Khaing Legal Service
Share
Self-care is the best of your health..
" တိုက်ခန်းမ၀ယ်ခင် သိထားသင့်တဲ့ ဆောက်လုပ်ခွင့်(ဘုတ်စိမ်း)စာရွက်နဲ့ ဘီစီစီ(BCC)စာရွက် "
လူတော်တော်များများ တိုက်ခန်း၀ယ်ရင် ဘီစီစီပါလား မေးတတ်ကြပါတယ်..။
ဘီစီစီစာရွက်လည်း ပေးလိုက်ရော ဘီစီစီစာရွက်လို့ မသိကြပြန်ပါဘူး..။
ဘီစီစီစာရွက်ကို ဘီစီစီစာရွက်ပါလို့ ပေးပေမယ့် ဘီစီစီစာရွက်လို့ မသိကြတဲ့သူတွေကြောင့်လည်း အကျိူးဆောင်၊ပွဲစားများ စိတ်ညစ်ရပါတယ်..။
ဘီစီစီကို လူနေထိုင်ခွင့်လို့ လူတွေအလွယ်ပြောပါတယ်..။
အဲဒီတော့ စာရွက်ပေါ်မှာ လူနေထိုင်ခွင့်လို့ ပါနေလိမ့်မယ်လို့ မသိစိတ်က ထင်မှတ်ထားကြပါတယ်..။
ဒါပေမယ့် ဘီစီစီ(BCC) ဆိုတာ Building Completion Certificate ဆိုတဲ့ စည်ပင်ဌာနကထုတ်ပေးတဲ့ အဆောက်အဦးပြီးစီးကြောင်း အသိအမှတ်ပြုလွှာကို ခေါ်တာပါ..။
အဆောက်အဦးပြီးစီးကြောင်း တရား၀င်အသိအမှတ်ပြုတာကို မြန်မာအများစုက မြန်မာမှုပြုလိုက်တာမှာ လူနေခွင့်လို့ ဖြစ်သွားပါတယ်..။ သဘောတရားကတော့ အတူတူပါပဲ..။
အဆောက်အဦးဆောက်လုပ်တာ ပြည့်စုံပြီးစီးသွားပါပြီဆိုတော့ လူနေလို့ ရပြီပေါ့..။
လူနေလို့ရပြီလို့ သွယ်ဝိုက်အသိပေးတဲ့ ဘီစီစီစာရွက်ဆိုတာ လူနေခွင့်စာရွက်ပေါ့..။
ဘီစီစီကို လူနေခွင့်လို့ အကြမ်းဖျဉ်းသိထားတဲ့သူတွေက ဘီစီစီစာရွက်လည်းမြင်ရော လူနေခွင့်ပြုသည်ဆိုတဲ့ စာသားမပါလို့ဆိုပြီး ရောင်းတဲ့သူနဲ့ အကျိူးဆောင်တွေကို မယုံမကြည် မေးတတ်ပြန်ပါတယ်..။ ဘီစီစီစာရွက်ဆိုတာ ဘယ်လိုပုံစံမျိူးလဲဆိုတာ ၀ယ်သူက သေချာမသိတာပါ..။
ပြောပြတော့လည်း ယုံရမှာလိုလို..၊ မယုံရမှာလိုလို..၊ အကျိူးဆောင်ပွဲစားတွေကပဲ လိမ်တော့မှာလိုလိုတွေ ဖြစ်ကုန်တတ်ပါတယ်..။
ပိုပြီးဆိုးတာက ဘုတ်စိမ်းလို့အလွယ်ခေါ်တဲ့ ဆောက်လုပ်ခွင့်ပြုမိန့်စာရွက်မှာ လူနေထိုင်ရန်ဆိုတဲ့ စာလုံးကို စာလုံးဆိုဒ်အကြီးနဲ့ မင်ခုံနဲ့ထုပြီး ပါတာကို ဘီစီစီ ထင်တာပါပဲ..။
လူနေထိုင်ရန် ဆိုတဲ့ စာလုံးအကြီးပါတဲ့စာရွက်က ဘုတ်စိမ်းစာရွက်(ဆောက်လုပ်ခွင့်ပြုတဲ့အမိန့်)စာရွက်ပါ..။
