Aung Hlan Moe - Tea House

အတွေးမှန်အယူမှန်ပြီး လောကအကျိုးသာသနာအကျိုးနိုင်ငံအကျိုးကို ရှေ့ရူပြီး အလုပ်အကိုင် အခွင့်အလမ်း အသိဉာဏ်ပညာများကို ဆထက်ထမ်းပိုးဖြည့်ဆည်းနိုင်ကြပါစေ...အမိမြန်မာပြည်ကြီးလဲ အမြန်အေးချမ်းပါစေ ဆုတောင်းမေတ္တာပို့သအပ်ပါတယ်🙏🙏🙏

မေး။ ။ အသက်က ၂၅ပါ

ပေါင်ချိန်၁၂၀ပါ
ဆီဝမ်းမှန် အိပ်ချိန်မှန်ပါတယ်။
အရင်ကအလုပ်ကြောင့် ကွန်ပျူတာသုံးတာ၊ဖုန်းကြည့်တာများခဲ့ပါတယ်။

ဖြစ်နေတဲ့ရောဂါက

ဦးခေါင်းက အမြဲ တစ်ခေါင်းလုံးခဲနေတယ် နောက်စေ့နားက ပိတ်စို့စို့လိုဖြစိပြီး အကြောကအောင့်တယ်
လည်းပင်းအကြောတွေကလည်းအောင့်တယ် လည်ပင်းရိုးလည်းနာတယ်

ရောဂါဖြစ်တာက ၁နှစ်ရှိပါပြီ
ဦးနှောက်နဲ့အာရုံကြော သမားတော်တွေနဲ့လည်းပြပါတယ် ဦးခေါင်းct ရိုက်တယိ လည်ပင်းctတော့မရိုက်လိုက်ရဘူး သွားပြတော့
စစ်သင့်တာစစ်ပါတယ်
ဒါမယ့် ဘာမှ မရှိပါဘူး အကုန်ကောင်းပါတယ် အာရုံကြောအားနည်းတာ ပါ ဆိုပြီး အာရုံကြောအားဆေးတွေပဲ ပေးပါတယ်
မျက်စိက ကြည့်မကောင်းဘူးဆရာ
ပါဝါ လည်း စစ်ကြည့်တယိ အဝေး၂၅ပဲ ဆရာ
မသက်သာပါဘူး ဆရာ နေ့တိုင်းဝေဒနါခံစားနေရပါတယ်
ကျွန်တော်ဘာလုပ်သင့်လဲဆရာ

ယခင်ကတော့ ရင်ဖတ်အောင့်ဖူးတယ်ဆရာ အဲတုံးက လည်းတော်တော်များစစ်တာပဲ အကုန်ကောင်းတယိ
ဝေဒနါက မပျောက်ဘူးဆရာ
နောက်မှ အားကစားလုပ်ဘာလုပ်နဲ့ နည်းနည်းသက်သာသွားတာ

