Shwe Pyi Thit

What is the Monsoon for our people?
Our products and services are ready to serve your precious moments. Don’t hesitate to contact us📲📲📲
“Shwe Pyi Thit “ team is for your solution 🏬👍

*သီတင်းကျွတ်*
ဗုဒ္ဓဘာသာဝင် မြန်မာလူမျိုးတို့ရဲ့ နေ့ထူးနေ့မြတ် တစ်ခုဖြစ်တဲ့ သီတင်းကျွတ်လပြည့် ဟာ အဘိဓမ္မာ အခါတော်နေ့ ဖြစ်ပါတယ်။

မြတ်စွာဘုရားရှင်သည် တာဝတိံသာနတ်ပြည်၌ မယ်တော်ဖြစ်ခဲ့ဖူးသော သန္တုဿိတ နတ်သားကို ဝါတွင်းသုံးလပတ်လုံး အဘိဓမ္မာ တရားတော် ဟောကြားခြင်း ပြီးမြောက်တဲ့နေ့၊ နတ်ဗြဟ္မာအပေါင်း ခြံရံလျက် တာဝတိံသာမှသင်္ကဿနဂိုရ်ပြည်သို့ ဆင်းသက် တော်မူတဲ့နေ့၊ ဗြဟ္မာနတ်လူ သုံးဘုံလူတို့ မြတ်စွာဘုရားအား ကြည်ဖြူကော်ရော် ပူဇော်သောနေ့၊ လောကဝိဝရဏ တန်ခိုးတော်ကြောင့် စကြဝဠာတစ်ဝန်းလုံး တိုးလျှိုပေါက် မြင်ကြရသောနေ့ စသော ဂုဏ်ထူးဝိသေသတို့ဖြင့် အထူးတလည် ပြည့်စုံသော နေ့ထူးနေ့မြတ်ကို အဘိဓမ္မာအခါတော်နေ့လို့ ခေါ်ပါတယ်။
မြတ်စွာ ဘုရားရှင် လူ့ပြည်သို့ ဆင်းသက်တော်မူရန် သိကြားမင်းက စောင်းတန်းကြီး သုံးသွယ်ကို ဖန်ဆင်း ပေးခဲ့သည်။ ရွှေစောင်းတန်းတွင် နတ်များကလည်းကောင်း၊ ငွေစောင်း တန်းတွင် ဗြဟ္မာကြီးများက လည်းကောင်း လိုက်ပါ လာကြ၍ ဂေါတမ ဘုရားရှင်က ပတ္တမြား စောင်းတန်းမှ ကြွချီတော်မူသည်။

သိကြားမင်းသည် ဘုရားရှင်ကို ရွှေထီးမိုး၍ လည်းကောင်း၊ ပ ဉ္စသိင်္ခနတ်သားက သုံးဂါဝုတ် မျှကြီးသော ဗေဠုဝနတ်စောင်းကြီးကို တီး၍ လည်းကောင်း၊ မာတလိနတ်သားက ပန်းမန်နံ့သာ အမွှေးအကြိုင်တို့ဖြင့် ဘုရားရှင်ကို ပူဇော်၍လည်းကောင်း၊

သုယာမ နတ်မင်းက စာမရီသားမြီးယပ်တို့ဖြင့် ဘုရားရှင်ကို ယပ်ခပ် ပူဇော်၍လည်းကောင်း၊သန္တုသိတနတ်မင်းက ပတ္တမြားယပ်ဝန်းကို ခပ်၍လည်းကောင်း၊ သိကြားမင်းက ကဝိဇယုတ္တရ ခရုသင်းကို မှုတ်၍ လည်းကောင်း၊ ဂန္ဓဗ္ဗနတ်များက သီဆိုကခုန်လျက် လည်းကောင်း ဆင်းသက် လိုက်ပါ လာကြပုံကို ပုဂံခေတ် မြင်းကပါရပ် ဂူပြောက်ကြီး ဘုရား နံရံဆေး ပန်းချီ ကား၌ ရေးဆွဲထားသည်ကို လေ့လာ တွေ့ရှိနိုင်သည်။

သီတင်းကျွတ် လပြည့်နေ့တွင် သာသနာ့ ဝန်ထမ်း ရဟန်းတော်များက ပဝါရဏာ ပွဲတော် ကျင်းပလေ့ ရှိသည်။ သိက္ခာတော် ဝါတော် အကြီးဆုံးဖြစ်သော မထေရ်ကြီးက လက်ဝဲဘက် ပခုံးပေါ်တွင် ကေသီ သင်္ကန်းကိုတင်လျက် ဆောင့်ကြောင့် ထိုင်ပြီးလျှင် ”ငါ့ရှင်တို့ တပည့် တော်သည် သံဃာကို ပင့်ဖိတ်ပါ၏။

