Your Doctor

“ ဝမ်းချုပ်ခြင်း”

😣 “ဝမ်းချုပ်တာလောက်နဲ့ ဆေးရုံဆေးခန်း ဆရာဝန်နဲ့ မပြချင်ဘူး။ ဒါပေမဲ့ အမြဲတမ်း ဝမ်းနှုတ်ဆေးတွေဘဲ သောက်နေရတယ်။ ဘယ်လို လုပ်ရင် သက်သာနိုင်မလဲ ဆရာ “

🧑🏼‍⚕️”အရင်ဆုံး အကျင့်လိုဖြစ်နေတဲ့ ဝမ်းချုပ်တာကို ဖြေရှင်းဖို့ နေထိုင်မှု စားသောက်မှု ပုံစံ ကိုယ်လက်လှုပ်ရှားမှုလုပ်ရမယ် “

အဲ့လိုပြောလိုက်ရင် ဘယ်သူမဆို မလုပ်ချင်တာ အဲ့ဒါတွေပါဘဲ။ အဲ့ဒီမှာ ပြသနာက စတာဘဲ။

“မအားဘူး အချိန်မပေးနိုင်ဘူး။ အသီးအရွက် စားတာဘဲလေ ဘာမှ မှ မထူးခြားတာ။ ဆေးဘဲ သောက်လိုက်ပါတော့မယ် …… …… …… စတဲ့ စကားသံလေးတွေ စကြားရပါပြီ။”

“ဟုတ်ကဲ့ 😅 ဆရာတို့ တော်တော်များများက အကျင့်အလေ့အထ တစ်ခု ကောင်းမှန်းသိလည်း မပြင်ဖြစ် မလိုက်နာ ဖြစ်/ လိုပ်နာဖြစ်ခဲ့ရင်လည်း ရေရှည် ကြာအောင် ထိန်းသိမ်းလုပ်ဆောင်နိုင်ဖို့ အတော်လေး ကြိုးစားအားထုတ်မှ ရပါတယ် “

“ဒါပေမဲ့ အမြဲတမ်း ဝမ်းချုပ်တာ ကိုကုသဖို့အဲ့လောက်ခက်လား ဆိုတော့ ခက်ပါတယ်

အဲ့ဒါကြောင့် ရေရှည် ဝမ်နှုတ်ဆေးတွေလည်းမသောက်ချင်ဘူး ဝမ်းမှန်ချင်တယ်ဆိုရင် ဒီအလေ့အထလေးတွေကို အမြဲ (အမြဲတမ်း) နော် … ကြိုးစားကြည့်ရအောင် … ဝမ်းချုပ်ပြသနာသာ မက ကိုယ်လက်ပေါ့ပါးပြီး မိမိကိုယ်ကိုယ် ယုံကြည်မှု တွေနဲ့ ကျန်းမာမှုတွေပါ တိုးပွါးလာမှာပါ “

💪🏻ဆောင်ရန် အချက်များ
- ရေများများသောက်ပါ။
-အသီးအရွက် များများစားပါ။
-နေ့စဉ် ပုံမှန် နာရီဝက်ခန့် ကိုယ်လက်လှုပ်ရှားမှု ပြုလုပ်ပါ။
-စိတ်ဖိစီးမှု ကင်းဝေးအောင်နေပြီး အချိန်မှန်အိပ် အချိန်မှန်စားပါ။

❌ရှောင်ရန် အချက်များ

-အသင့်စား အစားအစာများရှောင်ပါ။
-အရက်သေစာ ရှောင်ပါ။
-ဝမ်းသွားချင်လျှင် အောင့်မထားဘဲ အချိန်ပေးပြီး ဝမ်းသွားတဲ့ အကျင့်လုပ်ပါ။
-မိမိသဘောနှင့် ဆရာဝန်ညွှန်ကြားချက်မရှိသောဆေးဝါးများရေရှည်သောက်သုံးခြင်းရှောင်ပါ။

🚨ဘယ်အချိန်မှာ “ဝမ်းချုပ်ခြင်း အတွက် ဆရာဝန် နှင့် ပြသရန် လိုအပ်ပြီလဲ❓”

