PYU Liquor House

မင်းရဲ့အချိန်ကာလကို အဓိပ္ပါယ်ရှိရှိ ဖြတ်သန်းခြင်း (သို့မဟုတ်) Johnnie Walker XR 21

ဝီစကီဆိုတာ အရက်တစ်မျိုးသက်သက်မဟုတ်ပါဘူး။ အချို့သော ဝီစကီတွေဟာ ခေတ်ကာလတစ်ခုရဲ့ အမှတ်သညာ၊ လူသားတစ်ယောက်ရဲ့ စိတ်ကူးအိပ်မက်နဲ့ မျိုးဆက်တစ်ဆက်စာရှိတဲ့ ဇွဲလုံ့လတွေကို ဖန်ခွက်ထဲအထိ ခံစားလိုက်ရတတ်တယ်။ Johnnie Walker XR 21 ဆိုတာလည်း ဝီစကီတစ်မျိုးမဟုတ်ဘဲ အဲဒီလိုခံစားချက်မျိုးကို ဖန်တီးပေးနိုင်တဲ့ အရည်တစ်မျိုးပါပဲ။

ဒီနာမည်ကြီး စကော့ဘာသာစကားအရ "ဘဝရဲ့ရေချို"လို့ အဓိပ္ပါယ်ရတဲ့ "Uisge Beatha" ကြီးဟာ သာမန်လူတန်းစားအတွက်တော့ မဟုတ်ဘူးလို့ ပြောရမှာပါ။ ဘာလို့လဲဆိုတော့ ဒီဖန်ခွက်ထဲမှာ သမိုင်းတစ်ခုလုံးရဲ့ အဆီအနှစ်တွေ ပါနေလို့ပါပဲ။

XR 21 ရဲ့ဇာတ်လမ်းဟာ ၁၉၂၀ ပြည့်နှစ်က စတယ်။ အဲဒီနှစ်မှာ Johnnie Walker ရဲ့ တတိယမျိုးဆက်ဖြစ်တဲ့ Sir Alexander Walker II ဟာ ဗြိတိသျှဘုရင် King George V ဆီကနေ သူရဲကောင်းဘွဲ့ (Knighthood) ကို ရရှိခဲ့တယ် ။ သူ့အဘိုးနဲ့ သူ့အဖေလိုပဲ ဝီစကီဖျော်စပ်ရာမှာ ကျွမ်းကျင်ပြီး ဘုရင်ကြီးအတွက်တောင် ဝီစကီဖျော်ပေးခဲ့ရတဲ့ သူ့ရဲ့စွမ်းရည်ကို ဂုဏ်ပြုတဲ့အနေနဲ့ ဒီဘွဲ့ကို ပေးအပ်ခဲ့တာပါ။

XR 21 ဆိုတာက အဲဒီဂုဏ်ပြုပွဲအတွက် ဖန်တီးခဲ့တဲ့ဝီစကီရဲ့ မူရင်းအမွေအနှစ်ကို ပြန်လည်ဆန်းသစ်ထားတာပါ။ ဆာ အလက်ဇန်းဒါးရဲ့ လက်ရေးမူတွေထဲက မှတ်စုတွေကို လေ့လာပြီး သူ့ရဲ့ဖျော်စပ်နည်းအတိုင်း ပြန်လည်ဖန်တီးထားတာဖြစ်လို့ ဒီပုလင်းလေးတစ်လုံးချင်းစီမှာ သမိုင်းတစ်လွှားရဲ့ အရသာကို ခံစားရမှာပါ ။

ဘာတွေထူးခြားလဲဆိုတော့

XR 21 ကို ထူးခြားစေတာက သူ့ရဲ့ဖျော်စပ်မှုအဆင့်ဆင့်ပါပဲ။ ဒီဝီစကီထဲမှာ အခုအခါ လုံးဝပိတ်သွားပြီဖြစ်တဲ့ ဒဏ္ဍာရီဆန်ဆန် Brora နဲ့ Port Dundas စက်ရုံဟောင်းကြီးတွေက ရှားပါးတဲ့ ဝီစကီစည်ဟောင်းတွေရဲ့ အရည်တွေ ပါဝင်နေတယ် ။

ဒါ့အပြင် ဒီဝီစကီကို အဆင့်သုံးဆင့်နဲ့ ဖျော်စပ်ထားတာကြောင့် သာမန်ဝီစကီတွေထက် ပိုပြီးရှုပ်ထွေးနက်နဲတဲ့ အရသာကို ရရှိစေပါတယ် ။

· ပထမအဆင့်

Port Dundas စက်ရုံဟောင်းက အနည်းဆုံး ၂၁ နှစ်ရင့်ထားတဲ့ ဂျုံဝီစကီ (Grain Whisky) တွေနဲ့ ခရင်မီလို့ နူးညံ့တဲ့ အဓိကအရသာကို ဖန်တီးတယ်။

