Axis Engineering Learning Centre

#ပေါက်တောမြို့နယ်သဲခုံကျေးရွာသို့ #
ပုံမှန်နဲ့မတူ ရေကြောင်းခရီးစဥ် ဖြစ်နိန်ခါ 2000 litre ဘူးကြီးတိ ဘုတ်မှာတင်လို့အဆင်မပြေလို့ 20 litre ဘူးတိလိုက်ရှာရရေ
ရေသန့်စက်ရုံတိက လိုက်လို့မေးကြည့်ခါလေ့ BMG စက်ရုံက ဘူး ၆၀ ရရေ
ကျန်ရေစက်ရုံတိက ဘူးတိငှားပီးလို့အဆင်မပြေပြောရေ
တရားသီးစုက ရီရောင်းရေ ဆိုင်ချေ တစ်ဆိုင်က ဘူးခွံ၆၀ လောက်ငှားလို့ရရေ
အခြား ဆိုင်ချေ နှစ်ခုက တစ်ဆိုင်ကဘူးခွံ ၁၅ ဘူး နောက်တစ်ဆိုင်က ဘူးခွံ ၂ ဘူးနဲ့ ရေခယူပနာ ၁၃ ဘူး
စုစုပေါင်း ၁၅၀ ရရေ
ပထမဆုံး ရေကြောင်းခရီးစဥ်နဲ့လားလှူစော်လေ့ဖြစ် ဘုတ်အခြေနေကိုလေ့ ကြည့်ပနာ ၁၅၀ ပဲ တင်ပနာလားဖြစ်ခရေ
BMG ကတော့ကေ ဘူး ၆၀ အတွက်ရေခကိုပဲ ယူပနာ ဘူးတိကို ငှားပီးလိုက်တေ
ကျန်ရေ ဘူးခွံတိကို ငွေပုလဲမှာလားလို့ရီလားဖြည့်ရေခါ ပရဟိတအဖွဲ့ဖြစ်လို့ဆိုပြီးကေ ငွေကြေးတစ်ပြားတစ်ချပ်လေ့မယူဘဲ
ရေသန့် ၂၀ လီတာဘူး ၇၇ ဘူး အလကားဖြည့်ပီးလိုက်တေ
ပြီးမှ ယင်းဘူးတိကို တေဘာမှာတင် ပြိးကေ ဆိပ်ကမ်းဖောငျတောျနားကနိနျ သမ္ဗန်ကတစ်ဆင့် ဘုတ်ကိုပြောင်းရရေ အားလုံးလုပ်ပီးခါ ၁၂ ဝန်းကျင်လောက်မှာ စထွက်ဖြစ်တေ
အေနိ့ လှူဖြစ်ခစော်ကတော့
ရေသန့် ၂၀ လီတာဘူး ၁၅၀ ဘူး နဲ့
ကွကျဥ ၃ ဖာ (၁၀၈၀ လုံး)
အယင်လှူခရေ ရွာတိနဲ့ဆိုကေ သဲခုံရွာ ကဆုံးရှူံးမှုအများဆုံးပိုင်မြင်မိရေ
၉၉% လောက်ကို ဆုံးရှုံးလားကတ်တေ
ရွာကအဘောင်တစ်ယောက်မှာဆိုကေ အားလုံးပါခလို့ ရီလာလှူလို့ ထည့်ဖို့ဘူးတောင် မရှိလိုက်ယာပြောရေ 😥
ယင်းအဘောင်ကို ရီဘူးပါ တစ်ဘူး လှူပခရေ
ရွာမှာက အဆောက်အဦဆောက်ဖို့ ပစ္စည်းတိ စားနပ်ရိက္ခာ သောက်ရီ အားလုံးလိုအပ်ချက်ရှိနိန်သိရေမြင်ခရေ
ပင်ပင်ပန်းပန်းနဲ့လိုက်လုပ်ပီးကတ်တေ Volunteer တိ ကူညီပီးကတ်တေ ရွာသူရွာသားတိ အားလုံးကိုလေ့အလှူရှင်တိကိုယ်စား ကျေးဇူးအများကြီးတင်ပါရေ
နောက်နိ့တိမှာလည်း လိုအပ်နိန်ရေနေရာတိကို ဆက်လို့လားလှူကတ်ဖို့အားတင်းယင်း

# # #အေကပ်ဆိုးကြီးကအယင်ဆုံးပြန်လို့ရုန်းထွက်နိုင်ပါစီ # # #

21.5.23 ရက်နိ့ သောက်ရေသန့် လှူဒါန်းခရေ နိန်ရာတိ
ရွာသာယာဆင်းလမ်း
အောင်ချမ်းသာကျေးရွာ
မင်းဂံ ကယ်ဆယ်ရေးစခန်း
မင်းဂံ အကွက် ၁၁
နောက်ထပ်နှစ်ရက်လောက် စစ်တွေအနီးတစ်ဝိုက်က ရီရှားပါးနိန်ရေ ရွာတိကို ဆက်ပြိးကေ ရီသန့်လှူဒါန်းဖစ်ပါဖို့
ပြီးကေတော့ ရသေ့တောင်နယ် နဲ့ ပေါက်တောနယ်ဖက်တိကို လားနိုင်အောင် ကြိုးစားနိန်ပါရေ သောက်ရီအခက်ခဲ ရှိရေ ရွာတိရှိကေလေ့ ပြောလို့ရပါရေ
လာလို့အဆင်ပြေကေ လာပီးပါမယ်