တပည့်တော်၏ အဖြစ်ကိုမြင်လျှင်သော်လည်းကောင်း၊ ကြားလျှင် သော်လည်းကောင်း၊ သံသယရှိလျှင် သော်လည်းကောင်း၊ တပည့်တော် အားသနား သဖြင့် ပြော၍ဆို၍ သတိပေးပါ၊ အပြစ်ကိုရှာ၍ ကုစားပါမည်” ဟု သုံးကြိမ်တိုင်တိုင် သံဃာ များကို ဖိတ်ကြား တိုက်တွန်း၍ ကျန်သံဃာတော်တို့က သာဓုသုံးကြိမ် ခေါ်ကြရသည်။

ထိုပဝါရဏာနည်းတူ လူတို့မှာလည်း
ဝါတွင်းသုံးလကာလပတ်လုံး ဥပုဒ်သီလများ ဆောက်တည်ကြပြီး သီတင်းကျွတ်လပြည့်နေ့တွင် တာဝတိံသာနတ်ပြည်မှ ကြွလာသော မြတ်စွာဘုရားအား မီးများထွန်းညှိကာ ဖူးမြှော်ကြိုဆိုကြပါတယ်။

အဘိဓမ္မာအခါတော်နေ့ဟာ မြန်မာလူမျိုးတို့ရဲ့ အလေးအမြတ်ထားရာ နေ့ထူးနေ့မြတ်ဖြစ်ပြီး ထိုနေ့တွင် မိဘ၊ ဆရာသမား၊အဘိုးအဘွား နှင့် ခင်ပွန်းကြီး(၁၀)ပါးကို ကန်တော့ကြပါသည်။

မိဘအဘိုးအဘွားများမှလည်း သားသမီးမြေးမြစ်များကို မုန့်ကျွေးခြင်း၊ မုန့်ဖိုးပေးခြင်းတို့ ပြုလုပ်ပြီး သီတင်းကျွတ်လပြည့်နေ့တွင် ဝါတွင်းမုန့်များပြုလုပ်ကာ အိမ်နီးချင်းများအား ဝေခြင်း၊ တစ်ခြံလုံး တစ်အိမ်လုံး မီးထွန်းခြင်း၊ မီးပုံပျံလွှတ်ခြင်း စတဲ့ မြန်မာလူမျိုးတို့ရဲ့ ချစ်စရာကောင်းသော အပြုအမူများကို ဖန်တီးရင်း ပျော်ပျော်ရွှင်ရွှင် ဖြတ်သန်းကြပါသည်။

ထိုကဲ့သို့ မြန်မာလူမျိုးတို့ရဲ့ အမြတ်တနိုးတန်ဖိုးထားသော နေ့ထူးနေ့မြတ် အဘိဓမ္မာအခါတော်နေ့ကို နောင်လာနောက်သားများသိရှိရလေအောင် မိဘဘိုးဘွားများက ယနေ့ထိ လက်ဆင့်ကမ်းဝေမျှခဲ့ကြသည်မို့ သင်တို့အနေနဲ့လည်း နောင်လူငယ်များသိရလေအောင် လက်ဆင့်ကမ်းဝေမျှပေးဖို့ *ရွှေပြည်သစ်* မိသားစုမှတိုက်တွန်းနှိုးဆော်လိုက်ပါတယ်။

- ဝါဆိုလပြည့်နေ့၏ ထူးခြားသောဖြစ်စဉ်တော်များမှာ တုသိတာ နတ်ပြည်၌ သေတကေတုအမည်ရသောနတ်သားနတ်သက်စုတေပြီး ကပိလဝတ်ပြည် သာကီဝင်မင်းမျိုးတို့၏ဘုရင် သုဒ္ဓေါဒနမင်းကြီး၏ မိဖုရားခေါင်ကြီး မယ်တော်မာယာ ဝမ်းကြာတိုက်၌ မဟာသက္ကရာဇ် ၆၇ ခုနှစ် ဝါဆိုလပြည့် ကြာသပတေးနေ့တွင် ဘုရားအလောင်း သိဒ္ဓတ္ထ မင်းသား အဖြစ် ပဋိသန္ဓေယူသောနေ့ဖြစ်သည်။

- သိဒ္ဓတ္ထမင်းသားသည် ၁၆ နှစ်အရွယ်မှ ၂၉ နှစ်အရွယ်အထိနန်းစည်းစိမ် ၁၃နှစ်ခံစားတော်မူပြီး နိမိတ်ကြီးလေးပါးကိုမြင်တွေ့ရာမှ မဟာသက္ကရာဇ် ၉၇ ခုနှစ် ဝါဆို လပြည့်တနင်္လာနေ့တွင် တောထွက်တော်မူသည်။

