Ei Ei ABlover

တကယ်လို့များ သင်ဟာ တစ်ယောက်ယောက်နဲ့ လမ်းခွဲတော့မယ်ဆိုရင် ပထမဆုံးအချက်က ဘာကို စဉ်းစားမိလဲ?
ဘယ်လိုလမ်းခွဲရမလဲ၊ဘယ်လိုစပြောရမလဲ၊ ဘယ်လို ပြောရင် သူ့ဘက်က စိတ်သက်သာမလဲဆိုတာ စဉ်းစားကြပါတယ်(ဒါက အတတ်နိုင်ဆုံး တစ်ဖက်သားအပေါ် သမားညှာတာစိတ်ရှိသေးတဲ့ လူတွေပဲတွေးကြတာပါ)

သနားညှာတာစိတ်မရှိတော့တဲ့လူ၊အစတည်းကလည်းတစ်ဖက်သားကိုတကယ်တမ်း စိတ်ရင်းမမှန်ခဲ့တဲ့လူကတော့ လမ်းခွဲစကားပြောဖို့တောင် မစဉ်းစားပါဘူး၊ရုတ်တရတ်အဆက်ဖြတ်ခြင်းဆိုတာတွေလုပ်မှာပါ(အဲ့ဒါမျိုးမလုပ်ပါနဲ့နော် သိပ်ဆိုးပါတယ်။)

ဘယ်လိုလမ်းခွဲကြမလဲ ။

သင့်ဘက်ကစပြီး လမ်းခွဲချင်တယ်ဆိုတာလည်း ဆက်ဆံရေးတစ်ခုကို ဒီမှာပဲရပ်တန့်ချင်တယ်၊ငါတို့က မကိုက်ညီလို့ ကိုယ့်လမ်းကို ဆက်သွားကြပါစို့ ဆိုတာပါပဲ ဒီထက့်အများကြီးပိုမတွေးပါနဲ့။သို့ပေမယ့် စတင်တုန်းကလည်း နှစ်ဦးသဘောတူစတင်ခဲ့တာဖြစ်လို့ အဆုံးသတ်တဲ့အခါလည်း နှစ်ဦးသဘောတူ ဖြစ်ရပါမယ်။ဒါကြောင့် တစ်ဖက်လူကို သတိပေးပြောပြဖို့လိုပါတယ် ။ထိုအခါတွင်လည်း နင့်အပြစ်ကြောင့်၊နင့်ကဘာလိုအပ်နေလို့၊နင်ကဘာဖြစ်လို့ဆိုတာတွေမပြောပါနဲ့တော့ သင်တို့ကမကိုက်ညီကြရုံပါ။ ဒါကြောင့် မကိုက်ညီကြောင်းပဲ ပြောပြပါ ။ ကိုယ်ကလမ်းခွဲချင်တာ တစ်ဖက်လူအပြစ်ရှာလိုက်ခြင်းက တစ်ဖက်သားကို တစ်ဘဝစာ စိတ်ဒဏ်ရာပေးမိသည်အထိ ဖြစ်သွားစေနိုင်ပါတယ် ။ ဒါကြောင့် လမ်းခွဲရာမှာဘယ်တော့မှ အပြစ်ရှာခြင်းတွေမလုပ်ပါနဲ့။ ငါတို့နှစ်ယောက်ဟာ မကိုက်ညီကြောင်း၊ရှေ့ဆက်ဖို့ရာ မဖြစ်ကြောင်းပဲ ပြောပါ၊(မချစ်တော့တဲ့အခါလည်းမချစ်တော့ဘူး၊ဒီအတွက်လည်းတောင်းပန်ကြောင်း)လမ်းခွဲတဲ့အခါ ကိုယ့်စိတ်လုံခြုံစေမှုအတွက်တစ်ဖက်လူကို အပြစ်မတင်ပါနဲ့၊ တစ်ယောက်ယောက်ကိုအပြစ်တင်မှအဆင်ပြေမယ်ဆိုရင် မိမိဘက်ကိုပဲ အပြစ်လုပ်ပေးလိုက်ပါ ။

အကြောင်းပြချက်မပေးဘဲ လမ်းခွဲခြင်းဟာ ရိုင်းပြပါတယ်။ ငယ်စဉ်ဘဝကတော့ကျွန်တော်တို့လည်းဒါမျိုးလုပ်ဖူးမယ်ထင်ပါတယ်။အဓိကကတော့ ပြောမထွက်လို့ ၊မပြောချင်လို့ စတဲ့အကြောင်းပြချက်အမျိုးမျိုးနဲ့ပေါ့ အရွယ်လေးရလို့ ဆင်ခြင်တတ်မှသိရတယ် ။ ဒါဟာတော်တော်ကို ယဉ်ကျေးမှုမရှိတဲ့ လုပ်ရပ်ပါလား ဆိုတာ ကိုပေါ့ ။ တစ်ဖက်လူက ကိုယ်ထုတ်မပြောဘဲ လမ်းခွဲချင်တယ်ဆိုတာကို သိမှာမှမဟုတ်တာ၊ပြီးတော့ဘယ်လိုပဲဖြစ်စေ လမ်းခွဲခံရတယ်ဆိုအကြောင်းပြချက်တစ်ခုခုတော့လိုချင်ကြတာပေါ့ အဲ့အရာကိုမသိရတဲ့အခါ တစ်ဖက်က ဗျာတွေများနေရော ငါပဲမှားလား၊သူပဲမှားလားပေါ့။ဒါကြောင့် တစ်စုံတစ်ယောက်နဲ့လမ်းခွဲတဲ့အခါ အမှိုက်တစ်ခုကိုပစ်ချသလိုမျိုး လက်လွှတ်စပယ် မစွန့်ပစ်ပါနဲ့ ။ အပြန်အလှန်လေးစားမှုရှိစွာကောင်းမွန်ရင့်ကျက်စွာ လမ်းခွဲပါ ။

(ခြုံငုံပြီးရေးရတဲ့ဖြစ်တဲ့အတွက် လမ်းခွဲမှုတိုင်း
အတွက်တော့ ကိုက်ညီနိုင်မှ ကိုက်ညီပါလိမ့်မယ် )

စာအုပ်ဝယ်ယူရရှိနိုင်သောဆိုင်များ

https://www.facebook.com/100023970820816/posts/1152534082222275/