လူနေရန် ဆိုတဲ့ စာလုံးကြီးကြီးပါနေတာက လုပ်ငန်းလုပ်ရန်( Commercial) နဲ့ ခွဲခြားသတ်မှတ်ထားတာပါ..။
ဘုတ်စိမ်းစာရွက်ပါရင် တရား၀င်ဆောက်လုပ်ခွင့်ပြုမိန့်နဲ့ ဆောက်တဲ့တိုက်လို့ ဆိုလိုတာပါ..။
တရား၀င်ဆောက်လုပ်ခွင့်ပြုမိန့်နဲ့ ဆောက်လုပ်ပြီးစီးသွားရင် ဘီစီစီလျောက်ရပါတယ်..။
ဘုတ်စိမ်းစာရွက်တစ်ခုနဲ့တင် မပြီးပါဘူး..။ ဘီစီစီစာရွက်ပါ ပါရပါတယ်..။
ဘုတ်စိမ်းစာရွက်(လူနေထိုင်ရန် လို့ ပါတဲ့စာရွက်)ပဲပြနိုင်ရင် တရား၀င် ဆောက်လုပ်ခွင့်နဲ့တော့ ဆောက်ထားတယ်..။
အဆောက်အဦးပြီးစီးကြောင်း စာရွက် ဘီစီစီတော့ တင်မထားဘူးလို့ အဓိပ်ပါယ်ရပါတယ်..။
လှိုင်နဲ့ သင်္ဃန်းကျွန်း တစ်ချို့ရပ်ကွက်တွေမှာ ဘုတ်စိမ်း(ဆောက်လုပ်ခွင့်ပြုမိန့်) စာရွက်ပါပြီး..ဘီစီစီစာရွက်မပါတဲ့တိုက်တွေ တစ်ရပ်ကွက်လုံးနီးပါးရှိတဲ့ ရပ်ကွက်တစ်ချို့ရှိပါတယ်..။
ဘီစီစီစာရွက်ပါရင်တော့ ဘုတ်စိမ်းစာရွက်တောင်းဖို့ မလိုပါဘူး..။
ဘီစီစီဆိုတာ ဘုတ်စိမ်းစာရွက်ရှိမှ ရတဲ့စာရွက်မို့ပါ..။
တောင်ဥက္ကလာရဲ့ ၉၀%သောတိုက်ခန်းတွေက ဘီစီစီပါကြပါတယ်..။ တောင်ဥက္ကလာမှာ တရားမ၀င်ဆောက်တဲ့တိုက်..၊ ဘီစီစီမတင်တဲ့တိုက် မရှိသလောက် နည်းပါတယ်..။(တစ်ချို့တစ်ဝက်တော့ ရှိပါတယ်..။)
၂၀၁၅ နှစ်လယ်ရှေ့ပိုင်းလောက်ထိ တိုက်တွေက မီတာကျပြီး အားလုံးပြီးစီးပြီဆိုမှ ဘီစီစီစာရွက် သပ်သပ်တင်ရတာပါ..။
၃ထပ်ခွဲတိုက်နဲ့ ၅ထပ်တိုက်ဆောက်တဲ့ ကန်ထရိုက် အသေးစားတွေက ဆောက်လုပ်ခွင့်(ဘုတ်စိမ်း)တင်ပြီးဆောက်ရင် မီတာလည်း အလွယ်တကူရတာမို့ ဘီစီစီတင်တာကို အလုပ်ပိုလို့ မြင်ပါတယ်..။
ဒါမို့လို့ ၃ထပ်ခွဲတိုက်နဲ့ ၅ထပ်တိုက်တွေမှာ ဘီစီစီစာရွက်မေးလိုက်ရင် လူနေထိုင်ရန်လို့ မင်အပြာနဲ့တုံးထုထားတဲ့ ဘုတ်စိမ်းစာရွက်ကို ဘီစီစီလို့ ပြောပြီးပေးတတ်တာလည်း ကြုံဖူးကြားဖူးပါတယ်..။
(မသိ နားမလည်တာကို အခွင့်အရေးယူတာပါ..။ ဒါမို့လို့ မိမိက သိအောင်လုပ်ထားရပါမယ်..။)
၂၀၁၅ နှစ်လယ်လောက်နောက်ပိုင်းကစလို့ အဆောက်အဦးတွေမှာ ဘီစီစီရမှ မီတာချပေးတော့ပါတယ်..။
အဲဒီတော့မှ ဘယ်ကန်ထရိုက်တိုက်မဆို ဘီစီစီဆိုတာ မတင်မနေရ ဖြစ်ကုန်တာပါ..။
