Metabolic Tea and Healthy
Share
Contact information, map and directions, contact form, opening hours, services, ratings, photos, videos and announcements from Metabolic Tea and Healthy, Health/Beauty, Sinde, Pyay.
21/05/2020
ကျွန်မတို့တွေရဲ့ ခန္ဓာကိုယ်ဟာ အသက်အရွယ်လေး ရလာတာနဲ့အမျှ အဆီပိုတွေ ဟိုနားနည်းနည်း ဒီနားနည်းနည်း တဖြေးဖြေး စုသည်ထက် စုလာတတ်ကြပြီး ဝသည်ထက် ဝလာတတ်ကြတာကို သတိထားမိကြမယ်နဲ့တူပါတယ် 😁
ဒီလို တဖြေးဖြေး ဝသည်ထက်ဝလာတာဟာ သင်တစ်ယောက်တည်းတော့ မဟုတ်ပါဘူး။
တကယ်တော့ ဒါဟာ ပုံမှန်ပါပဲနော်။
ကျွန်မ ဒီအကြောင်းနဲ့ ပတ်သက်ပြီး ပြောရမယ်ဆိုရင်တော့ ပထမဆုံးအနေနဲ့ ဟော် မုန်း(hormones ) တွေအကြောင်းကို အရင်ပြောပြချင်ပါတယ်။
အမျိုး သား တွေမှာ တက်စတိုစတီရုန်း ( testosterone) ဆိုတဲ့ အမျိုး သား ဟော် မုန်းက ယောကျာ်းများကို သဘာဝအရ ခန္ဓာကိုယ်သွယ်လျစေပြီးသားပါ။
ဒီဟော်မုန်းက ကြွက်သားတည်ဆောက်ခြင်း၊ ဇီဝရုပ်ဖြစ်ပျက်ခြင်းကို လျင်မြန်စေခြင်းနဲ့ သွေး တွင်း အချိုဓာတ် ကို အဓိက ထိန်း ညှိ ပေးတဲ့ အင်ဆူလင်ဟိုမုန်းရဲ့ လုပ်ဆောင်ချက်ကို ထိန်းချုပ်ပေးခြင်း စတဲ့အလုပ်တွေကို လုပ်ပေးပါတယ်။
Testosterone ဟော်မုန်းတွေ လျော့လာခြင်းက ခန္ဓာကိုယ်ထဲမှာ အဆီတွေကို ပိုပြီးသိုလှောင်စေပါတယ်။
ဒီအတိုင်းပါပဲ. . . အဆီ ပိုများစု ဝေး လာ ခြင်း ကလည်း အမျိုးသား ဟော်မုန်းရဲ့ လုပ်ငန်းဆောင်တာတွေကို နှောင့်နှေးစေပြန်ပါတယ်။
ယောကျာ်းလေးတွေရဲ့ခန္ဓာကိုယ်မှာ ဒီ Testosterone ဟော်မုန်းတွေက အသက်သုံးဆယ်ကျော်လာရင် တစ်နှစ်ကို တစ် ရာခိုင်နှုန်း ကျလာတတ်ပါတယ်။
ဒါက တော့ ဗိုက်မှာအဆီတွေ စုလာရခြင်းရဲ့အကြောင်းတစ်ခုပါ။
အမျိုးသမီး တွေမှာ အီစတိုဂျင် (oestrogen) နဲ့ ပရိုဂျက်စတီရုန်း(progesterone) လို့ ခေါ် တဲ့ အမျိုးသမီးဟော်မုန်းတွေဟာ မျှတစွာရှိကြပါတယ်။
အီစတိုဂျင်(oestrogen)များခြင်းဟာလည်း အဆီတစ်ရှူးများဖြစ်ပေါ်စေပါတယ်။
သို့သော် အသက်ငယ်စဉ်မှာ တိုးနေတဲ့ အီစတို ဂျင်(oestrogen)ကို ပရိုဂျက်စတီရုန်း(progesterone) က ကောင်း မွန်စွာ ထိန်း ညှိပေး နေ လို့ အဆီတွေ မတရားတက်မလာရတာပါ။
အသက် ၃၅ ကနေ သွေးဆုံးတဲ့အရွယ်အထိ အဆိုပါ ဟော်မုန်း ပမာဏ နှစ်မျိုးလုံးဟာ တဖြေးဖြေး ကျဆင်းလာပါတယ်။
