LaPyae Makeup Vlog

ဒီရက်တွေမှာလေ စိတ်နဲ့ကိုယ်နဲ့ကပ်မနေသလို ဘာမှမဟုတ်တာလေးနဲ့အစ ပေါက်ကွဲလွယ်တဲ့အထိ စိတ်တွေဟာ ထိလွယ်ရှလွယ်အခြေအနေမျိုးပေါ့ ။ အရင်တုန်းကဆို ဘာပဲဖြစ်ဖြစ် အင်းဆိုတာမျိုးလောက်နဲ့ ပေါ့ပေါ့လေး ထားလိုက်လို့လည်းရတယ် ဒါမှမဟုတ် ရပါတယ်ဆိုတဲ့ စကားမျိုးနဲ့ လျော်လိုက်လို့ရတဲ့ အရာတွေကိုတောင် ဒီရက်ထဲ သည်းခံဖို့ ခက်နေတာ ။ ဒီရက်တွေမှာ အတွေးတစ်ခုပဲရှိတယ် လိုလိုချင်ချင်မှမဟုတ်ရင် ဘယ်အရာကိုပဲ မပေးချင်တော့ဘူး ကြည်ကြည်ဖြူဖြူမှ မဟုတ်ရင် ဘယ်အရပ်မှာမှ မနေချင်တော့ဘူး ။

ဘာကြောင့်လည်းမေးရင် ... ကိုယ်က အဆင်ပြေပါတယ်လေဆိုပြီး လွယ်လွယ်လေး ပေးလိုက်တဲ့အရာတွေကို လူတချို့က တန်ဖိုးမထားတတ်ကြဘူး ။ တန်ဖိုးထားရကောင်းမှန်းလည်း မသိဘူး ။ နောက်ဆုံးဗျာ ကျေးဇူးတင်ရကောင်းမှန်းတောင် သိတာ မဟုတ်ဘူး ။ လူဆိုတာ သူ့နေရာနဲ့ သူ သူ့တန်ဖိုးနဲ့သူဆိုတဲ့ စကားကို ပြန်ပြောင်းပြောရမယ့် အချိန်တွေ ရောက်လာပြီထင်ပါတယ် ။ မင်းကို သိပ်ချစ်လို့ မာနတွေချနေတိုင်း မာနတွေ ရှိမနေတာ မဟုတ်ဘူးဆိုတာ သိစေချင်တယ် ။

အမြဲတမ်းရနေ အမြဲတမ်းပေးနေမိတဲ့ အရာတွေက ကြာလာတော့ ဘာဆိုဘာမှ အဖိုးမတန်တော့သလိုပဲလို့ ခံစားလာမိတဲ့အခါ ... အဲ့ဒီအရပ်မှာ နေရတာ ဘယ်လိုမှ မပျော်တော့ဘူး ငါ မရှိတော့ရင် တန်ဖိုးတွေသိလာမှာပါဆိုပြီးတော့မှလည်း မတွေးချင်ဘူး ရှိနေတုန်းတောင် တန်ဖိုးထားရကောင်းမှန်းမသိတာ မရှိတော့ဘူးဆိုမှတော့ လွမ်းဖို့ဆိုတာ ဝေးပေါ့ ။ ကိုယ့်ကိုမှ မကြည်ဖြူရင် ဘယ်အရပ်မှာမှ ရပ်မနေချင်တော့ဘူး ။

မာနတွေ ပြန်ထားလိုက်တာမဟုတ်ဘူး ... မချစ်တော့တာလည်းမဟုတ်ဘူး ... တစ်ခါတစ်လေကျတော့ ကိုယ့်ကိုယ်ကိုယ် စျေးအရမ်းပေါနေမိသလိုဖြစ်နေလို့ ကိုယ့်ကိုယ်ကိုယ် တန်ဖိုးပြန်ထားချင်ရုံပါ ။ သေချာပါတယ် ဒီရက်တွေ စိတ်တွေဟာ ပုံမှန်မဟုတ်ဘူး ။ ထိလွယ် ရှလွယ်တယ် မောင်းတင်ထားမိတဲ့ လက်နက်တစ်ခုလိုပဲ ဘယ်အချိန်မဆို ပေါက်ကွဲထွက်သွားနိုင်မယ့် အခြေအနေမှာ ရှိနေတယ် ။

အခုလက်ရှိကော ပြီးတော့ နောက်ဆိုရင်ကော လိုလိုချင်ချင်မှ မဟုတ်ရင် ဘယ်အရာကိုမှ ပေါပေါပဲပဲ ပေးမနေတော့ဘူး ။ ကြည်ကြည်ဖြူဖြူမှ မဟုတ်ရင် ဘယ်အရပ်မှာမှ ရပ်မနေတော့ဘူး ။

#ကျေးကို
(ရင်နှင့်ရင်း၍ရေးသည်)

ရှေ့လျှောက်ကပ်တွယ်
နေတာမျိုးတွေ ထပ်မလုပ်
တော့ဘူး ထပ်တူမကျရင်
ဘယ်အရာမှ မလိုချင်ဘူး..။

🌻📬
-linhtet-

ကံမပါလို့ ဝေးခဲ့ကြရင်တောင်
ချစ်တာလေးတော့ မင်းကိုသိစေချင်တယ်
အချစ်ရဲ့. . . ။

To the bone //