Hobby Shoppy

🧴 ဆံပင်ကျွတ်တာ သက်သာဖို့ Shampoo ကို မှန်အောင် ရွေးတတ်ပြီလား?
ဆံပင်ကျွတ်လို့ စိတ်ညစ်နေရင် ပထမဆုံး ပြောင်းလဲရမှာက ကိုယ်သုံးနေတဲ့ ခေါင်းလျှော်ရည် (Shampoo) ပါပဲ။ ကြော်ငြာကောင်းတိုင်း ဝယ်သုံးမယ့်အစား ကိုယ့်ရဲ့ ဦးရေပြားနဲ့ ဆံသားအတွက် တကယ်လိုအပ်တဲ့ Active Ingredients တွေ ပါ၊ မပါ ကြည့်တတ်ဖို့ လိုပါတယ်။ 🔍

✅ ရွေးချယ်သင့်တဲ့ Shampoo အမျိုးအစားများ
• Biotin & Keratin ပါဝင်သော Shampoo:
ဆံသားရဲ့ အဓိက တည်ဆောက်ပုံဖြစ်တဲ့ ပရိုတင်းဓာတ်ကို ဖြည့်တင်းပေးပြီး ဆံသားကို သန်စွမ်းစေကာ ပြတ်ထွက်ခြင်းကနေ ကာကွယ်ပေးပါတယ်။
• Caffeine Shampoo:
ကဖင်းဓာတ်က ဦးရေပြားရဲ့ သွေးလည်ပတ်မှုကို အားပေးပြီးဆံပင်အသစ် မြန်မြန်ပေါက်စေပါတယ်။
• Ketoconazole သို့မဟုတ် Zinc Pyrithione:
သင့်ရဲ့ ဆံပင်ကျွတ်ခြင်းက ဗောက်ကြောင့် (ဒါမှမဟုတ်) ဦးရေပြား ယားယံတာကြောင့်ဆိုရင်တော့ ဒီဓာတ်တွေပါတဲ့ ဆေးဖက်ဝင်ခေါင်းလျှော်ရည်ကို ရွေးချယ်သင့်ပါတယ်။

❌ ရှောင်ရန်
• ဆံပင်ကို တင်းတင်းကျပ်ကျပ် မစည်းပါနဲ့:
ဆံပင်ကို တင်းနေအောင် စည်းတာ၊ ကျစ်ဆံမြီး တင်းတင်းကျပ်ကျပ် ကျစ်တာတွေက ဆံပင်အရင်းကို အားနည်းစေပြီး ဆံပင်ကျွတ်စေပါတယ်။

• အပူနဲ့ ဓာတုပစ္စည်းတွေ လျှော့သုံးပါ: ဆံပင်အခြောက်ခံစက် (Hair Dryer)၊ ဆံပင်ဖြောင့်စက်တွေ ခဏခဏ သုံးတာနဲ့ ဆိုးဆေး ပြင်းပြင်းထန်ထန် သုံးတာတွေကို ခဏနားထားပေးပါ။

• ရေနွေးနဲ့ ခေါင်းမလျှော်ပါနဲ့: ရေနွေးက ဆံသားမှာရှိတဲ့ သဘာဝအဆီတွေကို ခမ်းခြောက်စေပြီး ဆံသားကို ကြမ်းတမ်း ကျွတ်လွယ်စေပါတယ်။

• စိုနေတဲ့ ဆံပင်ကို အားနဲ့ မပွတ်ပါနဲ့: ခေါင်းလျှော်ပြီးရင် တဘက်နဲ့ အားပြင်းပြင်း သုတ်တာက ဆံသားကို ထိခိုက်စေပါတယ်။ တဘက်နဲ့ အသာအယာ ဖိပြီး ရေခြောက်အောင် လုပ်ပေးပါ။
✨ စိတ်ဖိစီးမှု (Stress) များတာကလည်း ဆံပင်ကျွတ်ရခြင်းရဲ့ အဓိက အကြောင်းရင်းတစ်ခုမို့ စိတ်ကို တတ်နိုင်သမျှ အပန်းဖြေပေးဖို့ မမေ့ပါနဲ့ဦးနော်။