-တစ်ပတ် ၃ကြိမ်ထပ်နည်းပြီး လချီ ပြီးဝမ်းချုပ်နေတဲ့ အခါ
-ဝမ်းထဲမှာ သွေးပါလာသောအခါ
-အကြောင်းပြချက်မရှိ ပိန်(ကိုယ်အလေးချိန်လျော့ကျ)လာသောအခါ
-သွေးအားနည်း လက္ခာများဖြစ်လာသောအခါ

သင့်ကျန်းမာရေးအတွက် ဆွေးနွေးပြသရန် page messenger မှာ booking ယူနိုင် ပါပြီ

🧑🏼‍⚕️Your Doctor Healthcare/ Online medical consultation

👨🏼‍⚕️👩🏼‍⚕️နိုင်ငံရပ်ခြားမှာ ရောက်နေလို့ ဆေးရုံဆေးခန်းသွားရမှာလည်း အခက်တွေ့နေပြီး online ဆေးခန်း ကောင်းကောင်း တစ်ခု ပြဖို့ ရှာနေရင် ကျွနတော်တို့ရဲ့ Your Doctor မှာ ပြသလို့ရပါပြီ

😀ကုန်ကျစရိတ်လည်းအရမ်း သင့်တော်ပြီး စိတ်ချရတဲ့ online consultation များယူဖို့ / ကျန်းမာရေး နှင့်ပတ်သက်တဲ့အကြောင်းများ ဗဟုသုတရဖို့ Your Doctor Page ကို like and follow လုပ်ထားနိုင်ပါတယ်




ေးခန်း

“😞 ဝက်ခြံ တွေက ဘယ်တော့မှ ပျောက်တော့မှာလည်းဆရာ “

“မိတ်ကပ်/ သနပ်ခါး မလိမ်းရင် တောင် အပြင်သွားဖို့ confidence မရှိတော့ဘူး ဆရာ”

“ဝတ်ခြံ အမာရွတ်တွေက ဘာလို့ပျောက်ဖို့ ခက်နေတာလဲ”

👨‍⚕️ဆရာ ဒီနေ့ အထူးသဖြင့် လူငယ် (အသက် ၁၈- ၂၉) ဝန်းကျင် မှာ အမေးများတဲ့ 🫩ဝက်ခြံ 🫩👉🏻ငယ်ရွယ်တဲ့ အချိန်မှာ အလှအပနဲ့ confidence ကို ထိခိုက်တဲ့ Dermatology problem (Acne) အကြောင်းလေး ပြောပြချင်တယ်

✔️ပထမဆုံး ပြောချင်တာက ဒီအသက်အရွယ်မှာ လူတိုင်း ၁၀ယောက်မှာ ၈ယောက် တစ်ကြိမ်မဟုတ် တစ်ကြိမ် ဝက်ခြံပေါက်ဖူးပါတယ်

✔️၁၀ယောက်မှာ ၅ယောက်လောက်ကတော့ ဆိုးဆိုးရွားရွား ပေါက်ဖူးပါလိမ့်မယ်

✔️ရှားရှားပါးပါး အရမ်းဆိုးတဲ့ case တွေမှာတော့ အရေပြားပိုးဝင်တာတွေ သွေးဆိပ်ပြန့်တာတွေထိ အန္တရာယ်ပေးနိုင်ပါတယ်

🚨အရင်ဆုံး ဝက်ခြံဆိုတာဘဲလဲပြောပါမယ်

🤨အရေပြားမှာ ရှိတဲ့ အဆီထွက်ပေါက် ပိတ်သွားတာကြောင့် ဖြစ်ပါတယ်။ အထူးသဖြင့် မျက်နှာမှာ နဖူး နှာခေါက်းပတ်လည်နဲ့ အပေါ်နှုတ်ခမ်း တစ်ဝိုက်မှာ ဖြစ်ရင် ပိုးဝင်ခဲ့ရင် အန္တရာယ်ရှိနိုင်ပါတယ်

