AST System Technology

( HW နဲ့ သက်ဆိုင်တာပါ၊
ကွန်ပျူတာ HW ပိုင်းစတင်လေ့လာသူ
စကိုင်သူတွေ ကြုံနိုင်တဲ့ အခြေအနေပါ)
ကွန်ပျူတာတွေမတက်တဲ့အခါမှာ အကြမ်းဖျင်းစမ်းသပ်ခြင်း
•••••••••••••••••••••••••••••••••••••••••••••••••••••••••••••••••••
System Error တွေနဲ့ ပတ်သက်လို့ အများကြီးတင်ခဲ့ပေးဖူးပါတယ်... ဒီရက်ပိုင်း လေးတွေမှာတော့ Hardware ပိုင်းနဲ့ပတ်သက်ပီးအကြမ်းဖျင်း အဖြေရှာပုံလေးတွေပြောပြပါမယ် ... {အခုမှ စပီးတော့ လေ့လာတဲ့ Beginner အတွက် ရည်ရွယ်ပါတလ်} 😀😀😀
Computer ကို AC Plug ကနေ Power ပေးပီးလို့ PC Power ခလုတ်ကို နှိပ်ပီး Power ပေးလိုက်တဲ့အခါမှာ Computer မတက်ဘူးဖြစ်နေရင် အောက်ပါအဆင့်တွေအတိုင်း ဘာ Hardware Problem ကြောင့် Computer မတက်လဲဆိုတာ စမ်းကြည့်နိုင်ပါတယ်....
‼️Computer မတက်ဘူးဆိုတာကတော့
System Unit အဖုံးဖွင့်ကြည့်လို့ ဘာ Activity မှမရှိတာကိုပြောတာပါ ..
1️⃣ Power Supply Fan မလည်❗
2️⃣ Harddisk အလုပ်လုပ်သံမကြား❗
3️⃣ CPU Fan မလည် ❗
အဲ့လိုအခြေအနေတွေဖြစ်နေပီဆိုရင်တော့ အောက်ပါ Instruction အတိုင်း သွားစစ်ကြည့်ပါ.....
1️⃣ ပထမအဆင့်အနေနဲ့ PC က Power ခလုတ် ကောင်းမကောင်းသိဖို့အတွက် Motherboard မှာ join ထားတဲ့ Casing က Power ခလုတ်ကြိုး ကိုဖြုတ်လိုက်ပါ (Power ခလုတ်ကြိုး မဖြုတ်ခင် Power Supply က Power ကြိုးအရင်ဖြုတ်အုံးနော် 😜😜 ဓာတ်လိုက်မှာစိုးလို့) ပီးရင် Screw Driver နဲ့ Motherboard က Power SW ဆိုတာလေးကို short လုပ်တဲ့အခါ ပြန်တက်လာရင်တော့ Casing က Power ခလုတ်မကောင်းလို့ Computer မတက်တာဆိုပီး ဒီအဆင့်နဲ့တင်အဆင်ပြေသွားပါပီ ... {‼️ short လုပ်ကြည့်တာလည်းမတက်သေးဘူးဆိုရင်တော့ နောက်တစ်ဆင့် ထပ်စမ်းကြည့်လိုက်ပါအုန်း ‼️}
2️⃣ ဒုတိယအဆင့်အနေနဲ့ကတော့ Power Supply မကောင်းဘူးလို့ယူဆပီး Power Supply ကောင်းမကောင်းကို စမ်းကြည့်ပါမယ် .... အရင်ဆုံး Power Supply က AC Power ယူထားတာကိုဖြုတ်ပီး Power Supply ကနေ Power ပေးထားတဲ့ Motherboard, Hard Disk, Drive စတဲ့ Power ကြိုးတွေ အားလုံးဖြုတ်လိုက်ပီး Motherboard ကို Power ပေးတဲ့ P1 Connector က အစိမ်းကြိုးနဲ့အမဲကြိုး ကို Paper Clip လေးနဲ့ ထိုးထားပီး Power Supply ကို AC Power ပေးလိုက်ပါ... Power Pupply Fan မလည်ပါက Computer မတက်တာ Power Supply ကြောင့်လို့ ယူဆပီး Power Supply လဲစမ်းကြည့်ရင် ကောင်းသွားပါလိမ့်မယ်... {‼️ အဲ့လိုမဟုတ်ဘဲ Power Supply ကကောင်းနေရင်တော့ နောက်ထပ်တစ်ဆင့် ထပ်စမ်းကြည့်လိုက်ပါအုန်း ‼️}
