Zero Limit Online Game Service

ချန်ပီယံလိဂ် ကစားရတော့မယ့် UCL King ရိုနယ်ဒို
ခရစ္စတီယာနို ရိုနယ်ဒို ဟာ ချန်ပီယံလိဂ်လို့ အမည်ပြောင်းလဲ အပြီးမှာ ဆုဖလား ၅ ကြိမ် ရယူထားပြီး အများဆုံး ကစားသမား တယောက် အဖြစ် ရပ်တည်နေသလို ဂိုးအများဆုံး သွင်းယူသူအဖြစ်လည်း မှတ်တိုင် စိုက်ထူထားပါတယ် ။ ဒီနှစ် UEFA ချန်ပီယံလိဂ် မှာတော့ ရိုနယ်ဒို မပါနိုင်တော့ပါဘူး ။ ဒါပေမယ့် ချန်ပီယံလိဂ် မှာတော့ ရိုနယ်ဒို ဆက်ရှိနေပါသေးတယ် ။
ဒီတခါမှာတော့ အာရှ ချန်ပီယံလိဂ်ပါပဲ ။ မနေ့ညက ကစားခဲ့တဲ့ Play-off ပွဲစဉ်မှာ အယ်လ်နက်ဆာ အသင်းဟာ ယူအေအီး ကလပ် ကို ၄-၂ နဲ့ အနိုင် ကစားပြီး ၂၀၂၃-၂၄ အာရှ ချန်ပီယံလိဂ် ပြိုင်ပွဲကြီးကို ပါဝင်ဆင်နွှဲခွင့် ရရှိသွားခဲ့ ပါတယ် ။ ရိုနယ်ဒို ဒိပွဲမှာ ဂိုးမသွင်း နိုင်ခဲ့ပေမယ့် ဖန်တီးမှုတော့ ပြုလုပ်ပေး နိုင်ခဲ့ပါတယ် ။
အာရှ ချန်ပီယံလိဂ် ကို မနှစ်က ဆော်ဒီလိဂ် ချန်ပီယံ အယ်လ်အစ်တီဟတ် ၊ မနှစ်က အာရှချန်ပီယံလိဂ် ချန်ပီယံ အယ်ဟီလေ တို့လည်း ဝင်ရောက်ထားခဲ့ကြပါတယ် ။ ဆော်ဒီလိဂ် ဟာ အာရှ ချန်ပီယံလိဂ်မှာ အစဉ်အလာကြီးမားတဲ့ လိဂ်တခု ဖြစ်ပြီး ဆော်ဒီကလပ်တွေက အရေအတွက် အများဆုံး ဗိုလ်စွဲထားခဲ့တာပါ ။
အယ်နက်ဆာ ၊ အယ်အစ်တီဟတ် ၊ အယ်ဟီလေ တို့မှာ UEFA ချန်ပီယံလိဂ်ကို ရယူဖူးတဲ့ ရိုနယ်ဒို ၊ မာနေး ၊ ဘန်ဇီးမား ၊ နေမာ ၊ ဖာဘင်ညို ၊ ကန်တီ တို့လို ကစားသမားတွေ ပါဝင်လာကြမှာပါ ။ သူတို့ထဲက ထပ်မံ ဗိုလ်စွဲမယ် ဆိုရင်တော့ မတူညီတဲ့ တိုက်ကြီး ၂ ခု က ချန်ပီယံလိဂ် ပိုင်ရှင်တွေ ဖြစ်လာတော့မှာ သေချာပါတယ် ။
crd photo