· ဒုတိယအဆင့်

အာဖရိကသပိတ်ပင်စည်တွေမှာ ရင့်ထားတဲ့ မုယောစပါးဝီစကီ (Malt Whisky) တွေကို ထည့်သွင်းဖျော်စပ်ပြီး အရသာအလွှာ တွေ ထပ်ဖြည့်တယ်။

· တတိယအဆင့်

နောက်ဆုံးမှာတော့ Speyside ဒေသက နာမည်ကြီး Mortlach နဲ့ Cardhu စက်ရုံတွေက သစ်သီးစုံနံ့သင်းတဲ့ ဝီစကီတွေနဲ့ ချိန်ညှိပြီး အပြီးသတ်တယ်။ဒီလိုရှုပ်ထွေးတဲ့ဖျော်စပ်မှုကြောင့် XR 21 ဟာ တခြား Johnnie Walker တွေနဲ့မတူတဲ့ ကိုယ်ပိုင်လက္ခဏာကို ပိုင်ဆိုင်ထားတာပါ။

ဖန်ခွက်ထဲက အတွေ့အကြုံ

အခုပဲ မျက်လုံးမှိတ်ပြီး XR 21 ကို ဖြည်းဖြည်းချင်း သောက်ကြည့်လိုက်ပါ။

အနံ့ (Nose)

ပထမဆုံး နှာခေါင်းထဲကို စိမ့်ဝင်လာတာက စပ်တဲ့အနံ့တွေပါ။ ပြီးတော့မှ ဗနီလာနဲ့ ပျားရည်ရဲ့ ချိုမြိန်မှုက တဖြည်းဖြည်း လွှမ်းမိုးလာပါတယ် ။ မီးခိုးငွေ့နည်းနည်းနဲ့ အုန်းသီးရနံ့၊ ထောပတ်သီးမုန့်လိုအနံ့တွေပါ ရောနေတတ်တယ် ။

အရသာ (Palate)

ပါးစပ်ထဲရောက်တာနဲ့ ခရင်မီလို ချောမွတ်နူးညံ့တဲ့ အထိအတွေ့ကို ခံစားရမယ်။ ကရာမယ်လ်နဲ့ သစ်ကြားသီးအရသာတွေက ချောကလက်အမည်းရဲ့နောက်ကနေ လိုက်ပါလာတယ် ။ ပြီးတော့မှ လိမ္မော်ခွံ၊ ငှက်ပျောသီးနဲ့ သစ်ကြမ်းပိုးအရသာတွေက လျှာဖျားကို သွားထိသွားမှာပါ ။

နောက်ဆက်တွဲ (Finish)

ဒီနေရာမှာ XR 21 က သူ့ဂုဏ်ကို အပြည့်အဝပြသွားတယ်။ မီးခိုးငွေ့နွေးနွေးလေးနဲ့အတူ ကြာရှည်ခံတဲ့ အရသာဟာ လည်ချောင်းထဲမှာ ဖြည်းဖြည်းချင်း ပျံ့နှံ့သွားပြီး စပ်တဲ့အရသာတွေနဲ့အတူ ခြောက်သွေ့သွားတဲ့အထိ ခံစားနေရမှာပါ ။

အဆုံးသတ်လိုက်ရင်

Johnnie Walker XR 21 ဟာ ဝီစကီသောက်တတ်စသူတွေအတွက် အိပ်မက်တစ်ခုပါ။ ဝီစကီလောကကို စတင်ဝင်ရောက်လာတဲ့သူတွေအတွက်တော့ ဒီလိုအဆင့်မြင့်ဝီစကီမျိုးက ဝီစကီဆိုတာဘာလဲဆိုတာကို ပြသလိုက်သလိုပါပဲ။

ဒါကြောင့် ကိုယ့်အတွက်ပဲဖြစ်ဖြစ်၊ တစ်စုံတစ်ယောက်အတွက် လက်ဆောင်ပဲဖြစ်ဖြစ် XR 21 ကို ရွေးချယ်လိုက်တာဟာ ဝီစကီတစ်ပုလင်းကို ရွေးချယ်တာမဟုတ်ဘဲ သမိုင်းတစ်လွှား၊ ဂုဏ်သိက္ခာနဲ့ အနုပညာတစ်ရပ်ကို ရွေးချယ်လိုက်တာပဲဖြစ်ပါတယ်။

ဘဝရဲ့ အရသာကို မြည်းစမ်းခြင်း { LOUIS XIII }

Louis XIII ဆိုတာ ရုံးတက်နေတဲ့ လူကြီးလူကောင်းတွေအတွက် ရည်ရွယ်ထားတဲ့ အရက်တစ်မျိုးတော့ မဟုတ်ဘူး။ ဒါဟာ ရာစုနှစ်တစ်ခုနီးပါး သံယောဇဉ်ကြီးစွာ အပ်နှံထားမှသာ ရရှိလာတဲ့ ဖန်ခွက်ထဲက အချိန်ကာလပဲ။

