Amrta Artificial Intelligence

🚚 MEDVIEW အော်ဒါများပြင်ဆင်ပို့ဆောင်ပြီးဖြစ်

💡အမတဥာဏ်ရည်တုနည်းပညာကို ယုံကြည်စွာဖြင့်လားရှိုးမြို့မှ မှာယူအားပေးထားပါသော ဂုဏ်သရေရှိလူကြီးမင်းထံသို့ MEDVIEW အလိုအလျောက်အပူချိန်တိုင်းစက် ၁၀ လုံးအနက်မှ ၇ လုံးယနေ့ပို့ဆောင်ပေးခဲ့ပြီးဖြစ်ပါသည်ခင်ဗျာ။

🪴အမတဥာဏ်ရည်တုနည်းပညာ၏ ထုတ်ကုန်ပစ္စည်းများကို ဝယ်ယူအားပေးကြသူများအားလုံးနှင့် မြန်မာပြည်သူများအားလုံး ကိုဗစ်ဘေးရန်မှ အမြန်ဆုံးလွတ်ကင်းနိုင်ကြပါစေခင်ဗျာ။

🙏🙏🙏

🍏ဘာတွေက ကျွန်တော့်ကို တွန်းအားဖြစ်စေခဲ့တာလဲ? 🍎

🍏တီထွင်ဖန်တီးမှုတွေ အများကြီးလုပ်သွားတဲ့ လူတော်တော်များများကသူတို့ထက်အရင် လူတွေလိုအပ်တာတွေကို တီထွင်ဖန်တီးပေးသွားကြတဲ့ သူတွေကြောင့် နောက်ထပ်အသစ်တွေ ထပ်ပြီးဖန်တီးတီထွင်ခွင့်ရတာကိုပဲ ကျေးဇူးစကား ပြောကြလိမ့်မယ်ထင်ပါတယ်။

🍎ဘာသာစကားကို ကျွန်တော်တီထွင်ခဲ့တာမဟုတ်ဘူး။ ကျွန်တော်တို့ သုံးနေတဲ့ သင်္ချာပညာဟာ ကျွန်တော်တီထွင်ထားတာမဟုတ်ဘူး။ ကျွန်တော်စားဖို့ ကိုယ့်အစားအသောက်ကို စားဖြစ်အောင်နဲနဲပါးပါးတော့လုပ်တတ်ပါတယ်။ ပြောရရင်တော့ ဒီနေ့ကျွန်တော့်ရှင်သန်ရပ်တည်မှုအားလုံးဟာ လူ့လောကအသိုင်းအဝိုင်းတစ်ခုလုံးမှာ ရှိတဲ့ တစ်ခြားလူတွေလုပ်ပေးထားတာတွေနဲ့ ဆက်စပ်ပြီးအပြန်အလှန် မှီခိုနေရတာတွေချည်းပါပဲ။

🍏အဲဒီအတွက်လည်း ကိုယ့်ပတ်ဝန်းကျင်ကို ကိုယ်တတ်နိုင်တာ တစ်ခုခုနဲ့ ကောင်းအောင် ပြန်လုပ်ပေးချင်တဲ့စိတ်ဆိုတာ လူအတော်များများမှာ အနည်းနဲ့အများဆိုသလို ရှိကြမှာပါ။ ဒါကျွန်တော်တို့ သိတဲ့ လူ့သိက္ခာ၊ လူ့တန်ဖိုးတွေထဲက လောကကောင်းကျိုးဆောင်ရွက်တာပါပဲ။ ဘာလို့လဲ ဆိုတော့ Bob Dylan လိုမျိုး လူတိုင်းသီချင်းမရေးနိုင်သလို၊ Tom Stoppard လိုမျိုး ပြောင်မြောက်တဲ့ ပြဇာတ်တွေလည်း လူတိုင်းမဖန်တီးနိုင်ကြလို့ပါ။

🍎အဲဒီလို လောကအကျိုး တတ်နိုင်တဲ့ဘက်က ပြုပေးချင်တဲ့ ခံစားချက်၊ ကိုယ့်ထက်အရင် ကိုယ့်လောကကို ကောင်းကျိုးပြုသွားကြသူတွေကို ကျေးဇူးတင်ကြောင်း ဖော်ပြဖို့အတွက် ကိုယ့်မှာပါလာတဲ့ ပါရမီစွမ်းရည်တစ်ခုခုကို သုံးပြီးတော့ အုတ်တစ်ချပ်၊ သဲတစ်ပွင့်စာပဲ ဖြစ်ဖြစ် ပိုကောင်းတဲ့ လူ့လောကကြီး ဖြစ်လာစေဖို့ ရည်ရွယ်ပြီး ကျွန်တော် အလုပ်တွေလုပ်ဖြစ်ခဲ့တာပါ။ အဲဒီတစ်ချက်ကပဲ ကျွန်တော့်ကို တစ်ချိန်လုံးအတွက် တွန်းအားတွေဖြစ်​စေခဲ့တာပါ။

📌ကောက်နှုတ်ချက်
စတိဂျော့ဗ် အထုပ္ပတ္တိစာအုပ်
ဝေါ်လ်တာ အိုင်ဇက်ဆင်



📎https://www.amazon.com/Steve-Jobs-Walter-Isaacson/dp/1451648537

🍏Ask App Not to Track ဟုဆိုသော်လည်း❌

📲Apple ကုမ္ပဏီထုတ် အိုင်ဖုန်း၊ အိုင်ပဒ် စတာတွေမှာ ATT လို့ အတိုကောက်ခေါ်တဲ့ App Tracking Tranparency ခေါ် အသုံးပြုသူက ခွင့်ပြုချက်ပေးမှ သူ့စမတ်ဖုန်းထဲက သူရဲ့ ဒေတာတွေကို ဆိုရှယ်နက်ဝါ့ခ်တွေက ထောက်လှမ်းစုဆောင်းလို့ ရမယ့် ကိုယ်ရေးအချက်အလက်ဆိုင်ရာ မူဝါဒ (Privacy Policy) တစ်ခုကို ပြီးခဲ့တဲ့ ၂၀၂၁ ခုနှစ်၊ ဧပြီလက စတင်သတ်မှတ် ထည့်သွင်းလာခဲ့ပါတယ်။

