English Grammar Class 4Skill

🌹''ကလေးနာမည်ပေး" 🌹

တချို့တွေက ကလေးတွေရဲ့နာမည်ကို အလွယ်ပေးတပ်ကျတယ် ကျွန်နော်ကတော့ အဲလို အလွယ်မပေးစေချင်ဘူး ဘာဖြစ်လို့လဲဆိုတော့ ကံနည်းတဲ့သူမှာ ညဏ်လေးနည်းနည်းပိုစိုက်လိုက်ရင် သူဘဝရှေ့ရေးအတွက် ပိုကောင်းသွားစေချင်လို့ပါ ကံရှိတဲ့သူကတော့ ညဏ်သိပ်မထည့်လဲကံကောင်းနေတော့ သုဟာနဲ့သူ အံဝင်ဂွင်ကျဖြစ်တယ်လို့ထင်တယ်
နာမည်းပေးနည်းလေးကတော့ အလွန်မတန်မှကောင်းတဲ့နည်းလေးပါ ဆရာကြီး အဘမင်းသိင်္ခ လဲ ဒီနည်းအတိုင်ပဲပေးတာများပါတယ်

ကုန်ဘောင်ခေတ်မှာ အလွန်ကျော်ကြားတဲ့ အတုလ ဆရာတော် ခင်ကြီးဖျော်ရဲ့ နည်းပါ။

( တနင်္ဂနွေသားသမီးများ အတွက် ပုံစံ (၅ - ၆ - ၂)
(ကြာသပတေး အက္ခရာဖြင့် စပါ၊ သောကြာအက္ခရာကို အလယ်မှာ ထားပါ။ တနင်္လာ အက္ခရာကို အဆုံးတွင်ထားပါ)
ဥပမာ - မိုးဟေကို ၊ မေသုခ ၊ ပြည်သိန်းကျော်) စသည်ဖြင့် ပေးရပါသည်။

တနင်္လာသားသမီးများအတွက် ပုံစံ (၆ - ၀ - ၃)
( သောကြာ အက္ခရာဖြင့် စပါ၊ စနေ အက္ခရာကို အလယ်မှာ ထားပါ။ အင်္ဂါ အက္ခရာကို အဆုံးတွင် ထားပါ)
ဥပမာ - သူထူးစံ ၊ သွန်းနဒီစံ ၊ သက်နှင်းစံ ၊ သော်တာစိုးစံ၊ စသည်ဖြင့် ပေးနိုင်ပါသည်။

အင်္ဂါသားသမီးများအတွက် ပုံစံ (၀ - ၁ - ၄)
( စနေ အက္ခရာဖြင့် စပါ၊ တနင်္ဂနွေ အက္ခရာကို အလယ်မှာ ထားပါ။ ဗုဒ္ဓဟူး အက္ခရာကို အဆုံးတွင် ထားပါ)
ဥပမာ - နှင်းအိလွင် ၊ ထူးအယ်လင်း၊ ထွန်းအောင်လူ ၊ နဒီအေးလွင် စသည်ဖြင့် ပေးနိုင်ပါသည်။

ဗုဒ္ဓဟူးသားသမီးများအတွက် ပုံစံ (၁ - ၂ - ၅)
( တနင်္ဂနွေ အက္ခရာဖြင့် စပါ၊ တနင်္လာ အက္ခရာကို အလယ်မှာ ထားပါ။ ကြာသပတေး အက္ခရာကို အဆုံးတွင်ထားပါ)
ဥပမာ - အေးချမ်းမေ ၊ အိချမ်းမြေ့ ၊ အောင်ခေတ်ပိုင် ၊ အိချောပို စသည်ဖြင့် မှည့်နိုင်ပါသည်။

ကြာသပတေးသားသမီးများအတွက် ပုံစံ (၂ - ၃ - ၆)
( တနင်္လာအက္ခရာဖြင့် စပါ၊ အင်္ဂါ အက္ခရာကို အလယ်မှာ ထားပါ။ သောကြာ အက္ခရာကို အဆုံးတွင် ထားပါ)
ဥပမာ - ခန့်စည်သူ ၊ ချောဇင်သန့် ၊ ကောင်းစည်သူ ၊ ငြိမ်းစုဟေသီ စသည်ဖြင့် မှည့်နိုင်ပါသည်။

ဒါကတော့ သောကြာသားသမီးများအတွက် ပုံစံ ( ၃ - ၄ - ၀ )
( အင်္ဂါ အက္ခရာဖြင့် စပါ၊ ဗုဒ္ဓဟူး အက္ခရာကို အလယ်မှာ ထားပါ။ စနေ အက္ခရာကို အဆုံးတွင်ထားပါ)
ဥပမာ - ဇော်ရဲထက် ၊ စုလှိုင်နှင်း ၊ ဇူလိုင်နှင်း ၊ စောယုနွယ် ၊ ဇေယျာနိုင် ၊ ဇင်ယော်နီ စသည်ဖြင့် မှည့်နိုင်သည်။

