Pi & Future Tech

Subscribe to get exclusive benefits:
https://www.facebook.com/PiFutureTech/subscribenow

အခုမှစပြီး Onlineပေါ်ကနေပြီး Monetisationစလုပ်ချင်တဲ့သူတွေဖတ်ပါ

ဒီဘက်ခေတ်မှာ YouTube Creator တစ်ယောက်ဖြစ်ဖို့ဆိုတာ အရင်တုန်းကလို Camera အကြီးတွေ၊ Studio အကြီးတွေ မလိုတော့ပါဘူး။ အခုဆို ဖုန်းတစ်လုံးရှိရုံနဲ့တင် Video ဖန်တီးပြီး Online ကနေ ဝင်ငွေရှာနိုင်တဲ့ခေတ်ကို ရောက်လာပါပြီ။ ဒါပေမယ့် Video တင်တတ်ရုံနဲ့တော့ ဒေါ်လာတွေ အလိုလိုဝင်လာမယ်လို့ ထင်ထားရင် မှားသွားနိုင်ပါတယ်။ တကယ်အောင်မြင်တဲ့ Creator တစ်ယောက်ဖြစ်ချင်ရင် Beginner အဆင့်ကတည်းက စနစ်တကျ လေ့လာပြီး တဖြည်းဖြည်း တည်ဆောက်သွားဖို့လိုပါတယ်။

YouTube ကို စလုပ်တော့မယ်ဆိုရင် ပထမဆုံး Platform ရဲ့ သဘောသဘာဝကို နားလည်ထားဖို့လိုပါတယ်။ YouTube ဆိုတာ Video တင်တဲ့နေရာတစ်ခုတည်း မဟုတ်ပါဘူး။ သူ့မှာ Policy တွေရှိတယ်၊ Copyright စည်းမျဉ်းတွေရှိတယ်၊ Monetisation အတွက် သတ်မှတ်ချက်တွေရှိတယ်။ အဲ့တာတွေကို နားမလည်ဘဲ စလုပ်လိုက်ရင် အစပိုင်းမှာ အဆင်ပြေသလိုထင်ရပေမယ့် နောက်ပိုင်း Monetisation လျှောက်တဲ့အချိန်၊ Copyright မိတဲ့အချိန်တွေမှာ ပြဿနာတွေ တက်လာနိုင်ပါတယ်။ ဒါကြောင့် Beginner တစ်ယောက်အနေနဲ့ ပထမဆုံးလုပ်သင့်တာက YouTube ဘယ်လိုအလုပ်လုပ်လဲဆိုတာကို သေချာလေ့လာထားဖို့ပါပဲ။

နောက်တစ်ခုကတော့ လူတွေပြောနေကြတဲ့ Algorithm ဆိုတာပါ။ တော်တော်များများက Algorithm ကို ခက်ခဲတဲ့ နည်းပညာတစ်ခုလို ထင်ကြပေမယ့် တကယ်တော့ သူက Audience ကိုပဲ ကြည့်တာပါ။ လူတွေ ဘယ်လို Video ကို နှိပ်ကြည့်ချင်လဲ၊ ဘယ် Video ကို ကြာကြာကြည့်လဲ၊ ဘယ် Content ကို စိတ်ဝင်စားလဲဆိုတာကို YouTube က လေ့လာပြီး Video တွေကို ဖြန့်ပေးတာပါ။ အဲ့တာကြောင့် ကိုယ့် Video ကို လူတွေ နှိပ်ကြည့်ချင်အောင် Thumbnail ကောင်းဖို့လိုတယ်၊ Title က စိတ်ဝင်စားဖို့ကောင်းဖို့လိုတယ်၊ Video အစပိုင်းမှာလည်း ကြည့်တဲ့သူကို ဆက်ကြည့်ချင်အောင် Hook ကောင်းကောင်းနဲ့ ဖမ်းထားနိုင်ဖို့လိုပါတယ်။

YouTube မှာ ရေရှည်အောင်မြင်ချင်ရင် Niche တစ်ခုကို သေချာရွေးဖို့လည်း အရေးကြီးပါတယ်။ ဒီနေ့ Movie Recap တင်ပြီး မနက်ဖြန် Gaming ပြောင်းတင်၊ နောက်နေ့ News ပြန်တင်နေတာမျိုးဆို Audience ကလည်း confused ဖြစ်သွားတတ်ပါတယ်။ ကိုယ်တကယ် ဝါသနာပါတဲ့အရာ၊ ရေရှည်လုပ်နိုင်မယ့် Content အမျိုးအစားကို ရွေးပြီး Consistent ဖြစ်အောင်လုပ်တာက ပိုထိရောက်ပါတယ်။ Audience တွေကလည်း ကိုယ့် Channel ကို ဘာအတွက် Follow လုပ်ထားတာလဲဆိုတာ ရှင်းရှင်းလင်းလင်း သိချင်ကြပါတယ်။