ဘီစီစီကျပြီးတာနဲ့ ဘီစီစီစာရွက်နဲ့ မီတာ ထပ်လျောက်ရပါတယ်..။ ၂၀၁၅ နှစ်လယ်နောက်ပိုင်းကတိုက်တွေတိုင်းမှာ ဘီစီစီစာရွက် ပါပါတယ်..။
(ဘီစီစီကျပြီးမှ မီတာချပေးတော့တာမို့ ဘီစီစီမတင်ပဲ ချိုချိုချောင်ချောင်ဆောက်တဲ့ ၃ထပ်ခွဲနဲ့ ၅ထပ်တိုက်တွေ စျေးမကိုက်တော့လို့ မဆောက်ကြတော့ပါဘူး..။)
တစ်ခါတန်းက တောင်ဥက္ကလာမှာ တိုက်ခန်းတစ်ခန်းရောင်းပေးတော့ စာရွက်စာတမ်းကို ရှေ့နေနဲ့စစ်တာကို အဆောက်အဦးပြီးစီးကြောင်း စာရွက်ပဲပါပြီး လူနေထိုင်ရန် ဆိုတဲ့ လူနေထိုင်ခွင့် ဘီစီစီစာရွက် လိုသေးတယ်လို့ အပြောခံရပါတယ်..။
(စိတ်ကို တော်တော်လေသွားပါတယ်..။)
**အိမ်ခြံမြေ နဲ့ပက်သက်တဲ့ရှေ့နေကအဆင်ပြေဆုံးဖြစ်ပါတယ်
** အမှုလိုက်တဲ့ ရှေ့နေနဲ့ဆုံလို့ ပိုင်ရှင်ကို တရားခံစစ်သလို စစ်တဲ့အတွက်ကြောင့် အရောင်း/အဝယ် ပျက်မလိုလည်း ကြုံဖူးပါတယ်
ဘီစီစီရဲ့ အင်္ဂလိပ်အရှည်က Building Completion Certificate မို့ ဘီစီစီဆိုတာ လူနေထိုင်ခွင့်လို့ ရေးထားတဲ့ စာရွက်မဟုတ်ပဲ အဆောက်အဦးပြီးစီးကြောင်း အသိအမှတ်ပြုစာရွက်သာဖြစ်ကြောင်း အထောက်အထားခိုင်လုံစွာနဲ့ ရှင်းပြမှ လက်ခံသွားပါတော့တယ်..။
တိုက်ခန်းမ၀ယ်ခင် ဒီစာကို အသေးစိပ် နားလည်အောင်ဖတ်သွားရင် အကျိူးရှိပါတယ်..။ မိမိနဲ့ တိုက်ခန်း၀ယ်ဖို့ရှိနေတဲ့ မိတ်ဆွေတွေကို ဒီပို့စ်ကို အဆင့်ဆင့်လက်ဆင့်ကမ်းပေးခြင်းဖြင့် မိမိစိတ်ထဲမှ မရှင်းလင်းမှုကို ချေဖျက်နိုင်ကြပါစေ..။
Credit
ိမ်းဘုတ်
15/10/2021
သတင်းစာတွေမှာ သားသမီးအဖြစ်က အမွေပြတ်စွန့်လွှတ်ခြင်းဆိုတဲ့ ကြော်ငြာတွေ မကြာခဏတွေ့နေရ ပါတယ် ။ မိဘက သားသမီးကို အမွေပြတ်စွန့်လွှတ်ကြောင်း သတင်းစာမှာ ကြေညာရုံနဲ့ သားသမီးတွေ အမွေ ဆက်ခံခွင့် ဆုံးရှုံးပြီလားဆိုတာ သိလိုပါတယ် ။
==============================
သာမန်အားဖြင့် အပြင်အရပ်သားအနေနဲ့ကတော့ သတင်းစာမှာ ကြေညာလိုက်ရုံနဲ့ ပျက်သွားပြီလို့ ထင်ကြ တယ်။ ဒါပေမဲ့ ဥပဒေအရကျတော့ မဆုံးရှုံးနိုင်ပါဘူး။ ဒါက သားသမီးကိစ္စ၊ အမွေကိစ္စ၊ အမွေပျက်တဲ့ကိစ္စတွေက မြန်မာ့ဓလေ့ထုံးထမ်းဥပဒေနဲ့ ပတ်သက်ပါတယ်။ မြန်မာ့ဓလေ့ထုံးထမ်းဥပဒေမှာ ဖြစ်စဉ် တစ်ခုချင်းစီကို ကေ့စ် လုပ်ပြီး rulings ဆိုပြီး စီ ရင်ထုံး ထွက်ပါတယ်။ အဲဒီ စီရင်ထုံးအပေါ်မှာလိုက်နာရတာပေါ့ ။