နွေရာသီမှာ အသားအရေ မပျက်စီးအောင် Sunscreen ကို စနစ်တကျ လိမ်းဖို့က အရမ်းအရေးကြီးပါတယ်။ 🌞
နွေပူပူမှာ အသားမမည်းစေဖို့ Sunscreen ဘယ်လိုလိမ်းမလဲ ⁉️ 🧴
အပြင်ထွက်ရင် ထီးဆောင်းရုံ၊ အင်္ကျီလက်ရှည်ဝတ်ရုံနဲ့တင် မလုံလောက်ဘူးနော်။ ခရမ်းလွန်ရောင်ခြည် (UV Rays) ကြောင့် အသားအရေ တင်းတိပ်၊ မှဲ့ခြောက်နဲ့ အရေးအကြောင်းတွေ မဖြစ်စေဖို့ Sunscreen ကို နည်းမှန်လမ်းမှန် လိမ်းကြရအောင်။

✅ ၁။ လိမ်းရမယ့် ပမာဏ (The Two-Finger Rule)
Sunscreen ကို နည်းနည်းလေးပဲ ပွတ်ရုံနဲ့ မရပါဘူး။ မျက်နှာနဲ့ လည်ပင်းအတွက် လက်ညှိုးနဲ့ လက်ခလယ် (၂) ချောင်းစာ အပြည့်ထည့်ပြီး လိမ်းပေးရပါမယ်။ ဒါမှသာ လုံလောက်တဲ့ ကာကွယ်မှု (Coverage) ကို ရရှိမှာပါ။

✅ ၂။ အပြင်မထွက်ခင် ကြိုလိမ်းပါ
Sunscreen လိမ်းပြီးပြီးချင်း အပြင်တန်းထွက်လို့ မရသေးဘူးနော်။ အသားထဲ စိမ့်ဝင်ပြီး အကာအကွယ်လွှာ ဖြစ်ပေါ်ဖို့အတွက် အပြင်မထွက်ခင် မိနစ် ၂၀ ခန့် ကြိုတင် လိမ်းထားရပါမယ်။

✅ ၃။ ပြန်လည်လိမ်းပေးဖို့ မမေ့ပါနဲ့⚠️
ဒါက အရေးကြီးဆုံးအချက်ပဲ! Sunscreen ရဲ့ အာနိသင်က (၂) နာရီလောက်ပဲ ခံတာပါ။ ဒါကြောင့် အပြင်မှာ တနေကုန်ရှိနေမယ်ဆိုရင် (၂) နာရီခြားတစ်ခါ ထပ်လိမ်းပေးဖို့ လိုပါတယ်။ (Make-up လိမ်းထားရင်တော့ Sunscreen Mist လေးတွေအသုံးပြုလို့ရပါတယ်)

✅ ၄။ SPF နဲ့ PA ကို ကြည့်ဝယ်ပါ
နွေရာသီအတွက်ဆိုရင် အနည်းဆုံး SPF 50 နဲ့ PA++++ ပါတာကို ရွေးချယ်သင့်ပါတယ်။
• SPF: နေလောင်ခြင်း (Sunburn) မှ ကာကွယ်ပေးတယ်။
• PA: အရေးအကြောင်းဖြစ်ခြင်းနဲ့ အိုမင်းရင့်ရော်ခြင်းမှ ကာကွယ်ပေးတယ်။

✅ ၅။ အိမ်ထဲမှာနေလည်း လိမ်းပါ
ပြတင်းပေါက်ကနေ UV ရောင်ခြည်တွေ ဝင်နိုင်သလို၊ ဖုန်းနဲ့ ကွန်ပျူတာကထွက်တဲ့ Blue Light တွေကလည်း အသားအရေကို ပျက်စီးစေလို့ အိမ်ထဲမှာနေရင်းလည်း Sunscreen လိမ်းပေးဖို့ အကြံပေးချင်ပါတယ်။

Joji Feminine Wash🦋

Price - 11,500 Ks

​ပျိုမေတို့ရေ ​အလှအပရေးရာပဲအရေးကြီးတာမဟုတ်ဘူးနော် အမျိုးသမီးသန့်ရှင်း ကျန်းမာရေလည်းအရေးကြီးတယ်ရှင့်👌

-မသက်မသာဖြစ်မှုများကို လျော့ချပေးသည်..မနှစ်မြို့ဖွယ် အနံ့အသက်မရှိခြင်း....

-တစ်နေ့တာလုံး လန်းဆန်းပြီး ပေါ့ပါးတဲ့ခံစားမှုမျိုး ပေးစွမ်းနိုင်ပါတယ်

Made in Thailand 🇹🇭