဂအတွက် အသုံးပြုတာပိုအဆင်ပြေပါတယ်။

(၃)PU ဆီလာ
==========
PU ဆီလာက‌ သစ်ဆီအများဆုံး ပါဝင်တဲ့ ဆီလာဖြစ်ပါတယ်။ ဆီလာသား နည်းနည်းနောက်တယ်၊ အိတယ်၊ ချောမွေ့တယ်၊ ပြောင်တင်းတယ်။

ဆီလာတွေထဲ အမြင့် စာရင်းဝင်သလို
ကြမ်းခင်းပိုင်း၊ လှေခါးပိုင်းလို အနင်းပိုင်းတွေအတွက် သင့်တော်ပါတယ်။
ဈေးလည်း မြင့်ပါတယ်။ ဆေးအချိုးအစားမှာ ဟာဒနာ အသုံးပြု့မှုပိုများလာပါတယ်။

PU ဆီလာ ၁၀ဆ+PU ဟာဒနာ၅ဆ+PU သင်နာ ၅ဆ သုံးမျိုးပေါင်းစပ် ဖျော်သုတ်ရပါတယ်။

3️⃣ Lacquer နဲ့ Topcoat

တတိယ လုပ်ငန်း ဖြစ်တဲ့ ... Lacquer နဲ့ Topcoat ရဲ့ တူမလိုလိုနဲ့ မတူတဲ့ အကြောင်းလေးကို ပြောပြပေးပါမယ်။

Lacquer ‌လိုက်ကာ တွေဟာ NC/PC (ဆီလာ) နဲ့ မျိုးနွယ် နေသလိုရှိပါတယ်။

သူ့ကို သင်နာ နဲ့ ပေါင်းစပ် ပြီး နှစ်မျိုးထဲ သုံးလာတာ တွေ့ရပါတယ်။ 2k တစ်ချို့မှာ ဟာဒနာပါတယ်။ UT လို့ရေထားရင် လက်ဆွဲသုတ်လို့ကောင်းပါတယ်။

ခြောက်ချိန်နှေးတယ်၊ သင်နာ အမျိုးအစားရွေးတယ်၊ ကြည်လင်တယ်၊ အသန့်ကြိုက်တယ်၊ ရုပ်ထွက်ကောင်းတယ်၊ %ရာခိုင်နုန်းနဲ့ပြောရင် 90%လောက် ထိကြည်လင်တယ်၊ ပြောင်တယ်။

T အမျိုးအစားတွေကတော့ စုတ်ဆွဲအား သိပ်မကောင်းချင်ဘူး၊ ခြောက်သွေ့မြန်တယ်၊ သင်နာ အချိုး လိုက်ကာနဲ့ ဆတူလောက်ထိ သုံးခွင့်ရှိတယ်။ 80% နှုန်း လောက်ထိပြောင်လက်ပါတယ်။

ဒီအမျိုးအစားထဲမှာ အမှိန်တွေ လာတတ်ပါတယ်။
အမှိန်လိုက်ကာတွေက ပိုပြီးဆေးပျစ်တယ် သင်နာအချိုးပိုသုံးရတတ်ပါတယ်။
ဒါတွေကတော့ Lacquer လိုက်ကာ အပိုင်းဖြစ်ပါတယ်။

Topcoat ကို‌တော့ ဆီလာတွေနဲ့ သီးသန့် တွဲဖက်အသုံးပြုရတဲ့ လိုက်ကာများလို့ပဲ နားလည်ထားပါတယ်။

NC /PC topcoat
AC / Topcoat
PU / Topcoat
စသဖြင့် မူလ ဆီလာတွေရဲ့ ဆေးအချိုး
အစားအတိုင်း အသုံးပြု့ပေးရမှာဖြစ်ပါတယ်။

နိုင်ငံခြားပေါ်လစ်ရဲ့ အခြေခံအချက်အားလုံးက အတူတူပဲမို့ ဒီနည်းအတိုင်း ဖျော်စပ် အသုံးပြုလို့ ရပါတယ်။




Group

ခြံစည်းရိုးဒီဇိုင်း လှလှလေးများ

Sir U Tun Tun Oo ရေးသားသည်

( Types Of Roofs )

အဆောက်အဦးတို့၏ခေါင်မိုးများကိုအောက်ပါအတိုင်းအမျိုးအစား(၃)မျိုးခွဲခြားသတ်မှတ်ထားရှိပါသည်၊