3️⃣ ဒီအဆင့်မှာတော့ RAM ကို သံသယဝင်ရပါတော့မယ်... ပုံမှန်ဆိုရင်တော့ RAM မကောင်းတာတဲ့အခါမှာ Bios အမျိုးအစားပေါ်မူတည်ပီး Beep Code လေးတွေ အသံမြည်လေ့ရှိပါတလ်...(❗တစ်ခါတစ်လေ Beep သံ မထုတ်ပေးဘဲ ဖြစ်နေတာမျိုးတွေလည်းရှိတတ်ပါတယ်...❗) ဒါကြောင့် RAM ကို အခု သေချာစစ်ပေးရတော့မယ် ... RAM Slot ကို သေချာ သန်ရှင်းရေးလုပ်ပီးရင် RAM က ရွှေရောင်ကြည်းချောင်းလေးကို ခဲဖြတ်လေးနဲ့ သုတ်ပေးပီး သေချာပြန်စိုက်ပီး Power ပြန်ပေးကြည့်မယ်... အဲ့လိုလုပ်တဲ့အခါကိုမှ မရသေးရင်တော့ အဲ့ RAM ကို တခြား Computer တစ်လုံးမှ သင့်လျော်တဲ့ RAM Slot မှာ စမ်းကြည့်ကာ Computer တက်လာရင်တော့ RAM ကောင်းတာကြောင့် Computer မတက်သေးတဲ့စက်မှာ ပြန်တက်ပီးရင် နောက်တစ်ဆင့်နဲ့ ထပ်စမ်းကြည့်ရပါမလ်......
4️⃣ ဒီအဆင့်မှာတော့ COMS Setting ကို Reset ချပေးရပါမယ် COMS Battery လေးကို ဖြုတ်ပီး 5 minute လောက်ထားပီးရင်ပြန်တက် အဲ့မှာ COMS က မီး အားအတက်အကျကြောင့် ကြောင်တာဆိုရင်တော့ ဒီအဆင့်မှာတင် Computer တက်သွားနိုင်တယ် မတက်သေးရင်တော့ နောက်တစ်ဆင့်ထပ်စမ်းကြည့်ပါအုန်းမလ် ....
⚠️ Hard Disk, DVD Drive တွေကြောင့်တော့ Computer မတက်လောက်တဲ့အထိ မဖြစ်နိုင်ပါဘူး.....
5️⃣ Motherboard ကြောင့်လို့ယူဆကြည့်ပါမယ်။ Motherboard ကို Casing နဲ့ Join ထားတဲ့ Screw လေးတွေ short ဖြစ်နေရင်လည်း PC မတက်ဖြစ်နေတတ်ပါတယ်။ ဒါကြောင့် Motherboard ကို ဖြုတ်ပီးရင် ဖော့ တစ်ခုခုပေါ်တင်ထား Motherboard နဲ့ join ထားတဲ့ Hard Disk တွေ DVD Drive တွေ Casing ကလာတဲ့ LED SW တွေ Power SW တွေ အကုန်ဖြုတ်ပီးတော့ Motherboard, Power Supply, RAM, CPU, Video Card ဒါပဲရှိတော့မယ် (‼️Power Supply ကလာတဲ့ P1 connector နဲ့ P4 Connector ကိုတော့ Motherboard မှာ Power ပေးရမယ်နော်‼️)
ပီးရင် Power Supply ကို AC Power ပေးပီး Motherboard ပေါ်က Power SW ကို Short လုပ်ကြည့် Computer တက်လာရင် Motherboard Screw Short ဖြစ်နေလို့ပါ..... သေချာလေး Casing မှာ Screw ပြန်တက်ပေးလိုက်ရင် ကောင်းသွားပါလိမ့်မယ် ... (မကောင်းသေးဘူးဆိုရင်တော့ Motherboard ပျက်နေပီဟုယူဆရပါမယ်)
သေချာသွားအောင် တစ်ခြားအမျိုးအစားတူ PC တစ်လုံးမှာ ပစ္စည်းတွေဖြုတ်တပ်ကြည့်ပီးတော့ Computer တက်သွားရင်တော့ Motherboard ကြောင့် မတက်သေးရင်တော့ Motherboard ကောင်းပီး CPU ပျက်နေတာသေချာသလောက်ဖြစ်နေပါပီ... CPU က အပျက်နည်းလို့နောက်ဆုံးအနေနဲ့ စမ်းကြည့်ရတာပါ... CPU ဖြုတ်ပီး တခြား Socket တူ Motherboard မှာ သေချာအောင်စမ်းကြည့်ပါ Board မတက်ဘဲနေပါလိမ့်မယ်......
ဒါကတော့ Computer မတက်တဲ့အခါမှာ အခုမှစပီးတော့ လေ့လာနေတဲ့ Beginner တွေအတွက် ရည်ရွယ်ပီး အကြမ်းဖျင်း ရှင်းပြပေးထားတာဖြစ်ပါတလ်..... ဖြစ်ဖူးတာလေးတွေနဲ့ တွဲပီး ရှင်းပြပေးထားတာပါ....
ယခုဖော်ပြထားသော အကြောင်းအရာသည် page မှ ကူးယူဖော်ပြပေးထားခြင်းဖြစ်ပါတလ် ....

