Lifecare

ဆီးချိုသွေးချိုရောဂါ ပိုဂရုစိုက်ပါ။❗

ဆီးချိုသွေးချိုရောဂါသည် အဖြစ်များလာသော နာတာရှည် ရောဂါတခုဖြစ်ပြီး ဆီးချိုသွေးချိုရောဂါရှိသူများတွင် အနာကျက်နှေးခြင်း၊ အရေပြားတွင် ရောဂါပိုးမကြာခဏဝင်ခြင်း၊ အမြင်ဝေဝါးခြင်း၊ အကြားအာရုံချို့ယွင်းခြင်း၊ ခြေလက်ထုံကျဉ်ခြင်း၊ မှတ်ဉာဏ်ချို့ယွင်းခြင်းတို့ ဖြစ်ရုံသာမက ဆီးချိုသွေးချိုရောဂါ၏ နောက်ဆက်တွဲ ဆိုးကျိုးများဖြစ်သော နှလုံးသွေးကြောကျဉ်းခြင်း၊ လေဖြတ်ခြင်း၊ ကျောက်ကပ်ပျက်စီးခြင်း တို့ကြောင့် ဆေးရုံတက်ရခြင်းများ ပုံမှန်ထက်ပိုဖြစ်စေသည်။ 🏥

ဆီးချိုသွေးချို ရောဂါရှိသူများသည် သွေးတွင်းသကြားဓာတ် ပုံမှန်မဟုတ်သဖြင့် သွေးချိုဓာတ်ကျခြင်း၊ သွေးချိုဓာတ်တက်ခြင်း အစရှိသည့်လက္ခဏာများကြောင့်လည်း ဆေးရုံမကြာခဏတက်ရခြင်းများ ပုံမှန်ထက်ပိုများစေသည်။ 🏠

ထိုကြောင့် ဆီးချိုသွေးချို ရောဂါရှိသူများအနေဖြင့် အစားအသောက် ဂရုတစိုက်စားခြင်း၊ လေ့ကျင့်ခန်းလုပ်ခြင်း၊ အိပ်ရေးဝအောင် အိပ်ခြင်း၊ ဆရာဝန်ညွှန်ကြားထားသောဆေးပုံမှန်သောက်ခြင်း၊ သွေးချိုဓာတ် ပုံမှန်တိုင်းခြင်း၊ စသည်တို့ပြုလုပ်ခြင်းဖြင့် ဆီးချိုသွေးချိုရောဂါကို ထိန်းနိုင်ပြီး မကြာခဏဆေးရုံတက်ခြင်းမှလည်း ကင်းဝေးစေမည်ဖြစ်ပါသည်။

ဆီးချိုရောဂါနှင့် သွေးတိုးရောဂါ ဆက်စပ်မှုရှိသည်။☝

ဆီးချိုသွေးချိုနှင့် သွေးတိုးရောဂါတို့ ဖြစ်စေသောအကြောင်းရင်းခံများ တူသောကြောင့် ဆီးချိုသွေးချိုရောဂါရှိပါက သွေးတိုးရောဂါဖြစ်နိုင်ခြေ ၂ဆ ပိုများလာပါသည်။ ထို့အတူ သွေးတိုးရောဂါရှိပါကလည်း ဆီးချိုသွေးချိုရောဂါ ဖြစ်နိုင်ခြေများလာပါသည်။✌

ဆီးချိုသွေးချိုရောဂါကို ဆရာဝန်နှင့် သေချာစွာဆွေးနွေးကုသမှုခံယူရမည်ဖြစ်ပြီး၊ ဆေးဝါးများအပြင်၊ အစားအသောက် ဆင်ခြင်ခြင်း၊ လေ့ကျင့်ခန်းလုပ်ခြင်း အပါအဝင် လူနေမှုပုံစံပြောင်းလဲပြုပြင်ခြင်းတို့ကို ပြုလုပ်ပေးရမည် ဖြစ်ပါသည်။ 🩺

သွေးချိုဓါတ်ကိုလည်း ပုံမှန်တိုင်းတာ စစ်ဆေးသင့်ပါသည်။ i-Sens သည် ကိုရီယားနိုင်ငံရှိ အကြီးဆုံး သွေးချိုတိုင်းကိရိယာများ ထုတ်လုပ်သည့် ကုမ္ပဏီကြီး ဖြစ်ပါသည်။🏳