NET Plus IT Co.,Ltd

Happy Diwali 🪔 နှင့်အတူ Business Partners များနှင့် Customers အားလုံး ငြိမ်းချမ်းခြင်း၊ ချမ်းသာကြွယ်ဝခြင်းနဲ့ ကျန်းမာရေးကောင်းမွန်ခြင်းတွေ ရှိပါစေလို့
Net Plus ELv & IT Solution မိသားစုများမှ ဆုတောင်းမေတ္တာပို့သပါတယ် 🪔🎇🎊🏮🏡

Microsoft က သူ့ရဲ့ Windows 10 ကို တရားဝင်ပြောဆိုထားတဲ့ ပံ့ပိုးမှု ကာလအချိန်အထိ ရောက်လာလို့ ပုံမှန် လုံခြုံရေး အပ်ဒိတ်တွေ ပေးတာ ရပ်မယ်ဆိုတာကြောင့် လူတွေက "လိုင်စင်ရပ်ဆိုင်းတယ်" လို့ ထင်မှတ်
မမှားကြ‌စေဖို့

အဓိကအကြောင်းရင်းကတော့...

1. နည်းပညာရဲ့ သဘောတရား (Technology Lifecycle)

Operating System (OS) တစ်ခုဟာ နှစ်ပေါင်းများစွာ အပ်ဒိတ်လုပ်ပြီး ပံ့ပိုးပေးနေရတဲ့အတွက် ကုမ္ပဏီအနေနဲ့ ရင်းနှီးမြှုပ်နှံမှုအသစ်တွေ၊ နည်းပညာအသစ်တွေကို အာရုံစိုက်ဖို့ လိုအပ်ပါတယ်။ Windows 10 ကို ၂၀၁၅ ခုနှစ်ကနေ ၂၀၂၅ ခုနှစ်အထိ (နှစ် ၁၀ နီးပါး) ပံ့ပိုးပေးထားပြီးဖြစ်လို့ သဘာဝကျတဲ့ သက်တမ်းကုန်ဆုံးချိန်ရောက်လာပါပြီ။

2. လုံခြုံရေး အကြောင်းရင်း (Security )

ခေတ်ဟောင်းစနစ်တွေကို ဆက်ပြီးပံ့ပိုးနေရင် Hacker တွေအတွက် ရှာဖွေစီးမျက်နိုင်တဲ့ အားနည်းချက်တွေ ပိုများလာပါတယ်။ Windows 11 မှာဆိုရင် TPM 2.0, Secure Boot, Hardware-enforced Stack Protection လိုမျိုး ခေတ်မီတဲ့ လုံခြုံရေးနည်းပညာတွေကို မဖြစ်မနေ ထည့်သွင်းထားပါတယ်။ ဒါတွေကို အောင်မြင်စွာ အသုံးချနိုင်ဖို့အတွက် စက်အဟောင်းတွေမှာ ပါဝင်တဲ့ Hardware က မပံ့ပိုးနိုင်တာကြောင့်လည်း Windows 11 ကို အားသန်စွာ တွန်းအားပေးနေရခြင်း ဖြစ်ပါတယ်။

3. စံချိန်စံညွှန်းနဲ့ စီမံခန့်ခွဲနိုင်ရေး

Microsoft အနေနဲ့ OS အမျိုးအစားမျိုးစုံကို တစ်ပြိုင်နက် ပံ့ပိုးရတာဟာ ဆော့ဖ်ဝဲရေးသားရေး၊ စမ်းသပ်ရေး၊ ပံ့ပိုးရေးစတဲ့ နေရာတိုင်းမှာ ကုန်ကျစရိတ်တွေ ပိုမိုများပြားစေပါတယ်။ OS အဟောင်းကို ရပ်လိုက်ပြီး အသစ်ကို စုစည်းလိုက်တာဟာ ပိုမိုထိရောက်စွာ စီမံခန့်ခွဲနိုင်မှာဖြစ်ပါတယ်။

4. Windows 11 ကို ဈေးကွက်တွင်း ပိုမို အသုံးပြု‌စေရေး

Microsoft အနေနဲ့လည်း မိမိတို့ရဲ့ နည်းပညာအသစ်ကို လူသုံးများအောင် လုပ်ချင်တဲ့ဆန္ဒရှိပါတယ်။ Windows 11 မှာဆိုရင် AI Tool (Copilot) တွေ၊ Android App တွေကို Run လို့ရတဲ့ Subsystem တွေ၊ Gaming Performance မြှင့်တင်ထားတာတွေ စတဲ့ Feature အသစ်တွေ ထည့်သွင်းပေးထားပါတယ်။

အဓိက အနေနဲ့ ပြောရရင်

Windows 10 ကို ရပ်တန့်လိုက်တာ မဟုတ်ပဲ ၂၀၂၅ ခုနှစ်၊ အောက်တိုဘာ ၁၄ ရက်နေ့မှာမှ ပုံမှန် ပံ့ပိုးမှုတွေ ရပ်ဆိုင်းမှာဖြစ်ပါတယ်။

အဲဒီနေ့ကျရင် Extended Security Update (ESU) ဆိုတဲ့ ဝန်ဆောင်မှုကို ငွေကြေးချွေတာပြီး ဝယ်ယူခွင့်ရှိပါသေးတယ် (ဒါပေမယ့် စျေးကြီးပါတယ်)။

Windows 10 ကို အသုံးပြုနေဆဲဖြစ်ပေမယ့် ၂၀၂၅ မတိုင်ခင် ကိုယ့်စက်နဲ့ကိုယ် Windows 11 Upgrade လုပ်လို့ရမရ စစ်ဆေးကြည့်ဖို့လည်း လိုအပ်ပါတယ်လို့ အကြံပြုလိုပါတယ်။