Content Creation အပိုင်းမှာလည်း အရေအတွက်ထက် အရည်အသွေးကို ပိုဂရုစိုက်သင့်ပါတယ်။ Video အများကြီးတင်တာကောင်းပေမယ့် လူတွေ မကြည့်ချင်တဲ့ Low Quality Video တွေ အများကြီးတင်နေတာထက် တကယ်ကြည့်လို့ကောင်းတဲ့ Video တစ်ပုဒ်က ပိုတန်ဖိုးရှိပါတယ်။ အသံသန့်ဖို့၊ Edit သေချာဖို့၊ Subtitle ကောင်းဖို့၊ Story Flow smooth ဖြစ်ဖို့လိုပါတယ်။ အခု ၂၀၂၆ ခေတ်မှာ Audience တွေရဲ့ Standard က အရမ်းမြင့်လာပါပြီ။ အရင်တုန်းကလို Low Quality Video တွေတင်ပြီး လွယ်လွယ်ပေါက်တဲ့ခေတ် မဟုတ်တော့ပါဘူး။

Content Idea တွေအတွက်လည်း Research လုပ်တတ်ဖို့လိုပါတယ်။ လူတွေ ဘာကို စိတ်ဝင်စားနေကြလဲ၊ ဘယ် Topic တွေ Trending ဖြစ်နေလဲ၊ ဘယ်လို Video Format တွေ လူကြိုက်များလဲဆိုတာ အမြဲကြည့်နေရပါတယ်။ တခြား Creator တွေကို Copy လုပ်ဖို့မဟုတ်ပဲ သူတို့ ဘယ်လိုဖန်တီးထားလဲ၊ ဘယ်လို Storytelling သုံးထားလဲဆိုတာ လေ့လာပြီး ကိုယ့်Style နဲ့ ပြန်ဖန်တီးနိုင်ဖို့ပါ။

Monetisation အပိုင်းရောက်လာရင်လည်း Subscriber နဲ့ Watch Time ပြည့်သွားရုံနဲ့ အရာအားလုံးပြီးသွားတာမဟုတ်ပါဘူး။ Adsense Setup လုပ်ရတာ၊ ID Verify လုပ်ရတာ၊ Bank Account ချိတ်ရတာတွေ ရှိသေးပါတယ်။ တစ်ခါတလေ Monetisation Approval ကျဖို့အချိန်ယူရတာမျိုးတွေလည်းရှိပါတယ်။ ဒါကြောင့် YouTube စကတည်းက Monetisation Process ကိုပါ တစ်ခါတည်း လေ့လာထားရင် နောက်ပိုင်း အများကြီးအဆင်ပြေပါတယ်။

အရေးကြီးဆုံးတစ်ခုကတော့ စိတ်ရှည်ဖို့ပါပဲ။ YouTube ဟာ တစ်ရက်နှစ်ရက်နဲ့ အောင်မြင်မယ့် Platform မဟုတ်ပါဘူး။ တစ်ခါတလေ Video ကောင်းကောင်းလုပ်ထားပေမယ့် View မတက်တာတွေရှိမယ်။ ကြိုးစားသလောက် Result မထွက်တာတွေလည်းရှိမယ်။ ဒါပေမယ့် စနစ်တကျ လေ့လာပြီး တစိုက်မတ်မတ် ဆက်လုပ်သွားတဲ့သူတွေကပဲ နောက်ဆုံးမှာ ရေရှည်အောင်မြင်သွားကြတာပါ။

အခုမှ စမယ့်သူဆိုရင် Perfect ဖြစ်ဖို့ မစောင့်ပါနဲ့။ စလုပ်ပါ။ လုပ်ရင်းနဲ့ သင်ယူပါ။ YouTube မှာ အောင်မြင်တာက Talent တစ်ခုတည်းနဲ့ မဟုတ်ပါဘူး။ Consistency ၊ Patience နဲ့ Learning Mindset ရှိတဲ့သူတွေကပဲ နောက်ဆုံးမှာ ရေရှည်ရပ်တည်နိုင်ကြတာပါ။

Credit to Arkar Soe

​
​
​
​
​
​
​
​