♦(A)ခေါင်စောက်အမိုးများ၊
( Pitched or Sloping Roofs )

♦(B)ခေါင်ပြန့်အမိုးများ၊
( Flat or Terraced Roofs )

♦(C)လိပ်ခုံးပုံအမိုးများ၊
( Curved Roofs )

အထက်ပါအမိုးပုံစံ (၃) မျိုးတွင်
ခေါင်စောက်အမိုးနှင့်ခေါင်ပြန့် အမိုး များမှာ တည်ဆောက်ရေးလုပ်ငန်းများတွင်အသုံးများ
ပြီးလိပ်ခုံးပုံ အမိုး များမှာအသုံးနည်းပါးပါ
သည်၊

------------------------------
{♦ (A) (B) (C) ၏ အ‌‌သေးစိပ် }

♦(A) ခေါင်စောက်အမိုးများ၊
*****************
( Pitched or Sloping Roofs )

ခေါင်စောက်အမိုးများကိုအသုံးပြုသော
ဒိုင်းများအားမူတည်၍ အမျိုးအစား (၃)မျိုးခွဲ
ခြားထားရှိပါသည်၊

(a) ဒိုင်းတစ်ခုတည်းကိုသာအသုံးပြုသော
အမိုးများ ၊ ( Single Roofs )

(b) ဒိုင်းခွေခံထားသောအမိုးများ၊
( Trussed Roofs )

(c) ဒိုင်းနှင့်မျှားတန်းကိုအသုံးပြုထားသော
အမိုးများ ၊
( Double or Purlin Roofs )

စသည်အတိုင်းခွဲခြားထားပါသည်၊

-----

A(a) ဒိုင်းတစ်ခုတည်းကိုသာအသုံးပြုသော
အမိုးများ ၊ ( Single Roofs )များကို
အောက်ပါအတိုင်းအမိုးများကိုထပ်မံခွဲ
ခြားထားရှိပါသည်၊

(1) တဘက်ရအမိုး
( Lean to Roof or Shed Roof )
ဤအမိုးများကိုခန်းဖွင့် ၈ ပေအထိသာ
အသုံးပြုနိုင်ပါသည်၊

(2) နှစ်ဘက်စောင်းအမိုး
( Couple Roof )
ဤအမိုးများကိုခန်းဖွင့် ၁၀ ပေအထိ
သာအသုံးပြုကြလေ့ရှိသည်၊

(3) အခြေထိမ်းထုပ်တန်းပါသောနှစ်ဘက်
စောင်းအမိုး
( Couple Closed Roof )
ဤအမိုးများကိုခန်းဖွင့် ၁၂ ပေမှ ၁၈
ပေအထိအသုံးပြုနိုင်ပါသည်၊

(4) ဒိုင်းချုပ်ပါသောအမိုး
( Collar beam Roof )
ဤအမိုးများကိုခန်းဖွင့် ၁၆ ပေအထိ
သာအသုံးပြုနိုင်ပါသည်၊

(5) ကပ်ကြေးပုံကန့်လန့်ဒိုင်းပါသောအမိုး
( Collar &Scissors Roof )

ဟူ၍ဖြစ်ပါသည်၊

-----

A(b) ဒိုင်းခွေခံထားသောအမိုးများ ၊
( Trussed Roofs )များကိုအောက်ပါ
အတိုင်းအမိုး၏ဒိုင်းခွေများကိုထပ်မံ
ခွဲခြာထားရှိပါသည်၊

(1) ညာတိုင်တစ်လုံးပါဒိုင်း‌ခွေ
( King Post Truss )
ဤအမိုးများကိုခန်းဖွင့် ၂၄ ပေမှ ၃၀
ပေအထိအသုံးပြုလေ့ရှိပါသည်၊

(2) ညာတိုင်နှစ်လုံးပါသောဒိုင်းခွေ
( Queen Post Truss )
ဤအမိုးများကိုခန်းဖွင့် ၄၀ ပေအထိ
အသုံးပြုကြပါသည်၊

(3) ညာတိုင်တစ်လုံးနှင့်ညာတိုင်နှစ်လုံး
ပေါင်းစပ်ထားသောဒိုင်းခွေ
( Mansard Truss )
ဤအမိုးများကိုခန်းဖွင့် ၂၅ ပေမှ ၄၀
ပေအထိအသုံးပြုလေ့ရှိပါသည်၊

