True Choice Online Shop

ကလေး mask နဲ့ face shield များလိုသလောက်ရပါတယ်နော် နယ်လည်းပို့ပေးပါတယ်ရှင်

09402598100

‼️တုတ်ကွေးကာကွယ်ဆေးအကြောင်း အမေးများသော မေးခွန်းများ ‼️

ကဲ တုတ်ကွေးကာကွယ်ဆေးတွေ ခေါတ်စားပီး FDA aproved တွေ ဆေးနံမည်တွေလည်း အားလုံးရေးနေကြတော့ သိပီးသားဖြစ်မယ်လို့ ယူဆပါတယ် ။

သိပ်မကြာခင် မျှော်လင့်နေတဲ့ vaxigrip tetra ကြီး ဝင်တော့မှာပါ ။

ဒီတခေါက်တော့ အလုပ်လေးတွေ နဲနဲရှုတ်နေတာနဲ့ တုတ်ကွေးကာကွယ်ဆေးအကြောင်းရေးတာ လက်ရှောင်မယ်ကွယ်လို့ စဉ်းစားထားပေမယ့် မေးစရာလေးတွေရှိလာတော့ ခနခန မေးကြတဲ့ မေးခွန်းတွေကို ရေးပေးလိုက်ရပါကြောင်း။

၂၀၂၀ တုတ်ကွေးကာကွယ်ဆေး ထိုးကြမယ် ။

✝️ 2020 ကာကွယ်ဆေးထဲ ဘာပါသလဲ ?

- an A/Brisbane/02/2018 (H1N1)pdm09-like virus
- an A/South Australia/34/2019 (H3N2)-like virus
- a B/Washington/02/2019-like (B/Victoria lineage) virus
- a B/Phuket/3073/2013-like (B/Yamagata lineage) virus.

ရှုတ်တယ်မှတ်ရခက်တယ် ဆိုရင် 🦠 တုတ်ကွေးပိုး (၄)ကောင်ကို ကာကွယ်ဖို့ပါတယ်လို့ မှတ်ရင်ရပါတယ် ။

✝️ ဘယ်သူတွေ ထိုးလို့ရလဲ ❓

အသက် ၆ လမှ စတင်ပီး ထိုးပေးလို့ရပါပီ ။

✝️ ဘယ်သူတွေ ကာကွယ်ဆေးထိုးသင့်လဲ❓

ဖြစ်နိုင်ရင် ၆ လအထက် အကုန်ထိုးသင့်တာပေါ့ ။

ပိုပီး အထိုးသင့်ဆုံးသူတွေကတော့

၁၊ အသက် ၆ လ မှ ၅ နှစ်ထိ ကလေးတွေ
၂၊ အသက် ၆၅ နှစ် အထက် လူကြီးတွေ
၃၊ ကိုယ်ဝန်ဆောင်တွေ
၄၊ ရောဂါအခံရှိတဲ့ကလေး ၊ လူကြီးတွေ ( ဥပမာ- နှလုံးရောဂါ၊ ပန်းနာရင်ကြပ်ရောဂါ )

သူများတချို့ အနောက်နိုင်ငံတွေကတော့ အမျိုးသားကျန်းမာရေးကာကွယ်ဆေး စီမံချက်ထဲ ဒီလို အုပ်စုတွေကို အစိုးရကထိုးပေးပါတယ် ။

ကျန်တဲ့သူတွေ ဝယ်ထိုးပေါ့ ။

✝️ ဘယ်အချိန် အထိုးသင့်ဆုံးလည်း?

တုတ်ကွေးကာလက ဇွန်လက စက်တင်ဘာလ လောက်ထိပါ။ ဒီမတိုင်ခင် ထိုးသင့်ပါတယ်။

ဘယ်အချိန်ထိုးထိုး နောက်ကျတယ်တော့ မရှိပါဘူး။

expired date ရှေ့တော့ ဖြစ်ရမှာပေါ့လေ ။

သတိထားဖို့အချက်က ထိုးပီးပီးချင်း ကာကွယ်တဲ့ effect မရပါဘူး ။

၁၀ ရက်ကနေ ၂ ပါတ် ကာကွယ်နိုင်အားထွက်ဖို့ လိုပါတယ် ။ စောစောထိုးလေ ကာကွယ်နိုင်လေပါပဲ။

✝️ကိုယ်ဝန်သည်တွေ ထိုးဖို့လိုလား?