မင်းရဲ့လက်ထဲက ပုလင်းလေးကို ကြည့်လိုက်။ ကြေးနီနဲ့ ရွှေရောင်တွေ ပြိုးပြက်နေတဲ့ အရည်တွေကို ဖုံးကွယ်ထားတဲ့ ခရစ္စတယ် ဒီဇိုင်းလေး။ ဒီပုလင်းလေးကို ဒီဇိုင်းဆွဲခဲ့တာ လွန်ခဲ့တဲ့ နှစ်ပေါင်း ၁၅၀ ကျော်က ပြင်သစ် လက်မှုပညာသည်တစ်ယောက်တဲ့။ မင်း ဒီပုလင်းလေးကို လှမ်းကိုင်လိုက်တာနဲ့ သမိုင်းတစ်ခုလုံးကို ထိတွေ့လိုက်ရသလိုပဲ။

ဖော့ဘူးကို ဖွင့်လိုက်တာနဲ့ မင်းရဲ့အခန်းထဲက လေထုက ချက်ချင်း ပြောင်းလဲသွားလိမ့်မယ်။ ဂါမက်စ် (Gamaches) ရွာလေးက မြေအောက်ခန်းထဲက ချိုမြိန်တဲ့ အနံ့တွေ၊ နှစ်ပေါင်း ၁၀၀ ကျော် သစ်သားစည်ထဲမှာ အိပ်စက်နေခဲ့ရတဲ့ အရက်ပြန်တွေရဲ့ မွှေးရနံ့တွေ ရောပြွန်းပြီး မင်းနှာခေါင်းကို ဖိတ်ခေါ်လာလိမ့်မယ်။ ပန်းသီးခြောက်နံ့၊ ပျားရည်နံ့၊ နံ့သာပေါင်းစုံနဲ့ နောက်ဆုံးမှာတော့ ချောကလက်အမည်းစားလိုက်ရသလို ခါးသက်တဲ့အနံ့လေး ရောလာမယ်။

ဖန်ခွက်ထဲကို လောင်းထည့်လိုက်တော့ မင်းမြင်ရမှာက အရည်သက်သက်မဟုတ်ဘူး။ ပယင်း (Amber) ကျောက်လုံးလို ရွှေဝါရောင်တွေ ပြိုးပြက်နေတဲ့ အရည်တစ်မျိုး။ ခွက်ကို လှုပ်လိုက်ရင် ခွက်နံရံကပ်ပြီး ဖြည်းဖြည်းချင်း စီးကျလာတဲ့ အဆီပြန်တဲ့ရည်လေးတွေက ဒီအရက်ရဲ့ အသက်ကြီးမှုကို ပြောပြနေတယ်။

ပါးစပ်ထဲ တစ်စက်လောက် ထည့်လိုက်တာနဲ့ မင်းရဲ့လျှာက အရသာပေါင်းစုံရဲ့ သံစုံတီးဝိုင်းကို ခံစားလိုက်ရမယ်။ အရင်ဆုံး ပျားရည်နဲ့ လိမ္မော်ခွံရဲ့ ချိုမြိန်မှုလေး၊ ပြီးတော့မှ စပျစ်သီးခြောက်နဲ့ ဇီးသီးခြောက်ရဲ့ ချဉ်ချိုအရသာလေး၊ နောက်ဆုံးမှာတော့ ဆေးရွက်ကြီးခြောက်နဲ့ သားရေနံ့လို ရှုပ်ထွေးတဲ့ အရသာတွေ လာမယ်။ ဒါဟာ မျိုချလိုက်တာနဲ့ ပျောက်သွားတဲ့ အရက်မဟုတ်ဘူး။ လည်ချောင်းထဲ စီးဝင်သွားပြီးတဲ့နောက်မှာတောင် မိနစ်ပိုင်းအကြာအောင် ခံတွင်းထဲမှာ စွဲမြဲနေတဲ့ နွေးထွေးမှုကို ခံစားရမှာ။

ဒီအရက်ကို မင်းတစ်ယောက်တည်း သောက်လို့မဖြစ်ဘူးနော်။ မီးဖိုဘေးမှာ စာအုပ်စင်ကြီးတွေနဲ့ ပြည့်နေတဲ့ အခန်းလေးထဲမှာ ချစ်ရသူတစ်ယောက်နဲ့ မျက်လုံးချင်းဆုံပြီး စကားနည်းနည်းပြော၊ အရက်နည်းနည်းသောက်ရင်းနဲ့ အချိန်လေးကို ဖြေးဖြေးချင်း ဖြတ်သန်းဖို့အတွက်ပဲ။

ဘာလို့လဲဆိုတော့ Louis XIII ဆိုတာ မူးယစ်ဖို့အတွက် သောက်တဲ့အရက်မဟုတ်ဘူး။ ဘဝရဲ့ အရသာကို မြည်းစမ်းဖို့အတွက် သောက်တဲ့အရက်လေ။

#ခမ်းနားခြင်း