UEFI mode နဲ့ Legacy BIOS ဘာကွာခြားလဲ …?

UEFI ဆိုတာ Unified Extensible Firmware Interface ဆိုတာရဲ့ အတိုကောက်ဖြစ်ပါတယ်။
Booting Process တွေကိုလေ့လာတဲ့နေရာမှာ UEFI ဆိုတာကို ကျော်သွားလို့မရတာကိုတွေ့ရမှာပါ။ UEFI ကိုနားလည် အောင်ပြောပြရမယ်ဆိုရင်တော့ Computer ထုတ်လုပ်တဲ့ Company တွေ သူတို့ရဲ့ Computer မှာတပ်ဆင် ထားတဲ့ Device တွေရဲ့ Booting Process တွေ၊ Operation System နဲ့ Platform
Firmware တွေကို အဆင့် မီစီမံ ခန့်ခွဲနိုင်ရန် ထုတ်လုပ်ထားတဲ့ Firmware ရဲ့ Software Interface တစ်ခု လို့ပြောလို့ရပါတယ်။ UEFI ဟာ IBM ကထုတ်တဲ့ Basic Input/Output System (BIOS) Firmware ကိုအစားထိုးဖို့ထုတ်ထားဆိုလဲ မမှားပါဘူး။

UEFI က BIOS အတွက် Legacy ကိုပါ Support လုပ်ပေးနိုင်ပါတယ်။ နောက်ပြီး UEFI က Operation System မရှိသေးတဲ့ Computer မှာပါ Remote Diagnositics နဲ့ Repair ပါလုပ်ပေးနိုင်ပါသေးတယ်။ Intel က Microsoft Windows မှ Data Format တွေနဲ့ Practices တွေကိုသုံးပြီး EFI (Extensible Firmware Interface) Specification ကို ထုတ်ခဲ့ပါတယ်။ အဲဒီ UEFI ကို 140 ကျော်သော နည်းပညာ Company ကြီးတွေ (Microsoft Company အပါအ၀င်) တို့ကBIOS က Software interoperability နဲ့ Address Limitations တွေကိုပိုမိုကောင်းမွန်းအောင် design ဆွဲပြီးထုတ်ထားတာဖြစ် ပါတယ်။ UEFI က BIOS ထက်ပိုကောင်းတဲ့ အချက်တွေကတော့

၁။ UEFI က BIOS ထက် ပိုပြီး လုံခြုံရေးကောင်းမွန်ပါတယ်။ Pre Startup နဲ့ Pre boot စနစ်တွေသုံးထားလို့ bootkit attacks တွေရန်က ကာကွယ်နိုင်ပါတယ်။

၂။ UEFI မှာ Hibernation လုပ်ထားပြီး Resuming လုပ်တဲ့အခါပိုမိုမြန်လာပါတယ်။

၃။ UEFI မှာ BIOS ထက် ပိုပြီး ပမာဏ များတဲ့ Drive တွေကို တပ်ဆင်နိုင်မှာဖြစ်ပါတယ်။ UEFI မှာ 2.2 TB ( 2200 GB ) အထက်ရှိတဲ့ Hard Disk တွေကိုတပ်ဆင်နိုင်ရန်ထောက်ပံ့ထားပါတယ်။