အထိုးသင့်ဆုံးပါပဲ ။ ဘယ်နှစ်လ ကိုယ်ဝန် ဘယ်နှပါတ်ရှိရှိ ထိုးလို့ရပါတယ်တဲ့ ။

ထိုးချင်းအားဖြင့် ကိုယ်ဝန်သည် ကိုယ်ဝန်ဆောင်တုန်းအပြင် ၊ မွေးကာစ ၆ လအောက် ကလေးတွေပါ အပြင်အထန် တုတ်ကွေး ဖြစ်ခြင်းမှကာကွယ်ပါသတဲ့ ။

✝️ ဘယ်သူတွေ ဘယ် brand မထိုးရဘူးလဲ ?

တချို့သော brand တွေ ၃ နှစ်အောက် မထိုးရတာရှိပါတယ် ။

ခု မြန်မာနိုင်ငံမှာ သိပီးသား Vaxigrip tetra , Fluarix Tetra , Flu Quadri တွေကတော့ ၆ လ အထက် ထိုးလို့ရပါသတဲ့ ။

✝️ ဘယ်သူတွေ ဆေး ဘယ်လောက် ထိုးရမှာလဲ ?

ခနခန မေးလွန်းတဲ့ မေးခွန်းပါ ။ မနှစ်က vaxigrip trivalent က ၃ နှစ်အော​က်ကို ၀.၂၅ ml ထိုးတာပါ ။

ဒီနှစ် ၂၀၂၀ အတွက် vaxigrip tetra ၆ လအထက် ဘယ်အသက်အရွယ်ဖြစ်ဖြစ် ၀.၅ ml ပဲ ထိုးရပါမယ် ။ တဝက်ခွဲ ထိုးစရာ မလိုပါ။

✝️ ဘယ်သူတွေ ဘယ်နှကြိမ် ထိုးရမလဲ?

‼️ယခင်က တုတ်ကွေးကာကွယ်ဆေး တခါမှ မထိုးဘူးရင်

-၉ နှစ်အောက်ကလေးများ ၄ ပါတ်ခြား ၂ ကြိမ်ထိုးရပါတယ်။

-၉ နှစ်အထက် ကလေးများ ၁ ကြိမ်ဆိုရပါပီ။

‼️ ယခင်နှစ်က တုတ်ကွေး ပထမအကြိမ်မှာ တကြိမ်ပဲ ထိုးပီး တာဖြစ်ဖြစ် ၊ ၂ ကြိမ်ထိုးပီးတာဖြစ်ဖြစ် ခုနှစ်ထိုးရာမှာ ၁ ကြိမ်ထိုးဖို့ပဲ လိုပါတော့တယ် ။ ( ခန ခန မေးကြလွန်းလို့ပါ )

✝️COVID 19 ကာကွယ်သလား ?

သိပီးသားပါပဲ ။ COVID 19 ကာကွယ်ဆေး မထွက်သေးပါဘူး ။
ဒါပေမယ့် ဒီတုတ်ကွေးကာကွယ်ဆေးထိုးခြင်းက ပြင်းထန် တုတ်ကွေး ဖြစ်ပွားပြန့်ပွားနှုန်းနည်းတော့ တခြား အဆုတ်ရောင် COVID လိုရောဂါ လွယ်လွယ်နဲ့တော့ မကူးနိုင်ဘူးလို့ အဆိုရှိပါတယ်ရှင့် ။

ကဲ ဒီလောက်ဆိုရင်တော့ အမေးများတဲ​့ မေးခွန်းတွေ ဖြေပီးလောက်ပီ ထင်ပါတယ်နော် ။

Sharing Knowledge is a kind of caring ပါလို့ ။

မေတ္တာဖြင့်

ဒေါက်တာခိုင်ဝါဝါထွန်း
ကလေးအထူးကုဆရာဝန်
၁၉.၅.၂၀၂၀

Reference

https://immunisationhandbook.health.gov.au/resources/handbook-tables/table-recommended-doses-of-influenza-vaccine-by-age-group

https://www.health.qld.gov.au/clinical-practice/guidelines-procedures/diseases-infection/immunisation/service-providers/influenza

မှတ်ချက် - ဆေးကြော်ငြာခြင်းမဟုတ်ပါ ။ ဆိုင်လည်းမဆိုင် သိလည်းမသိပါရှင်။