ဘာကြောင့် ဝက်ခြံပေါက်တာလဲ ❓

အဖြစ်အများဆုံးက ဟော်မုန်းအပြောင်းအလဲ (Hormonal changes) ကြောင့်ဖြစ်တယ်။ ဟော်မုန်းပြောင်းလဲခြင်းတွေဟာ အရွယ်ရောက်ခါစအချိန်ကနေ ၂၉နှစ်လောက်ထိ အဆိုးဆုံးပါဘဲ

နောက်ပိုဆိုးစေတာတွေကတော့ အိပ်ရေးပျက်တာ၊ စိတ်ဖိစီးမှုများတာ၊ အပြင်ထွက်ရတာများပြီး မျက်နှာ အဆီပြန်လွယ်တာ ဖုန်မှုန့်နဲ့ လေထု ညစ်ညမ်းမှုတွေကြောင့်၊ အဆီအစိမ့် နွားနို့ အချို အစားများတာ၊ ရေဓါတ်နည်းတာ၊ တစ်ချို့သော hormones ဆေးများ ဥပမာ progesterone ပါဝင်သော သားဆပ်ခြားဆေး များ ၊ steroid ပါဝင်သော မိတ်ကပ်/ cosmetic များကြောင့် ဖြစ်တတ်ပါတယ်

✅ဝတ်ခြံ မထွက်အောင် ဘာတွေလုပ်သင့်သလဲ?

✔️ မျက်နှာကို နူးညံ့စွာ သန့်ရှင်းပါ ( အထူးသဖြင့် မိန်းကလေးတွေမှာ cosmetics များ တစ်နေကုန်လိမ်းထားရင် ညနေပိုင်းမှာ သေချာမျက်နှာကို သန့်စင်ပြီးမှ အိပ်ရာဝင်ပါ)

✔️ Oil-free sunscreen, water based moisturizer သုံးပါ

✔️ စိတ်ဖိစီးမှုများ အတတ်နိုင်ဆုံး လျော့ပါ၊ အိပ်ချိန်မှန်ပြီး အိပ်ရေး ၀၀အိပ်ပါ

✔️အချိုပွဲ၊ နို့ထွက်ပစ္စည်းများနှင့် အဆီအစိမ့်များ လျော့စားပါ

✔️ရေ ကို နေ့စဉ် ၂-၃ လီတာသောက်ပါ

✔️အသီး အနှံများများ စားပေးပါ

🔹မလုပ်သင့်တဲ့အရာတွေ

❌ မျက်နှာကို အကြမ်းမကြိုက်ပါနဲ့

❌ ဝက်ခြံ လက်နဲ့ခဏခဏ ကုပ်နေတာ ညစ်နေတာမလုပ်ပါနဲ့ – အမာရွတ်/ Scar ကျန်နိုင်တယ်။ အမာရွတ် တစ်ခုက ပျောက်ဖို့ ၁လ ကနေ ၃ လလောက်ထိကြာ နိုင်ပါတယ်

❌ မိတ်ကပ်နဲ့ skin care products များကို ကြုံသလို မသုံပါနဲ့

‼️တစ်ချို့သော steroid ပါဝင်တဲ့ မိတ်ကပ် cosmetic နဲ့ skin care products တွေက ခဏ အတွင်းမှာ ဝက်ခြံ သက်သာနိုင်သော်လည်း ထိုမိတ်ကပ်နဲ့ cosmetic များ မသုံးတော့ တဲ့ အချိန်မှာ ပိုမိုဆိုးရွားတဲ့ ဝက်ခြံများ နောက်တစ်ကြိမ် ထွက်လာနိုင်တယ်

⸻

✅ကုသမှုနည်းလမ်းတွေ

🔹သာမန် မပြင်းထန်တဲ့ ဝက်ခြံ များအတွက် water based moisturizer နဲ့ benzoyl peroxide လိမ်းဆေးဖြင့်သက်သာစေနိုင်ပါတယ်။ ဆရာ အပေါ်က ပြောတဲ့ဆောင်ရန် ရှောင်ရန် အချက်တွေလည်း လုပ်ရမှာပါ