ယခုလောလောဆယ်တော့ ဆေးခန်းမပြဖြစ်ဘူးဆရာ

သောက်တဲ့ဆေးလည်းမရှိပါဘူးဆရာ။
သင့်တော်မဲ့ ဆေးနည်းများညွှန်ကြားပေးပါဆရာ။

----------------------------------

ဖြေ။ ။ခေါင်းကိုက် ဖုန်းကြည့်များသူ

ဖုန်းကထွက်တဲ့ရောင်ခြည်တွေကြောင့်ဖြစ်တာပါ။
မသုံးပဲမနေနိုင်ရင် နေကာမျက်မှန်တတ်သုံးပါ။
တစ်ခါတရံမှာ အစာမစားပဲဖုန်းသုံးရင်လည်း အစာအိမ်ကပူပြီး နောက်ဆက်တွဲမှာ ခေါင်းကိုက်လာတတ်ပါတယ်။
အစားစားပြီးမှ ဖုန်းသုံးတာပိုကောင်းပါတယ်။
ခေါင်းကိုက်တာက တစ်ခါတရဲမှာ စိတ်ကြောင့်လည်းဖြစ်တတ်ပါတယ်။
အိပ်ရေးမဝသူများ ၊ အိပ်ယာထနောက်ကျသူများမှာလည်း ခေါင်းကိုက်ဝေဒနာဝင်လာတတ်ပါတယ်။
အစာကြေခဲတဲ့ အကြော်အလှော်၊ ကောက်ညှင်း၊ ဆန်စေး အစားများတဲ့သူများမှာလည်း ကြာရင်ခေါင်းကိုက်ဝေဒနာ ဖြစ်လာတတ်ပါတယ်။
အထက်ပါအချက်အလက်များကနေ မိမိဘာကြောင့်ခေါင်းကိုက်တယ်ဆိုတာ လေ့လာကြည့်ပါ။
ရှောင်ကြဥ်သင့်တာကိုရှောင်ကြဥ်ပါ။
ခေါင်းကိုက်ချိန်မှာ
အလွယ်နည်းကတော့၊ ချင်းတက်ကိုရေဆေး ပါးပါးလှီး နထင်နှစ်ဘက်မှာ ကပ်ထားပါ။
ခေါင်းကိုက်ပြီးဖျားချင်သလိုပါဖြစ်နေရင်.. ဒန့်သလွန်ရွက်ရှာပါ ရေဆေးပြီး အရွက်ကိုချေပြီး အရည်တစ်စက်နှစ်စက်ညှစ်ချ မျက်စဥ်းခပ်ပေးပါ။ အနည်းငယ်စပ်သည်။ မျက်ရည်ပူများကျလာပါလိမ့်မည်။ ခေါင်းကိုက်လည်းချက်ချင်းသက်သာသွားတာတွေ့ရဘူးပါသည်။
တိုင်းရင်းဆေးဝယ်ရရင်တော့
တိုင်းရင်းဆေးအမှတ်
(၄၃) အကင်းဆယ်ပါးဆေးမှုန့်ဝယ်
စက္ကူနဲ့လိပ်ပြီး မီးရှို့ ထွက်လာတဲ့အငွေ့ကိုရှူပေးပါ။ ခေါင်းကိုက် နှာစေး ဖျားချင်တာတွေအကုန်သက်သာပါတယ်။

ကြည်လွင်မြင့်(မုဒြာ)

ကယ်လိုရီပါဝင်မှု နည်းပြီး အမျှင်ဓာတ်နှင့် အင်တီအောက်ဆီဒင့် ကြွယ်ဝစွာ ပါဝင်သော ပန်းသီးကို တစ်နေ့တစ်လုံး နေ့စဉ် ပုံမှန်စားပေးပါ။ အနီရောင်ရင့်ရင့်၊ ခပ်ချဉ်ချဉ်၊ ခပ်ကျစ်ကျစ် ပန်းသီးကိုသာ ရွေးချယ်ဝယ်ယူ စားသုံးပါ။ ပန်းသီးမစားမီ ရေဖြင့် သေချာဆေးကြောပြီး အလုံးလိုက် အခွံပါ ဝါးစားပါ။ ပန်းသီးသည် နှလုံးသွေးကြောကျဉ်းရောဂါ၊ ကင်ဆာရောဂါတို့ကို ကာကွယ်၊ ကုသရာတွင် အသုံးဝင်ရုံသာမက ပန်းနာရင်ကျပ်ရောဂါ၊ ယားယံခြင်းနှင့် ရောင်ရမ်းခြင်း ဝေဒနာများကိုလည်း လျောနည်းသက်သာစေသောကြောင့် ကျန်းမာရေးအတွက် များစွာ အထောက်အကူ ပြုပါသည်။

ပန်းသီးအခွံတွင် ဆေးဖက်ဝင် ဓာတ်ပစ္စည်းများဖြစ်သည့် ဖလေဗိုနွိုက်များ၊ ကယ်ရိုတီနွိုက်များ အဓိက ပါဝင်ပါသည်။ အခွံခွာပြီးစားလျှင် ဆေးဖက်ဝင်အာနိသင်များ ရရှိမည် မဟုတ်ပါ။ ထို့ကြောင့် အခွံကို ရေဖြင့် သေချာစွာဆေးကြောပြီး စားရပါမည်။