သူသိလိုတဲ့ ကိစ္စနဲ့ပတ်သက်လို့ကတော့ သတင်းစာထဲမှာ ကြေညာရုံလောက်နဲ့တော့ အမွေမဆုံးရှုံးပါဘူး။ ဆုံးရှုံး တယ်ဆိုတဲ့အကြောင်းက မြန်မာ့ဓလေ့ထုံးထမ်းဥပဒေမှာ ၃ချက် ရှိပါတယ်။ ပထမအချက်က မိဘကနေပြီး ဒီ သား သမီးကို မွေးစားဖို့ဆိုပြီး အခြားလူတစ်ယောက်ကို ပေးလိုက်တယ်ဆိုရင် အဲ့ဒါကတော့ ဆုံးရှုံးသွား မယ်။ ဒုတိယအချက်က မိဘနှစ်ပါးက ကွာရှင်းပြီးသွားပြီ.. အဲဒီတော့ အမေဘက်က ပါတဲ့သူကလည်း အဖေကို ပြုစု ရမယ်။ အဖေဘက်ပါတဲ့ကလေးကလည်း ကွဲနေတဲ့ အမေကို ပြုစုရမယ်။ အဲဒါကို မပြုစုဘူးဆိုရင် ဒါအမွေဆုံးရှုံး တဲ့ အထဲမှာ အကြောင်း တရားတစ်ခုဖြစ်ပါတယ်။ နံပါတ် ၃က တော့ သားသမီးကျင့်ဝတ် ပျက်ပြားခြင်းဆိုတဲ့ အ ချက်ဖြစ်ပါတယ် ။ အဲ့ဒါကတော့ ကျွန်တော်တို့ သွာနုတ္တဆိုပြီး ဥပဒေမှာ သုံးပါတယ်။ တရားရုံးတွေမှာ သုံးတာ ကတော့ ခွေးနဲ့တူသော သားသမီး ။ အဲဒါကတော့ မိဘက ဆိုဆုံးမမှုကို မလိုက်နာတဲ့ သားသမီး ။ အဲဒီ၃ချက်နဲ့ ညီညွတ်မှ အမွေသားသမီးက ပျက်ပါတယ်။
ကျန်တာကတော့ သားသမီးကလည်း ဖျက်လို့မရဘူး ။ မိဘကလည်း ဖျက်လို့မရဘူး။ အဲ့ဒါကတော့ စီရင်ထုံး ရှိပါတယ်။ နောက်ဆုံး စီရင်ထုံးက ၂၀၀၅ ခုနှစ်က တရားမအထူးအယူခံမှုအမှတ် ၄၉နဲ့ ၅၉ ဒေါ်ရိုနဲ့ ဒေါ်ခင်လှ မြိုင်နဲ့ ဒေါ်မေဘတ်မောင်ဆိုတဲ့ စီရင်ထုံး.. နောက်ဆုံးထုံးဖွဲ့ထားတာရှိပါတယ်။ ယနေ့အထိ စီရင်ထုံးတွေကို လိုက်နာပြီးတော့ အကြုံဝင်နေဆဲဖြစ်ပါတယ်။ အချုပ်ဖြေရမယ်ဆိုရင် ခုနက မေးတဲ့ သတင်းစာထဲ ကြော် ငြာရုံ နဲ့ မပျက်နိုင်ပါဘူးလို့ဖြေချင်ပါတယ်။
#အမွေပြတ်စွန့်လွှတ်
Click here to claim your Sponsored Listing.
Category
Contact the practice
Telephone
Website
Address
Yangon
Opening Hours
| Monday | 09:00 - 17:00 |
| Tuesday | 09:00 - 17:00 |
| Wednesday | 09:00 - 17:00 |
| Thursday | 09:00 - 17:00 |
| Friday | 09:00 - 17:00 |
| Saturday | 09:00 - 17:00 |
| Sunday | 09:00 - 17:00 |