🔹(၂) ပတ် ထပ်ကျော်လွန်လာပြီး ရောင်ယမ်း ပြီး ပြည်ဖု သို့မဟုတ် အဆီဖု အမဲအဆံ လေးတွေပိတ် ပြီး တစ်ဖု မက ဖြစ်တဲ့ ဝတ်ခြံ များအတွက်ကတော့ ပိုးသတ်ဆေး သောက်ဆေး နှင့်အတူ retinol ပါသော skin care products နဲ့ ဝက်ခြံနောက်ဆက်တွဲ အမာရွတ် သက်သာစေတဲ့ Niacinamide, Azelaic acid ပါတဲ့ serum တို့နဲ့ step by step ကုသသင့်ပါတယ်။

🫩အထက်ပါဆေးဝါးများနဲ့ မသက်သာတဲ့ အရမ်းဆိုးဝါးတဲ့ ဝက်ခြံ အမျိုးအစား ဖြစ်ခဲ့ရင်တော့ အရေပြားကျွမ်းကျင်ဆရာဝန်နှင့် ပြသသင့်ပါတယ်။
ဆရာဝန်ညွှန်ကြားချက်နဲ့ သာသောက်သုံးသင့်တဲ့ strong potent derivative of Vit A ကို လွန်ဆိုးသော ဝက်ခြံအခြေအနေများမှာသာ သုံးပါတယ်။ ဆေးရဲ့ ဆိုးကျိုးများလည်းရှိပြီး ကိုယ်ဝန်ဆောင်နေစဉ်မှာ သောက်မိရင်လည်း ကလေးအတွက်ဆိုးကျိုးရှိနိုင်ပါတယ်။

(‼️အထူးသတိပေးချင်တာက ဝက်ခြံ တစ်ခုက လက်နဲ့ ကုပ်မိတာ ဆွမိတာ မသန့်ရှင်းသောအရာနဲ့ ညှစ်မိရာကနေ ရောင်ရမ်းပြီး အရေပြားပိုးဝင်တတ်ပါတယ်။

⚠️မျက်နှာဆိုတာ နှာခေါင်း ဦးခေါင်း ဦးနှောက်နဲ့ အနီးကပ်ဆုံး နေရာဖြစ်လို့ သွေးထဲထိ ပိုးပြန့်သွားရင် သွေးဆိပ်တတ်တာ(sepsis) နဲ့ ဦးနှောက် အမြှေးပါးရောင်တာ (meningitis) တို့ထိ ရှားရှားပါးပါးဖြစ်တတ်ပါတယ်။
⚠️အထူးသဖြင့် ပိုးဝင်လွယ်သူတွေကတော့ ဆီးချိုရောဂါအခံရှိတာ ကိုယ်ခံအားနည်းနေတဲ့ လူနာ၊ ရောဂါတသ်ခုခုကြောင့် နာတာရှည် ဆေးသောက်နေရတဲ့သူတွေမှာ ဖြစ်တတ်ပါတယ်။

⚠️ဝက်ခြံ ပတ်ပတ်လည် မျက်နှာ ပြင်ပါ ရောင်ရမ်းလာရင် ပိုးသတ်ဆေး သောက်ဆေး ထိုးဆေးများ လိုအပ်နိုင်တာမို့ ထိုအချက်ကို သတိထားသေချင်ပါတယ်)


📚နောက်ဆုံး အချက်နေနဲ့ကတော့

ရောင်ရမ်း ဝက်ခြံ ဖြစ်ခဲ့ရင် အနည်းဆုံး (၆–၈ ပတ် ) ကြာမှသာ သေချာသက်သာပါတယ်။ မျက်နှာ အရေပြားရဲ့ နဂိုမူလ အသားအရေပြန်လည် ကျန်းမာမှုက ထိုအချိန် ထိကြာလို့ဘဲဖြစ်ပါတယ်။

🩷ဝက်ခြံ ကင်းစင်ပြီး ဝက်ခြံကြောင့် ဖြစ်တဲ့ နောက်ဆက်တွဲဆိုးကျိုးများ ရှောင်ရှားနိုင်ကြပါစေ
Confidence အပြည့်နှင့် ကျန်းမာသော အသားအရေ ပိုင်ဆိုင်ကြပါစေဗျာ



#ဝက်ခြံ

#ဝက်ခြံအကြောင်း