Hi Internet Hi Internet

🙏 လေးစားရပါသော အနယ်နယ်အရပ်ရပ်ရှိ Hi-Internet အသုံးပြုသူ Customer များရှင်

🔴 ယခုအချိန်တွင် Hi-Internet ၏ အင်တာနက်တိုက်ရိုက်စီးဆင်းရာ အဓိကပင်မလမ်းကြောင်းဖြစ်သည့် International Uplink တွင် အနည်းငယ်ချို့ယွင်းမှုများ ဖြစ်ပေါ်နေပါသည်။ ထိုသို့ နိုင်ငံပြင်ပရှိ အင်တာနက် Provider များနှင့် ချိတ်ဆက်ထားသော လမ်းကြောင်းအချို့တွင် Issue များ ဖြစ်ပေါ်နေခြင်းကြောင့် Hi-Internet ဝန်ဆောင်မှုပေးလျက်ရှိသော ရန်ကုန်၊ မန္တလေး၊ ပြင်ဦးလွင်၊ မိထ္တီလာ မြို့ကြီးများတွင် လိုင်းအသုံးပြု၍မရခြင်း၊ လိုင်းနှေးခြင်းများ ဖြစ်ပေါ်နိုင်ပါသည်။

Hi-Internet ၏ အရန်သင့်ထားရှိထားသော Backup လိုင်းခွဲများဖြင့် အင်တာနက်လိုင်းများအား အစားထိုးချိတ်ဆက်ပေးထားရခြင်းကြောင့် အင်တာနက်သုံးစွဲရာတွင် အဆင်မပြေမှုများ ဖြစ်ပေါ်ခဲ့ပါက သည်းခံနားလည်ပေးကြပါရန် မေတ္တာရပ်ခံအပ်ပါသည်။

🟣 အများနှင့်ဖြစ်ပွားသည့် Issue ဖြစ်သောကြောင့် ပြင်ဆင်ရသည့် အချိန်ကြာမြင့်နိုင်ပြီး ပုံမှန်အတိုင်း လိုင်းပြန်လည် ကောင်းမွန်စေရန် Hi-Internet အင်ဂျင်နီယာ Team ဘက်မှ သက်ဆိုင်သူများနှင့် ဆက်သွယ်ပြီး ပြင်ဆင်မူများကို အချိန်နဲ့ တပြေးညီ အစွမ်းကုန် ကြိုးစားဆောင်ရွက် လျက်ရှိပါသည်။ ထို့ကြောင့် ပြင်ဆင်ချိန်အတွင်း မီးစိမ်း၍ လိုင်းမရခြင်း၊ လိုင်းမတည်ငြိမ်ခြင်းများ ဖြစ်ပေါ်နိုင်ပါကြောင်း လေးစားစွာဖြင့် ထပ်မံ မေတ္တာရပ်ခံ အသိပေးအပ်ပါသည်။

☎️ ထိုသို့ လတ်တလော အခြေအနေတွင် Hi-Internet Hotline Number (Call Center) သို့ ခေါ်ဆို မေးမြန်းသူ Customers များ များပြားနေခြင်းကြောင့် ဖုန်းဆက်သွယ်ရာတွင် အခက်အခဲများရှိနိုင်ကြောင်း အသိပေး အကြောင်းကြား မေတ္တာရပ်ခံအပ်ပါသည်။

🙏 ယခုလို လိုင်းအဆင်မပြေမှုများကြောင့် သုံးစွဲသူ Customers များ စိတ်အနှောက်အယှက်၊ အခက်အခဲ တစုံတရာ ကြုံတွေ့ခဲ့ရပါက Hi-Internet မှ ရိုသေလေးစားစွာဖြင့် အနူးအညွှတ်တောင်းပန်အပ်ပါသည်။