Sagaing Region MSME Development Department

RBF Plusမှ စိုက်ပျိုးမွေးမြူရေးနှင့် လယ်ယာထွက်ကုန်တန်ဖိုးကွင်းဆက် တစ်လျှောက်လုံးရှိ အသေးစား၊ အငယ်စား နှင့် အလတ်စားစီးပွါးရေး လုပ်ငန်းများအတွက် ပထမအကြိမ်မြောက် အဆိုပြုလွှာခေါ်ယူခြင်း

RBF Plus သည် ဥရောပသမဂ္ဂ၊ ဆွစ်ဇာလန်နိုင်ငံ နှင့် ဒိန်းမတ်နိုင်ငံတို့ ပူးပေါင်းကာ မြန်မာနိုင်ငံရှိ စိုက်ပျိုးမွေးမြူရေး နှင့် လယ်ယာထွက်ကုန် တန်ဖိုးကွင်းဆက် (Agrifood Value Chain) တစ်လျှောက်လုံးတွင် ပါဝင်သည့် အသေးစား၊ အငယ်စားနှင့် အလတ်စား စီးပွားရေး လုပ်ငန်းများ (MSMEs) ရေရှည် တည်တံ့နိုင်စေရန်၊ ဖွံ့ဖြိုးတိုးတက်လာစေရန်နှင့် သဘာ၀ပတ်၀န်းကျင် ထိခိုက်မှုကို လျှော့ချနိုင်စေရန် ရည်ရွယ်ချက်ဖြင့် ငွေကြေးအရ အထောက်အပံ့ပေးနေသည့် အစီအစဉ်တစ်ခု ဖြစ်ပါသည်။

ယခုအခါတွင် RBF Plus၏ ပထမအကြိမ်မြောက်အဆိုပြုလွှာခေါ်ယူခြင်းအစီအစဉ်ကို စတင်ပြီဖြစ်ပါသည်။
သို့ဖြစ်ပါ၍ RBF Plusသည် “၂၀၂၄ခုနှစ် ဩဂုတ်လ ၁၄ရက်နေ့” မှ “၂၀၂၄ခုနှစ် စက်တင်ဘာလ ၄ရက်နေ့” အထိ ပထမအဆင့်လျှောက်လွှာများ (Concept Notes)ကို စတင်ခေါ်ယူသွားမည် ဖြစ်ကြောင်း သတင်းကောင်းပါးအပ်ပါသည်။

ပထမအဆင့်လျှောက်လွှာ (Concept Note)ကို ဤနေရာတွင် လျှောက်ထားပါ >>> https://ee-eu.kobotoolbox.org/x/HKyixfku

စိတ်ပါဝင်စားသော လုပ်ငန်းများအနေဖြင့် အောက်ပါ ဧရိယာများတွင် ဝင်ရောက်လျှောက်ထားနိုင်ပါသည်။

ကဏ္ဍ (၁)

ဧရိယာ ၁ - တောင်သူလယ်သမားများအတွက် ခေတ်မီသွင်းအားစုများနှင့် နည်းပညာများ
(Modern Inputs and Technologies for Farmers)
ဧရိယာ ၂ - လယ်ယာထွက်ကုန်နှင့် သက်ဆိုင်‌သော ခေတ်မီနည်းပညာများအား ဒေသတွင်း ထုတ်လုပ်နိုင်အောင် ပြုလုပ်ခြင်း
(Technology Localization for MSMEs)

ကဏ္ဍ (၂)

ဧရိယာ ၃ - စွမ်းအင်အလေအလွင့် လျှော့ချခြင်းနှင့် ပြန်လည်ပြည့်ဖြိုးမြဲ စွမ်းအင် အသုံးပြုခြင်း
(Energy Efficiency/ Renewable Energy)
ဧရိယာ ၄ - ရေသုံးစွဲမှု လျှော့ချခြင်း
(Water Efficiency)
ဧရိယာ ၅ - စွန့်ပစ်ပစ္စည်းနှင့် အညစ်အကြေး ပြန်လည်အသုံးချခြင်း
(Waste Treatment & Recycling)
ဧရိယာ ၆ - လုပ်ငန်းခွင် ဘေးအန္တရာယ် ကင်းရှင်းရေးနှင့် ကျန်းမာရေး
(Occupational Safety & Health)
ဧရိယာ ၇ - အစားအသောက် ဘေးအန္တရာယ် ကင်းရှင်းရေးနှင့် တန်ဖိုးမြှင့်ထုတ်ကုန် ထုတ်လုပ်ခြင်း
(Food Safety & Value-added Production)

ကဏ္ဍ (၃)

ဧရိယာ ၈ - ပြည်တွင်း၊​ ပြည်ပ ကုန်စည်ပြပွဲများတွင် လယ်ယာထွက်ကုန် ထုတ်လုပ်သော MSMEs များ ပါဝင်ပြသခြင်း
(Agrifood MSMEs Participation in Trade Fairs)
ဧရိယာ ၉ - လယ်ယာထွက်ကုန် ထုတ်လုပ်သော MSMEs များအား အတွေ့အကြုံ ဗဟုသုတများ မျှဝေခြင်း (စျေးကွက်လိုအပ်ချက်၊ စံသတ်မှတ်ချက်များနှင့် အညီ)
(Knowledge Sharing for Farmers & Agrifood MSMEs)

လျှောက်လွှာနှင့် ပတ်သက်သော အချက်အလက်များ နှင့် နမူနာဖြေဆိုနည်း Videoများကို ကြည့်ရှုရန် >>>
https://drive.google.com/drive/folders/18gFJ8IEc-Ctl_2F5JqQHxzy4arFNjsK9?usp=sharing

RBF Plus ၏ အဆိုပြုလွှာ ခေါ်ယူခြင်းနှင့် ပတ်သက်သော အသေးစိတ်အချက်အလက်များကို မကြာမီတွင် ဖော်ပြပေးသွားမည်ဖြစ်သဖြင့် RBF Plus ဖေ့စ်ဘုတ် စာမျက်နှာနှင့် အခြားသော လူမှုမီဒီယာချန်နယ်များကို စောင့်ကြည့်ပေးပါရန် အသိပေးအကြောင်းကြားအပ်ပါသည်။