သဘာဝပန်းသီးအခွံကို ဖယောင်းလွှာ (Cuticle) နှင့် အုပ်ထားသောကြောင့် ပိုးသတ်ဆေးအကြွင်းအကျန်များသည် ရေဖြင့်ဆေးလျှင် အလွယ်တကူ ပါသွားနိုင်သော်လည်း ပန်းသီးတွင် အနာအဆာနှင့် ဓားရှရာများ ရှိနေမည်ဆိုလျှင် ပိုးသတ်ဆေးများ အတွင်းထိ ဝင်ရောက်သွားနိုင်သောကြောင့် မစားသုံးသင့်ပါ။

ပန်းသီးတွင် ကျန်းမာရေး အကျိုးကျေးဇူးများ ရှိသကဲ့သို့ ဆိုးကျိုးလည်း ရှိပါသည်။ အန္တရာယ်ရှိသော အပိုင်းမှာ ပန်းသီးအစေ့ ဖြစ်သည်။ ပန်းသီးအစေ့တွင် အဆိပ်တစ်မျိုးဖြစ်သည့် ဆိုင်ယာနိုဂျန်းနစ် ဂလိုင်ကိုဆိုက် (Cyanogenic glycoside) များကြွယ်ဝစွာ ပါဝင်ပါသည်။ ထို့ကြောင့် အမှတ်တမဲ့ ပါးစပ်ထဲ မဝင်စေရန် ဂရုပြုရပါမည်။ ပန်းသီးအစေ့ကို များများစားမိပါက ဆိုင်ယာနိုက် (Cyanide) အဆိပ်သင့်ပြီး သေဆုံးသည်အထိ ဖြစ်နိုင်ပါသည်။ ထို့ကြောင့် ပန်းသီးစားလျှင် အစေ့ကို မစားမိစေရန် ဂရုပြု၍ စားသုံးသင့်ပါသည်။

ဒေါက်တာခင်မောင်လွင် (FAME)

ကိုးကားချက် - "သစ်သီးများနှင့် ကျန်းမာရေး" စာအုပ်၊ အခန်း (၁) ပန်းသီး မှ ထုတ်နုတ်ဖော်ပြသည်။

👉https://t.me/famepharmaceuticals
👉https://t.me/famepharma

ကိုဗစ်-၁၉ ဗီဇပြောင်းမျိုးကွဲ Omicron (အိုမီခရွန်) ရောဂါပိုးသည် (၉-၁၂-၂၀၂၁) ရက်နေ့၊ နံနက် (၀၆:၀၀) နာရီအချိန်အထိ နိုင်ငံပေါင်း (၅၆) နိုင်ငံတို့တွင် ပျံ့နှံ့လျက်ရှိကြောင်းသိရှိရပြီး အာဖရိကနိုင်ငံများ၊ ဥရောပနိုင်ငံများ၊ အမေရိကန်၊ ကနေဒါ၊ ဂျပန်၊ တောင်ကိုရီးယား၊ ဟောင်ကောင်၊ ဩစတြေးလျနိုင်ငံ အစရှိသည် တို့တွင် အတည်ပြုတွေ့ရှိရပြီး ဖြစ်သည့်အပြင် အိမ်နီးချင်းနိုင်ငံများ ဖြစ်သော အိန္ဒိယနိုင်ငံနှင့် ထိုင်းနိုင်ငံ၊ ဒေသတွင်းနိုင်ငံများဖြစ်သော မလေးရှား နိုင်ငံ၊ သီရိလင်္ကာနိုင်ငံ၊ စင်ကာပူနိုင်ငံ၊ နီပေါနိုင်ငံနှင့် မော်လဒိုက်နိုင်ငံတို့တွင်လည်း တွေ့ရှိ ကြောင်း သိရှိရပါသည်။