SaLin Gyi

.
ချစ်စရာ့တပည့်ကလေးများ
__________________________

မောင်‘ကကြီး’တို့ ကျောင်းခန်းဝင်
‘ခခွေး’ဆရာ တင် ။
‘ဂငယ်’ဝင်လို့ နောက်ပြောင်တုန်း
‘ဃကြီး’ခုံအောက်ပုန်း ။

ပြုံးစိစိနဲ့ မောင်‘င’ဟာ
‘စလုံး’လက်တို့တာ ။
‘ဆလိမ်’ကျောမှာ စာကပ်ထား
မယ်‘ဇကွဲ’တဲ့ဗျား ။

‘ဈမျဉ်းဆွဲ’နား ဆွဲလို့လိမ်
မယ်‘ည’စွာတေးစိန် ။
လိမ်ပေးသူက ခပ်အအ
‘ဋသန်လျင်းချိတ်’ဗျ ။

‘ဌဝမ်းဘဲ’က အမှုဖော်
‘ဍရင်ကောက်’ပါခေါ် ။
‘ဎရေမှုတ်’ပျော် လက်ခေါက်မှုတ်
‘ဏကြီး’ခေါင်းကိုကုတ် ။

ဘာလုပ်လို့လဲ ‘တဝမ်းပူ’
အမေးအမြန်းထူ ။
ဘေးနားထိုင်သူ ‘ထဆင်ထူး’
‘ဒထွေး’ဘက်ကိုကူး ။

အရူးကလည်း တစ်မှောင့်ကွာ
‘ဓအောက်ခြိုက်’ဆဲတာ ။
‘နငယ်’မျက်နှာ ခပ်သေးသေး
‘ပစောက်’ဘက်ကိုပြေး ။

‘ဖဦးထုပ်’ဘေး ဝင်လို့ထိုင်
‘ဗထက်ခြိုက်’ကိုတိုင် ။
မခံနိုင်တဲ့ မောင်‘ဘကုန်း’
ထပြီးနပန်းလုံး ။

ပုန်းကြလျှိုးကြ ပြေးကြရှာ
မယ်‘မ’တို့ခမျာ ။
‘ယပက်လက်’လာ ရန်ဖြေပေး
‘ရကောက်’အစ်ကိုလေး ။

ကျေအေးကြဖို့ ကူပြောပေ
မောင်‘လ’မောင်‘ဝ’လေ ။
ဆွေမျိုးတော်သူ ညီမောင်‘သ’
မယ်‘ဟ’လည်းပါရ ။

မောင်‘ဠကြီး’နဲ့ မယ်‘အ’မြင်
ဆရာမကျောင်းခန်းအဝင် ။
“မင်္ဂလာပါ ဆရာမ”
နှုတ်ဆက်ကြသတဲ့ဗျ ။ ။

မိုးဝဠာ
၁၀့၈့၂၀၁၇
ည ၈-နာရီ ၃၀-မိနစ္​

#ဆရာမိုး၀ဠာ

" ရွာဦးကျောင်း ညချမ်း "
ရေးစပ်သီကုံးသူ - ဆရာမောင်သင်းဝေ
သင်ကြားရေး အထောက်အကူ ဖြစ်ကြပါစေရှင့်။