စနေသားသမီးများအတွက် ပုံစံ ( ၄ - ၅ - ၁)
( ဗုဒ္ဓဟူး အက္ခရာဖြင့် စပါ၊ ကြာသပတေး အက္ခရာကို အလယ်မှာ ထားပါ။ တနင်္ဂနွေ အက္ခရာကို အဆုံး တွင် ထားပါ)
ဥပမာ - ယဉ်မင်းဦး ၊ ရွှေယမင်းဦး ၊ ၀င့်ဝါမိုးဦး ၊ ရဲမာန်ဦး ၊ လူမင်းဦး ၊ လွင်မိုးအောင် စသည်ဖြင့် မှည့်နိုင်ပါသည်။

နောက်ဆုံးအနေနှင့် တစ်ခုပြောချင်တာက လူတစ်ယောက်ကို နာမည်ပေးတဲ့ အခါမှာ ဗေဒင်နှင့် ကိုက်အောင် ချဉ်းပဲလဲ မှည့်လို့ မဖြစ်ဘူး။ ဗေဒင်ကို လုံးလုံး မစဉ်းစားပဲနဲ့လည်း မှည့်လို့မဖြစ်ဘူး။ အဲဒီတော့ ဗေဒင်သဘောလဲ ပါပါစေ။ ခေါ်လို့ ကောင်းအောင်လည်း ဖြစ်ပါစေ၊ ခေတ်ကာလနဲ့လည်း လိုက်လျော ညီထွေ ဖြစ်ပါစေ။

မှတ်ချက် - မည်သူမဆို မိမိတို့၏ သားသမီး ရင်သွေးရတနာ များကို အမည်ပေးရန် အတွက်ပဲ ဖြစ်ဖြစ် ၊ အနုပညာ လုပ်ငန်းနှင့် အခြားသော လုပ်ငန်း ဆောင်တာများတွင် အသုံးပြုရန် ဖြစ်စေ အမည်ပေးလိုပါက အထက်ပါ နည်းအတိုင်း စိတ်ချ ယုံကြည်စွာ ပေးနိုင်ပါသည်။

...

[ ဘုန်းကြီးညံ့ရင်_ရွာညံ့သွားတယ် ]

#မြောင်းမြဆရာတော်ကြီးဆုံးမစကားများ

မြန်မာပြည်မှာ ဘုန်းကြီးတွေ
ဦးဆောင်နေတယ်..၊
ဒါကြောင့်...
ဘုန်းကြီးညံ့ရင် ရွာညံ့သွားတယ်၊
ဘုန်းကြီးကောင်းရင် ရွာကောင်းလာတယ်။

မြို့လည်း အတူတူပဲ..၊
အဲဒါကို ကြပ်ကြပ်သတိထားကြ..။

#သာသနာဆိုတာ ဘာလည်း၊
"ဘုရားရှင်ရဲ့ အဆုံးအမတော်ကို သာသနာ ခေါ်တယ်။
ဘုန်းကြီးတွေ ဝါဝါဝတ်နေတာကို
သာသနာ" ခေါ်တာ မဟုတ်ဘူး။
ဝါဝါ မြင်တိုင်း
သာသနာ ထင်မနေကြနဲ့။

#ရဟန်းဆိုတာ ဣနြေ္ဒရှိရတယ်၊
ဣနြေ္ဒကို စောင့်ထိန်းရတယ်၊
ကိုယ့်သိက္ခာကို
ကိုယ်ရိုသေရတယ်။

#သာသနာပြုလုပ်ငန်းဆိုတာ
အပြောလွယ်သလောက်
အလုပ်ခက်တဲ့လုပ်ငန်းကြီးတစ်ခုပဲ။

#သူများဆောက်လုပ်ထားတဲ့၊
သူများလှူဒါန်းထားတဲ့ တိုက်ကျောင်းတွေမှာ နေပြီးတော့ စည်းစိမ်ယစ်မနေကြနဲ့၊ ဘဝင်မြင့်မနေကြနဲ့၊
စိတ်ကြီးမဝင်ကြနဲ့။

ဂိုဏ်းစွဲ၊ ကျောင်းစွဲ၊ တိုက်တာစွဲ
ကျဉ်းမြောင်းစိတ်ကို မထားရဘူး၊
သာသနာတော်ကြီးတစ်ခုလုံးကို
ခြုံပြီးလုပ်ဖို့ လိုတယ်။

#ကြီးပွားတိုးတက်ရေးမှာ
အလုပ်လုပ်ရုံနဲ့လဲ မပြီးသေးပါဘူး၊
လုပ်ပြီးသမျှ ပြန်လှန်စိစစ်ရမယ်၊
ချို့ယွင်းချက်တွေ့က ပြုပြင်ရမယ်၊
မပြုပြင်ဘဲ မဖြစ်ဘူး၊ ပြုပြင်သင့်တာကို
ပြုပြင်ရမယ်၊ ပြောင်းလဲသင့်တာကို
ပြောင်းလဲရမယ်၊ ရှေးရိုးချည်းလုပ်နေလို့
မဖြစ်ဘူး၊ ပြုပြင်ပြောင်းလဲတဲ့အခါမှာလဲပဲ ရွှေကျင်ဂိုဏ်းကျင့်ထုံး ဥပဒေနဲ့လဲ
မဆန့်ကျင်စေရဘူး၊ ဝိနည်းပညတ်တော်နဲ့လဲ လျော်ညီစေရမယ်။