(4) အစွန်းတစ်ဘက်ကိုတို၍ထားသော
ဒိုင်းခွေ
( Truncated Truss )

(5) လိပ်ခုံးပုံသဏ္ဍာန်တကူခံဒိုင်းခွေ
( Bel fast Truss )
ခန်းဖွင့်ကျယ်ဝန်းသောအမိုးများတွင်
အသုံးပြုကြပါသည်၊

(6) သံဒိုင်းခွေ
( Steel Truss )
ခန်းဖွင့်ကျယ်ဝန်းသောအမိုးများတွင်
အသုံးပြုကြပါသည်၊
သံထည်များကိုအသုံးပြုခြင်းကြောင့်
- မီးလွယ်ကူစွာမလောင်ခြင်း၊
- ပိုးမစားနိုင်ခြင်း၊
- ရုတ်တရက်ဆွေးမြေ့မသွားနိုင်ခြင်း၊
- သယ်ယူပို့ဆောင်ရာတွင်လွယ်ကူ
ခြင်း၊
စသည့်အကျိုးများရရှိနိုင်သည်၊

(7) သစ်သားနှင့်သံပေါင်းစပ်ပြုလုပ်
ထားသောဒိုင်းခွေ
( Composite Truss )
ခန်းဖွင့်ကျယ်သောအမိုးများတွင်
အသုံးပြုကြပါသည်၊ခန်းဖွင့်ကျယ်
များကိုခွင့်ပြုဒီဇိုင်းအရဆောက်လုပ်
ကြရပါသည်၊

(8) နှစ်ထပ်ဒိုင်းခွေ
( Laminated Truss )
ဤအမိုးများကိုခန်းဖွင့် ၂၅ ပေမှ ၃၀
ပေအထိအသုံးပြုကြပါသည်၊

ဟူ၍ခွဲခြားထားရှိပါသည်၊

---------

A(c) ဒိုင်းနှင့်မျှားတန်းများကိုအသုံးပြုထား
သောအမိုးများ ၊
( Double or Purlin Roofs )
ဤအမိုးကိုခန်းဖွင့် ၈ ပေ အထက်နေရာ
များတွင်မိုး၍အသုံးပြုကြပါသည်၊

-------------------------------

♦( B ) ခေါင်ပြန့်အမိုးများ
*************
( Flat or Terraced Roofs )

ခေါင်အစောင်း ၉° ထက်နည်းသောအမိုးများကိုခေါင်ပြန့်အမိုး ( Flat Roof )ဟုခေါ်သည်၊
ခေါင်ပြန့်အမိုးများ၌အောက်နံရံဘက်တွင်၁ပေ
ခန့်ကျယ်သောရေမြောင်းများပြုလုပ်ပေးပြီး ၊
ထိုမြောင်းအတွင်းရှိရေများကို Cess Pool ခေါ်ရေကန်ငယ်များအတွင်းသို့ကျရောက်စေပြီး၊ထိုရေကန်ငယ်မှတဆင့်နံရံအတွင်းမြုတ်
သွင်းထားသောရေပိုက်နှင့်သွယ်၍နံရံအပြင်သို့ရေထုတ်ယူသည် ၊ ရေများကိုမိုးရေလွှတ်ပြွန်
Drain Water Down Take Pipe များနှင့်စီးဆင်းစေရသည်၊ဤအမိုးမျိုးတွင်ရေဆင်း
ကို 1 in 25 မှ 1 in 50 ထိပြုလုပ်လေ့ရှိသည်၊

------------------------------

♦( C ) လိပ်ခုံးပုံအမိုးများ
*************
( Curved Roofs )
ကျယ်ဝန်းသောခန်းဖွင့်များနှင့်အမိုးကိုအလှဆင်သောနေရာရာများတွင်မိုး၍အသုံးပြုကြပါသည်၊အသုံးပြုမှု့နည်းပါးပါသည်၊

------------

★ ( အမိုးနှင့်ဒိုင်းခွေပုံစံ) တစ်ခုချင်းစီကို
ပုံများဖြင့်အသေးစိတ်ဖေါ်ပြပေးအပ်
ပါသည် ၊
( For General Knowledge)


( လေ့လာမိရာအဖြာဖြာ )
U Tun Tun Oo

#မူရင်းလင့်
https://www.facebook.com/100009722949810/posts/1702998280034254/