ဒါပေမဲ့ ပရိုဂျက်စတီရုန်း (progesterone) ဟော်မုန်း ရဲ့လျော့နည်းလာမှုက ပိုမိုမြန်ဆန်လို့ အီစတိုဂျင် (oestrogen) နဲ့ ပမာဏဟန်ချက်ပျက်ပြီး အီစတိုဂျင် (oestrogen) ရဲ့ အာနိသင်ဖြစ်တဲ့ အဆီတိုးလာခြင်းကို ပိုမိုမြန်ဆန်စွာ ဖြစ် ပေါ်လာ စေပါတယ်။
ကြွက်သားဆုံးရှုံးလာခြင်း
အသက်ကြီးလာတဲ့အခါ ဝိတ်ချတာခက်တယ်ဆိုတဲ့အကြောင်းရင်းတွေထဲကတစ်ခုကတော့ အသက်ကြီးလာလေလေ ဇီဝရုပ် ဖြစ် ပျက်ခြင်းနှေးလာလေလေမို့ပါ။
ခန့်မှန်းရတာတော့ အသက် ၄၀ ကျော်ရင် ဆယ်စုနှစ်တစ်ခုပြီးတိုင်း ပြီးတိုင်း ဇီဝရုပ်ဖြစ်စဉ် ရဲ့ လုပ် ဆောင် ချက် က ၅% ကျသွားတတ်ပါတယ်။
အဲဒီလိုဘာကြောင့်ဖြစ်တာလဲဆိုတော့ ကြွက်သားတွေဆုံးရှုံးလာလို့ပဲ ဖြစ်ပါတယ်။
အဆီတိုးလာခြင်း
အသက်ကြီးလာတာနဲ့အမျှ ကြွက်သားဆုံးရှုံးမှုတွေ များလာသလို တစ်ချို့သော အဆီအမျိုးအစားတွေလည်း တိုးလာပါတယ်။ ခန္ဓာကိုယ်အတွင်း ကယ်လိုရီချေဖျက်ပြီး အပူစွမ်းအင်ထုတ်ပေးတဲ့အဆီညို (Brown Fat)တွေ ဆုံးရှုံးမှုများလာပြီး ကယ်လိုရီအပိုတွေကို စုပေးတတ်တဲ့ အဆီဖြူ (white fat) တွေတိုးလာတာမျိုးပါ။ ဒါကလည်း သင့်ကို ဝလာစေတဲ့ အကြောင်းအရင်းတစ်ခုပါပဲ။
စိတ်ဖိစီးမှုများလာခြင်း
အသက်ကြီလာတာနဲ့အမျှ အလုပ်အကိုင်ကအစ ကလေးပြုစုရတာအလယ် ပင်စင်ယူရတာအဆုံး ယူရတဲ့တာဝန်တွေ တိုးလို့လာပါတယ်။ဒီလိုနဲ့ ခန္ဓာကိုယ်မှာ စိတ်ဖိစီးမှုကြောင့် ကော်တီစော( Cortisol) ဆိုတဲ့ဟော်မုန်းတွေ ထုတ်လုပ်မှုများလာပါတယ်။
ကော်တီစော (Cortisol) ဆိုတဲ့ဟော်မုန်းက အသက်အန္တရာယ်ကြုံလာတဲ့ ပြေးရလွှားရအခြေအနေမျိုး( Fight & Flight) မှာ တွေများမှ ထွက်လာရတာပါ။
အခုလို အသက်အန္တရာယ် မကြုံရဘဲ စိတ်ဖိစီးမှုများလာရင် ထွက်လာရတဲ့ကော်တီစောက ကယ်လိုရီအပိုတွေကို အဆီဖြူအဖြစ် ခန္ဓာကိုယ်မှာလှောင်စေတာဖြစ်ပါတယ်။ ဒါကြောင့် စိတ်ဖိစီးမှုများတဲ့အခါ ဝလာတတ်တာပါ။
ကျွန်မ အခုပြောပြခဲ့သလောက်ဆိုရင်တော့ အသက်အရွယ်ရလာတာနဲ့အမျှ ဘာလို့ ပိုပို ဝလာတတ်သလဲရယ်၊ ဝိတ်ချဖို့ရော ဘာလို့ ပိုခက်လာသလဲဆိုတာရယ်ကို အားလုံးလည်း သဘော ပေါက် ပြီလို့ ထင် ပါတယ်ရှင့်....
အားလုံးကို ကျေးဇူးတင်ပါတယ် ရှင့် 🙏
Credit to 👉Dr.Ei Thet of Leeds (ENGLAND)
Candidate of MSc Sports and Exercise Medicine program
Click here to claim your Sponsored Listing.
Category
Culinary Team
Attire
Website
Address
Sinde
Pyay