#နည်းပေးလမ်းပြတဲ့
ဆရာသမားဟာ အင်မတန် အရေးကြီးတယ်၊ မကောင်းတဲ့ ဆရာမျိုးကို
ရှောင်ခွာပြီး ကောင်းတဲ့ဆရာမျိုးကို
ဆည်းကပ်ဖို့ လိုပါတယ်။

#ခေါင်းဆောင်လုပ်မယ့်လူဟာ
ဘယ်နေရာမှာမှ ပေါ့ပေါ့လျော့လျော့
မရှိစေရဘူး၊ အမြဲ သတိရှိရမယ်၊
မှတ်သားရမယ်၊ မျက်စိနဲ့နားကို
အမြဲ ဖွင့်ထားရမယ်။

#သာသနာ့ဝန်ထမ်း_ရှင်ရဟန်းဆိုတာ
မိမိကသာ သာသနာ့တာဝန်ကို
ထမ်းဆောင်ရမယ်၊
သာသနာတော်က မိမိရဲ့တာဝန်ကို
မထမ်းဆောင်စေရဘူး။

#သာသနာအရေးမှာ
ငါအရေး၊ ဆွေမျိုးအရေး မပါစေနဲ့။

#ဂုဏ်နောက်ကို
လူက မလိုက်ရဘူး၊ ဂုဏ်ကသာ
လူနောက်ကို လိုက်စေရမယ်။

#ရဟန်းတွေဆိုတာဟာ
အနေရိုးသားရမယ်၊ အသိဉာဏ်ဘက်ကျတော့ ဆန်းကြယ်ရမယ်၊ လူများနဲ့
ရောရောနှောနှောလဲ မနေရဘူး၊
ကင်းနိုင်သမျှ ကင်းအောင်နေရမယ်။

#ဝိနည်းပညတ်တော်က
ခေတ်နောက်ကို လိုက်လို့မရဘူး၊
ခေတ်ကသာ ဝိနည်းပညတ်တော်ရဲ့
နောက်ကို လိုက်ရမယ်။

#ကုသိုလ်လုပ်တဲ့နေရာ
အကုသိုလ် မပါစေနဲ့။

#သာသနာရေးကို
တကယ် ကောင်းစေချင်၊
တကယ် လုပ်ချင်ရင် စည်းကမ်းရှိရတယ်။

#ကျေးဇူးရှင် ဒသမ ရွှေကျင်သာသနာပိုင် မြောင်းမြဆရာတော်ကြီး

[ ဝိသုဒ္ဓါရုံ မြောင်းမြဆရာတော်နှင့်
ဗုဒ္ဓမြတ်စွာသာသနာ စာအုပ်မှ ]

မေတ္တာဖြင့်...
M. P. N
2.12.2022

=============================

☪ ကြီးသုံးကြီး ☪

" ဘုန်းတော်ကြီး နဲ့ သူကြီးတစ်ဖြာ
ကျောင်းဆရာကြီး သုံးကြီးမှတ်ပါ
သူတို့ကောင်းက ကောင်းကြပြည်ရွာ
သူတို့မကောင်းက ပျက်ကြောင်းမြို့တိုင်း ရွာ "

( 1 ) ကျောင်းထိုင်ဘုန်းကြီး
ကောင်းရမည် ။

( 2 ) သူကြီး " ဥက္ကဋ္ဌ " ကောင်းရမည်

( 3 ) ကျောင်းဆရာ " ကလေး လူငယ်
လူရွယ်တို့ကို စာသင် စာပြပေး
သော ဆရာကြီး ဆရာမ "
ကောင်းရမည် ။

တနည်းအားဖြင့် " ပုဗ္ဗစရိယ မိနှင့်ဖ
လက်ဦးဆရာ မည်ထိုက်စွာ " ဆိုသည့်အညီ အမိ အဖ ဆိုသည်မှာလည်း ကလေး လူငယ် လူရွယ်တို့အတွက် အမိအဖတွေက ဆရာတစ်ဆူပါပဲ ။

ဤအချက်အလက် ( 3 ) ချက်နှင့် ကိုက်ညီရင် စီးလုံးညီညွတ်ရင် တိုင်းနှင့် မြို့
နယ် ကျေးရွာတို့မှာ တိုးတက် အောင်မြင်ပြီး ကြီးပွား ချမ်းသာကြမှာ အမှန်ပါပဲ ။

အရှင်ဣန္ဒက { မေတ္တာကြယ် - ဒေးဒရဲ - ကျုံဒူး } ။