⚠️Apple Company ရဲ့ အဲဒီ ဆောင်ရွက်ချက်ကြောင့် User Data တွေနဲ့ စီးပွားဖြစ်နေကြတဲ့ Facebook, Snap, Youtube နှင့် Twitter လူမှုကွန်ယက် ကုမ္ပဏီများဟာ ၆ လအတွင်း ဒေါ်လာ ၁၀ ဘီလီယံလောက် နစ်နာဆုံးရှုံးခဲ့ကြကြောင်း ပြီးခဲ့တဲ့ ရက်ပိုင်းကတင် ဒီနေရာမှာ (https://www.facebook.com/amrtaimm/posts/129239716178022)
ဆောင်းပါးတစ်စောင်ရေးသားတင်ပြခဲ့ပါတယ်။

🧑🏻‍💻Finicial Time ရဲ့ ဒီနေ့ရက်စွဲပါ သတင်းတစ်ပုဒ်အရ အခုတော့ အဖြေထွက်လာပါပြီ။ အဲဒီဆုံးရှုံးမှုတွေကို ကုစားဖို့အတွက် အိုင်ဖုန်း၊ အိုင်ပဒ် အသုံးပြုသူ User တွေရဲ့ ဒေတာတွေကို "Ask App Not to Track" လို့ လုပ်ထားပေမယ့်လည်း အရင်အတိုင်းပဲ Facebook, Twitter တို့က စုဆောင်းခြင်းပြုနိုင်ပါတယ်၊ စုဆောင်းခြင်း၊ ရောင်းချခြင်းတွေလည်း ပြုလုပ်လျက်ရှိကြပါတယ်တဲ့။ [၁] [၂]

👤ဘယ်လိုလဲဆိုတော့ Apple ကသတ်မှတ်ခဲ့တဲ့ မူဝါဒမှာ ပါရှိတာက “မည်သူမည်ဝါဟု တစ်ခါတည်း ခွဲခြားသိရှိနိုင်သော အသုံးပြုသူ တစ်ဦးချင်းရဲ့ ကိုယ်ရေးအချက်အလက်များကို အိုင်ဖုန်း၊ အိုင်ပဒ် အသုံးပြုသူ User မှ “Ask App Not to Track” လုပ်ထားလျင်သာ ကောက်ခံခြင်းမပြုနိုင်တာဖြစ်ပြီး မည်သူမည်ဝါဟု တစ်ဦးချင်း ခွဲခြားသတ်မှတ်ခြင်း မပြုနိုင်သော ဒေတာများ၊ အုပ်စုတစ်ခုစီအလိုက်ဒေတာတွေကိုတော့ ကောက်ခံနိုင်တယ်ဆိုပြီး အဓိပ္ပါယ်ဖွင့်ဆိုပြီး စုဆောင်းကောက်ခံနေတာလို့ ဆိုပါတယ်။

👥ဥပမာပြောရရင်တော့ ချယ်လ်ဆီးအသင်းအားပေးသူ ဦးကျော် လို့ တန်းသိနိုင်သူရဲ့ ဒေတာတွေကို တိုက်ရိုက်စုဆောင်းကောက်ယူခွင့် မရှိတာဖြစ်ပြီး ချယ်လ်ဆီးအသင်းအားပေးသူများဆိုတဲ့ ခေါင်းစဥ်အောက်ကနေတော့ သူ့ရဲ့ အချက်အလက် ဒေတာတွေကို စုဆောင်းကောက်ယူနိုင်တယ်ဆိုတဲ့ အဓိပ္ပါယ်ဖြစ်ပါတယ်။

🤷🏻အဓိပ္ပါယ်ကတော့ အတူတူပါပဲ။ ဘာဘူကြီးနှင့် အရာကြီးဆိုသလိုပါ။ လက်ရှိမှာတော့ Apple ကုမ္ပဏီဘက်ကနေ ဒီကိစ္စနဲ့ ပတ်သက်ပြီး မှတ်ချက်တစ်စုံတစ်ရာပေးတာမျိုး မရှိသေးဘူးလို့ သိရပါတယ်။

👀၆ လအတွက် ဆုံးရှုံးမှု ပမာဏ ဒေါ်လာ ၁၀ ဘီလီယံ၊ လပေါင်း ၆၀၊ ဒေါ်လာ ဘီလီယံ ၁၀၀ ဆိုတဲ့ ငွေပမာဏနဲ့ Apple ကုမ္ပဏီ ရဲ့ မူဝါဒ ရှေ့လျှောက်ဘယ်လို ထိပ်တိုက်တွေ့ကြဦးမလဲ။
ဆက်စောင့်ကြည့်ကြပါဦးစို့။

အနန္တကျော်
၉.၁၂.၂၀၂၁
ကြာသပတေးနေ့ (၁၀၄၅)



Ref;

[၁] https://www.idownloadblog.com/2021/12/08/facebook-app-tracking-new-report/
[၂] https://www.ft.com/content/69396795-f6e1-4624-95d8-121e4e5d7839
[၃] https://appleinsider.com/articles/21/12/08/apples-privacy-rules-cant-stop-carriers-tracking-users