LearnSphere Collective

အားလုံးသာလီစွပါ...😍😍

English Speaking Class (Free)

ကျွန်တော်ရို့ Knowledge Sharing Centre (KSC) နေပြီးကေ ကြိုဆိုပါရေ။ လူငယ်ချေတိအတွက် Online English Class တစ်ခုကို အခမဲ့ စီစဥ်ထားပါရေ။

သင်ကြားပီးဖို့ ဆရာက ကျကေ ကျွန်တော် မျိုးချစ်ကို ဖြစ်ပါရေ။ ကျွန်တော် က Sittwe University က English အထူးပြုနန့် ဘွဲ့ရရှိခပါရေ။ Scholarship ရပြီးကေ ထိုင်းနိုင်ငံ၊ မဲဆောက်မြို့မှာ ROY Myanmar Leadership Program လားပြီးကေ တက်ရောက်ခပါရေ။ လက်ရှိ လူငယ်ချေတိကို English Speaking Class တိ အခမဲ့သင်ကြားပီးနိန်ပါရေ။

အခု သင်ပီးလားဖို့စော်ကကျကေ အဂ်လိပ်စာနန့် ပတ်သက်ပြီးကေ လမ်းပျောက်နေကတ်တေ လူငယ်ချေတိအတွက်ဖြစ်ပါရေ။ ယင်းနက် အခြေ ခံ ကို ဦးစားပီးပြီးကေ သင်ကြားလားဖို့ဖြစ်ပါရေ။ အခြေခံမရှိသိရေ လူငယ်ချေတိကို ရယ်ရွည်ရေ သင်တန်းဖြစ်ပါရေ။ အခြေခံရှိပြီး၊ အဂ်လိပ်စာထူးချွန်​​ေရလူတိအတွက် တက်ရောက်ဖို့မသင့်တော်ရေ သင်တန်းတစ်ခုဖြစ်ပါရေ။ ဇာစာအုပ်ကို သင်ပီးလားဖို့လဲဆိုကေ Cambridge က ထုတ်ထားရေ Essential Grammar In Use စာအုပ်ဖြစ်ဖို့များပါရေ။ လူငယ်ချေတိ၏ အရည်အသွေးကို ကြည့်ပနာ သင်လားဖို့ ဆုံးဖြတ်ထားပါရေ။ သင်တန်းပြီးဆုံးအောင်ထိ တက်ရောက်ဖို့သေချာမှ စာရင်းပီးစီချင်ပါရေ။ စာရင်းပီးထားပြီးကေ ပြီးဆုံးအောင်မတက်နိုင်ရေ သင်တန်းသားကို လုံးဝအလိုမရှိပါ။

သင်တန်းချိန် ညနေ ၇ နာရီ ကနေ ၈: ၃၀ အထိ
သင်တန်းရက် ကြာသပတေး၊ သောကြာ
သင်တန်းကြေး Free
သင်တန်းနေရာ Zoom
သင်တန်းကာလ တစ်လ
သင်တန်းစမည့်ရက် 14/10/2021

တက်ဖို့စိတ်ဝင်စားရေလူတိအတွက် (သင်တန်း ပြီးဆုံးအောင်ထိ)...............................................................................

အခု Post ကို အဂ်လိပ်စာ စိတ်ဝင်စားရေ သူငယ်ချင်း(၅)
ယောက်ကို Tag ပြီးကေ Share ပီးရဖို့ဖြစ်ပါရေ။ Share ထားစော်ကို Screenshot ရိုက်ပြီးကေ Page Messenger ကနေ ပို့ပီးရဖို့ဖြစ်ပါရေ။ အရင်ဆုံးစာရင်းပီးသွင်းရေ အယောက် (၅၀) ကိုဘဲ လက်ခံလားဖို့ဖြစ်ပါရေ။ Page messenger ကနေ ပို့ဖုန်းပါတ်နန့်လေ့ ပို့ထားခဖို့တောင်းဆိုပါရေ။ Reply မပြန်နိုင်လေ့ Page ကို Message ပို့ထားရေ လူတိထဲက အယောက် ၅၀ ကို ဆက်သွယ်ပီးလားဖို့ပါ။