- တောထွက်တော်မူပြီး ဒုက္ကရစရိယာ ခြောက်နှစ်တာကျင့်၍ မဟာသက္က ရာဇ် ၁၀၃ ခုနှစ် ကဆုန်လပြည့် ဗုဒ္ဓဟူးနေ့တွင် အတုမရှိဘုရားဖြစ်တော် မူရာ မဟာဗောဓိပင်မှ ၁၈ ယူဇနာ (၁၄၄ မိုင်ခန့်)ဝေးကွာသော မိဂဒါဝုန် သို့ ခြေကျင်ကြွတော် မူသည်။ သားသမင်တို့အား ဘေးမဲ့ပေးရာမိဂဒါဝုန် တော၌ ပဉ္စဝဂ္ဂီငါးဦးတို့အား မဟာသက္ကရာဇ် ၁၀၃ ခုနှစ် နေလည်းဝင်စ၊ လလည်းထွက်ချိန် ဝါဆိုလပြည့် စနေနေ့ ညချမ်းအချိန်တွင် မဂ္ဂင်ရှစ်ပါး၊ သစ္စာလေးပါးတို့ဖြင့် တန်ဆာဆင်အပ်သော ဓမ္မစက္က ပဝတ္တနသုတ္တန် (ဓမ္မစကြာ) တရားဦးကို ဟောတော်မူသည်။

-ထို့ကြောင့်ဝါဆိုလပြည့်နေ့သည်ဘုရားအလောင်းပဋိသန္ဓေတည်သော‌နေ့၊ တောထွက်တော်မူသောနေ့၊ ဓမ္မစကြာတရားဦးဟောတော်မူသောနေ့၊ ဘုရားဖြစ်ပြီဟု ရဲဝံ့စွာ ကြေညာသောနေ့၊ တရားရတနာ စတင်ပေါ်ထွန်း သောနေ့၊ သံဃာရတနာ စတင်ပေါ်ထွန်းသောနေ့၊ ဧဟိဘိက္ခုဟူသော မြတ်ဗုဒ္ဓ၏ ဗျာဒိတ်တော်ရရဟန်း စတင်ပေါ်ထွန်းသောနေ့ဟူ၍ ထူးကဲသော ဝိသေသများဆောင်ကြဉ်းသဖြင့် ဤဝါဆို လပြည့်နေ့တွင် ဗုဒ္ဓဘာသာဝင် အပေါင်းတို့က ကောင်းမှုအထူးပြု၍ ကောင်းကျိုးများကို ရယူသင့်ကြပေသည်။

-ထို့အပြင် မြတ်စွာဘုရားရှင် ခုနစ်ဝါမြောက် ဝါဆိုတော်မူစဉ် အဘိဓမ္မာတရား ဟောကြားရန်အတွက် တာဝတိံသာနတ်ပြည်သို့ ကြွတော်မူစဉ် ရေမီးအစုံဖြင့် တန်ခိုးပြာဋိဟာတို့ကို ဝါဆိုလပြည့်နေ့တွင် ပြတော်မူသည်။ ထို့ကြောင့် ပြည်သူ ပြည်သား သူတော်ကောင်းများအနေ ဖြင့် ဝါဆိုလပြည့်နေ့ ဤနေ့သို့ရောက်တိုင်း သဒ္ဓါတရား ပေါက်ရာ နေ့ထူးအခါတော်တို့ကို နှလုံးသွင်း၍ ဗုဒ္ဓမြတ်စွာဘုရားကို အာရုံပြုကာ ကြည်ညိုပူဇော်ခြင်းဖြင့် ကောင်းခြင်းမင်္ဂလာ ဝေဖြာစေမည်ဖြစ်ပါသည်။ ဝါဆိုလပြည့်နေ့သည် မြတ်ဗုဒ္ဓ၏ ထူးခြားသောဖြစ်စဉ်တော်များနှင့် ထေရဝါဒ ဗုဒ္ဓသာသနာဝင်သမိုင်းတွင် အထူးခြားဆုံးလ၊အထူးခြားဆုံး‌နေ့ ဖြစ်၍ ကောင်းမှုကုသိုလ်များကို အလေးအနက်ထားပွားများရမည့် အချိန် အခါ ဖြစ်ပါသည်။

အခုလိုနေ့ထူးနေ့မြတ် ဝါဆိုလပြည့်နေ့အခါသမယတွင် ကောင်းမှုကုသိုလ် များပြုလုပ်ကာ ခုနှစ်ရက်သားသမီးအားလုံး စိတ်၏ချမ်းသာခြင်း၊ ကိုယ်၏ကျန်းမာခြင်း တို့နှင့်ပြည့်စုံ၍ စီးပွားလာဘ်လာဘများလဲ တိုးတက်ပါစေကြောင်း Shwe Pyi Thit မိသားစုမှဆုတောင်းမေတ္တာ ပို့သလိုက်ပါတယ်ရှင်။