ရထားသံလမ်းနှစ်ခု ဆုံချင်ဆုံလိမ့်မယ် ရော်နယ်ဒိုတော့ မြန်မာနိုင်ငံရောက်လာမှာ မဟုတ်ပါဘူး....
အခုရက်ပိုင်းအတွင်း ရှမ်းယူနိုက်တက်အသင်းနဲ့ ရော်နယ်ဒို ကစားနေတဲ့ ဆော်ဒီကလပ် အယ်လ်နာဆာအသင်း တို့သာ အာရှချန်ပီယံလိဂ်မှာ ဆုံတွေ့ခဲ့ရင်ရော်နယ်ဒို မြန်မာနိုင်ငံရောက်လာနိုင်တယ်ဆိုပြီး အခြေအမြစ်မသိတဲ့ အတွေးအခေါ်တွေနဲ့ ပရိသတ်ကို အဆိပ်ခတ်နေတဲ့ သတင်းတချို့ တွေ့နေရလို့ Football Fever ပရိသတ်တွေ လည်း အဲ့ဒီ အဆိပ်သတင်းတွေ(Toxic News)တွေကို မဖတ်လိုက်မိရလေအောင် အခု ရေးသားဖော်ပြလိုက်ရ တာပါ။

အာရှချန်ပီယံလိဂ်ဆိုတာ အာရှရဲ့ အဆင့်အမြင့်ဆုံး ကလပ်အသင်းဘောလုံးပြိုင်ပွဲကြီးတစ်ခုဖြစ်ပါတယ်။ ဒီကနေ့ ဩဂုတ်လ ၂၄ရက်နေ့မှာ မလေးရှားနိုင်ငံမှာရှိတဲ့ အာရှဘောလုံးအဖွဲ့ချုပ်ရုံးမှာ မဲခွဲအခမ်းအနား ပြုလုပ်ခဲ့ပါတယ်။

အာရှချန်ပီယံလိဂ်မှာ အာရှရဲ့ အနောက်ဇုန်နဲ့ အာရှရဲ့ အရှေ့ဇုန်ဆိုပြီး ဇုန်နှစ်ခုခွဲပြီး ယှဥ်ပြိုင်ကစားစေပါတယ်။ အာရပ်နိုင်ငံတွေဖြစ်တဲ့ ဆော်ဒီ၊ကာတာ၊အီရန် စတဲ့ အာရပ်နိုင်ငံက ကလပ်တွေက အနောက်ဇုန်ထဲမှာပါဝင်ပြီး ဂျပန်၊ကိုရီးယား၊ထိုင်း စတဲ့ ကလပ်အသင်းတွေက အရှေ့ဇုန်ထဲမှာပါဝင်ပါတယ်။

ပြိုင်ပွဲကျင်းပရေး Format အရ အနောက်ဇုန်နဲ့ အရှေ့ဇုန်ဟာ အုပ်စု တစ်ခုထဲမကျရောက်ပါဘူး။ အနောက်ဇုန်က သပ်သပ်၊ အရှေ့ဇုန်က သပ်သပ် ခွဲခြားပြီး ယှဥ်ပြိုင်ကစားပါတယ်။ ဒါကြောင့် အာရှရဲ့ အရှေ့ဇုန်နဲ့ အနောက်ဇုန်က ကလပ်အသင်းတွေဟာ အာရှချန်ပီယံလိဂ်လို ပြိုင်ပွဲမှာ ဘယ်အချိန် မျက်နှာချင်းဆိုင်တွေ့လဲဆိုတော့ ဗိုလ်လုပွဲရောက်မှသာ တွေ့နိုင်ချေရှိပါတယ်။

ပြီးခဲ့တဲ့ ၂၀၂၂-၂၃ အာရှချန်ပီယံလိဂ် ပြိုင်ပွဲကို အနီးစပ်ဆုံး လေ့လာကြည့်မယ်ဆိုရင် သင်သိပါလိမ့်မယ်။ ဆိုတော့ ရှမ်းယူနိုက်တက်နဲ့ ဆော်ဒီကလပ် အယ်လ်-နာဆာတို့ တွေ့နိုင်ဖို့က ဖြစ်နိုင်ချေရှိပါတယ်။ အဲ့ဒါကတော့ အယ်လ်- နာဆာနဲ့ ရှမ်းယူနိုက်တက် နှစ်သင်းစလုံး အာရှချန်ပီယံလိဂ် ဗိုလ်လုပွဲကို တက်လှမ်းခဲ့ရင်ပါ။
ခက်တာက အာရှချန်ပီယံလိဂ် ဗိုလ်လုပွဲကို တက်ဖို့ နေနေသာသာ မြန်မာလိဂ်ဟာ အာရှချန်ပီယံလိဂ် ဝင်ခွင့်ကို ဘယ်အပေါက်ကမှ တိုးခွင့်မရတာပါပဲ။