၄။ System က17.2 Billion Gigabytes အသုံးပြုနိုင်တဲ့ address ကိုထောက်ပံ့ပေးနိုင်တဲ့ 46-bit Firmware Device Drives ကို UEFI မှာအသုံးပြုနိုင်ပါတယ်။

၅။ UEFI Hardware မှာတောင် BIOS ကို အဆင်ပြေစွာအသုံးပြုနိုင်ပါတယ်။

၆။ UEFI မှာ MBR (Mastar Boot Record) ကိုမသုံးတော့ပဲ နောင်အနာဂါတ်မှာ ခေါတ်စားလာမည့် GUID Partition Table (GPT) ကိုပဲ အသုံးပြုအောင်လုပ်ထားပါတယ်။ ဘာလို့လဲဆိုတော့ GTP Partition ဟာ Firmware Layer ကို ပမာဏဏ အရမ်းများတဲ့ Disk တွေကို Support လုပ်ပေးပါတယ်။

၇။ UEFI ဟာ မည်သည့် boot loading task ကိုမဆို Operation System ထဲမှာပဲ တစ်ခါတည်းပြီးသွားမည့် ရှေးရိုး Boot Loader တွေကို သုံးနိုင်ပါတယ် (Safe Mode မှာ မေးထားသလိုမျိုး)။ အကျိုးကျေးဇူးကတော့ Safe Mode မှာတွေ့ရသလို Options အများကြီးမတွေ့ရတော့ဘဲ၊ သူ့တစ်ခုတည်းမှာပဲ အစုံပါလာမှာဖြစ်ပါ တယ်။

၈။ UEFI ဟာ BIOS နဲ့ Operation System ကြားက Interface တစ်ခုအနေနဲ့ BIOS ပေါ်မှာတပ်ဆင် အသုံး ပြုနိုင်မှာဖြစ်လို့ BIOS ကို ပြောင်းလဲစရာမလိုပါဘူး။ သူ့မှာ Hardware တွေအတွက် Standardized View တွေပါ၀င်ပါတယ်။ ဒါကြောင့် Operation System ပြုလုပ်ရေးဆွဲ သူတွေကို သူတို့ရေးဆွဲလိုက်တဲ့ OS တွေကို အမျိုးမျိုးသော Motherboard တွေမှာ အသုံးပြုနိုင်စေရန် ရေးဆွဲနိုင်မှာဖြစ်ပါတယ်။

၉။ UEFI ဟာ တော်တော်များများက စက်ရုံထုတ်ပစ္စည်းတွေကို ထောက်ပံ့ပေးထားပြီဖြစ်ပါတယ်။ UEFI Standards အဖွဲ့အစည်းမှာ Intel, AMD, Apple, Microsoft နဲ့ အခြား BIOS နဲ့ Motherboard ထုတ်လုပ် တဲ့ Companey တွေပါ၀င်ပါတယ်။ ဒါကြောင့် နောက်ထပ် ထွက်မည့် ခေါတ်မီ Operation System တွေမှာ UEFI ဟာ အားလုံးကိုက်ညီမှာဖြစ်ပါတယ်။

၁၀။ UEFI မှာ အဓိက ပစ်မှတ်ထားတာကတော့ Driver တွေပဲဖြစ်ပါတယ်။ ဆိုလိုတာကတော့ Device Driver တွေကိုရေးဆွဲတဲ့ သူတွေအတွက် အမျိုးမျိုးသော Platforms အတွက် အများကြီး ထပ်ရေးစရာမလိုတော့ပါဘူး။ ဥပမာ Motherboard တစ်ခုရဲ့ North Bridge နဲ့ Sourth Bridge တွေအတွက် Driver ဟာ Linux Platform မှာ Run သလို Windows Platform မှာလဲ အဆင်ပြေပြေ Run နိုင်အောင် UEFI က ပြုလုပ်ပေးမှာဖြစ်ပါတယ်။ အကယ်လို့ သင်ဟာ Windows သုံးတဲ့သူဆိုရင် အဲဒါဟာ အဓိက ပြဿနာဖြစ်ပါလိမ့်မယ်။ ဘာလို့လဲဆိုတော့ Windows 8 ကနေစပြီးတော့ Driver တွေဟာ x64 နဲ့ ARM architecture အနေနဲ့ Run နိုင်နေပြီပဲဖြစ်ပါ တယ်။

Credit : ICT