၂၀၂၀ ခုနှစ်အထိ မြန်မာလိဂ်ဟာ အာရှချန်ပီယံလိဂ် ပထမအဆင့် ခြေစစ်ပွဲအတွက် 1 Slot နဲ့ AFC CUP အုပ်စု တိုက်ရိုက်ဝင်ခွင့် 1 Slot ရရှိပါတယ်။
အာရှချန်ပီယံလိဂ် ခြေစစ်ပွဲ ပထမအဆင့်ကို လိဂ်အမှတ်ပေးချန်ပီယံက ဝင်ခွင့်ရပြီး ဗိုလ်ချုပ်အောင်ဆန်းဒိုင်း ရှုံးထွက်ချန်ပီယံက AFC CUP အုပ်စုကို တိုက်ရိုက်ဝင်ခွင့်ရပါတယ်။

မြန်မာကလပ်အများစုက အာရှချန်ပီယံလိဂ် ဒုတိယအဆင့် ခြေစစ်ပွဲမပြောနဲ့ ပထမအဆင့်ကိုတောင် အောင်ဖို့ မနည်းကြိုးစားခဲ့ရပြီး ဘယ်တုန်းကမျှ အာရှချန်ပီယံလိဂ်ရဲ့ အုပ်စုအဆင့်ကို တက်လှမ်းနိုင်ဖူးခြင်း မရှိပါဘူး။

လက်ရှိမှာတော့ လိဂ်အဆင့်အတန်းက ပိုလို့ နိမ့်သွားလို့ အာရှချန်ပီယံလိဂ် Slot ပြုတ်ကျခဲ့ပြီး AFC CUPကိုမှ အမှတ်ပေးချန်ပီယံက တိုက်ရိုက်နဲ့ Runner-Upက ပထမအဆင့် ခြေစစ်ပွဲကတဆင့် ဝင်ခွင့်သာ ရပါတော့တယ်။

ဒါကတော့ မြန်မာနိုင်ငံမှာ ဗိုလ်ချုပ်အောင်ဆန်းဒိုင်းရှုံးထွက်ပြိုင်ပွဲမကျင်းပနိုင်တော့ပဲ လိဂ်တစ်ခုတည်းကိုသာ ကျင်းပနိုင်တော့တာကြောင့် ဖြစ်ပါတယ်။

ဆို‌တော့ကာ ရော်နယ်ဒိုအသင်းနဲ့ ရှမ်းယူနိုက်တက် တွေ့ခဲ့ရင်ဆိုတဲ့ အသုံးအနှုန်းကို ဘယ်သူက နားမလည် ပါးမလည် မသိသေးတဲ့ ပရိသတ်ကို ဂျင်းထည့်ပြီး အဆိပ် အတော်ကဖြစ်စေမယ့် သတင်းအမှာားတွေကို ပေးပြီး ပေ့ချ် Like တိုးအောင် တမင်ရေးခဲ့လဲ မသိပေမယ့် မြန်မာ့ဘောလုံးပရိသတ်များ သတင်းအမှားတွေ မသိထားရလေအောင်နဲ့ ဗဟုသုတဖြစ်ဖွယ် ဆင်ခြင်ရေးသား ဖော်ပြပေးလိုက်ရပါတယ်။
၂၀၂၃-၂၄ AFC CUP အုပ်စုအဆင့်မှာတော့ မြန်မာကလပ် ရှမ်းယူနိုက်တက်အသင်းက အုပ်စု(F)မှာ ဖိလစ်ပိုင်၊ဩစ‌တြေးလျနဲ့ကမ္ဘောဒီးယားကလပ်တွေနဲ့အတူ ကျရောက်နေပြီး စက်တင်ဘာ ဒုတိယအပတ်က စတင်ယှဥ်ပြိုင်ကစားကြပါတော့မယ်။
crd footballfever