Rejected Military MM

မြန်မာနိုင်ငံမှ စစ်အာဏာသိမ်းမှု အရေးကို ဖြေရှင်းရန် အမေရိကန် Burma Act အပါ အဝင် နိုင်ငံတကာနှင့်ပူးပေါင်းမည်ဟု ထိုင်းရွေးကောက်ပွဲ အနိုင်ရ Move Forward Party ပါတီခေါင်းဆောင်ပြော

■ ထိုင်းနိုင်ငံ၏ ပါဝင်မှု မရှိဘဲ မြန်မာ့အရေး အာဆီယံဘုံသဘောတူညီချက် ၅ ရပ် အောင်မြင်မှုမရနိုင်

ရန်ကုန်၊ မေ ၁၅

မြန်မာနိုင်ငံမှ စစ်အာဏာသိမ်းမှု အရေးကို ဖြေရှင်းရန် အမေရိကန် ပြဋ္ဌာန်းထားသော Burma Act အပါ အဝင် နိုင်ငံတကာနှင့်ပူးပေါင်းမည်ဟု ထိုင်းရွေးကောက်ပွဲ အနိုင်ရ Move Forward Party ပါတီခေါင်းဆောင် Pita Limjaroenratက ယနေ့ သတင်းစာရှင်းလင်းပွဲတွင် ပြောဆိုလိုက်သည်။

ထိုင်းနိုင်ငံ ရွေးကောက်ပွဲတွင် မဲအများဆုံးနှင့် အမတ်နေရာ အများဆုံး အနိုင်ရရှိထားသော Move Forward Party ပါတီခေါင်းဆောင် Pita Limjaroenrat က မြန်မာ့အရေး ဖြေရှင်းရန် အာဆီယံ ဘုံသဘောတူညီချက် ၅ ရပ် အကောင် အထည်ဖော်ရန် အရေးကြီးကြောင်း၊ ဘုံသဘောတူညီချက် ၅ ချက် အကောင်အထည်ဖော်ရန် ထိုင်းနိုင်ငံ အနေဖြင့် တွန်းအားပေးသွားမည်ဖြစ်ကြောင်း ထုတ်ဖော်ပြောဆိုသည်။

မြန်မာပြည်သူများကို အကူအညီပေးရေးအတွက် ထိုင်းနှင့် မြန်မာနိုင်ငံအကြားတွင် လူသားချင်းစာနာထောက်ထားမှု အကူအညီပေးရေး လမ်းကြောင်း ဖွင့်လှစ်သွားမည်ဖြစ်ကြောင်း ၎င်းက ဆိုသည်။

"ထိုင်းနိုင်ငံရဲ့ ပါဝင်ပတ်သက်မှုမရှိဘဲ အာဆီယံဘုံသဘောတူညီချက် ၅ ရပ်က အောင်မြင်မှု မရနိုင်ပါဘူး။ ကျနော်တို့အနေနဲ့ ထိုင်း-မြန်မာအကြားမှာ လူသားချင်းစာနာထောက်ထားမှု အကူအညီပေးရေး လမ်းကြောင်းဖွင့်ပါ့မယ်။ ဒီလိုဖွင့်ဖို့လည်း ဥပဒေတွေအရ လုပ်ဆောင်နိုင်သလို အရင် အတိတ်ကာလတွေမှာလည်း ဒီလိုလုပ်ခဲ့တာတွေရှိပါတယ်" ဟု Move Forward Party ပါတီခေါင်းဆောင် Pita Limjaroenratက ဆက်ပြောသည်။

ထို့ပြင် မြန်မာ့အရေး ဖြေရှင်းရန် အတွက် အမေရိကန်ပြည်ထောင်စုက ပြဋ္ဌာန်းထားသော Burma Act ဥပဒေက အရေးကြီးသကဲသို့ နိုင်ငံတကာနှင့်ပူးပေါင်းဆောင်ရွက်ပြီး လုံလောက်သည့် ဖိအားနှင့် မက်လုံးများပေးခြင်းဖြင့် ဖြေရှင်းဆောင်ရွက်သွားမည်ဖြစ်ကြောင်း ၎င်းက ဆက်လက်ပြောဆိုသည်။

နိုင်ငံတကာအရေးနှင့်ပတ်သက်ပြီး ပြောဆိုရာတွင် Move Forward Party ပါတီခေါင်းဆောင် Pita Limjaroenrat က "အမှန်တရားက ခွန်အားပါ။ ခွန်အားကတော့ အမှန်တရားမဟုတ်ပါဘူး" ဟု ပြောဆိုသည်။

ထိုင်းနိုင်ငံရွေးကောက်ပွဲတွင် Move Forward Party ပါတီ အမတ်နေရာ ၁၅၁ နေရာနှင့် လူထုထောက်ခံမှုဆန္ဒမဲ အများဆုံးရရှိထားသော ရွေးကောက်ပွဲအနိုင် ရ ထိပ်ဆုံးပါတီလည်းဖြစ်သည်။

Move Forward Party ပါတီ ခေါင်းဆောင် Pita Limjaroenrat သည် အမေရိကန်ဟားဗက်တက္ကသိုလ်ဘွဲ့ရ တစ်ဦးဖြစ်ပြီး အသက် ၄၂ နှစ်အရွယ်ရှိနေပြီဖြစ်သည်။

ရွေးကောက်ပွဲအနိုင်ရ Move Forward Party ပါတီ ခေါင်းဆောင် Pita Limjaroenratက ထိုင်းဝန်ကြီးချုပ်သစ်အဖြစ် မဟာမိတ်ပါတီများနှင့်ပူးပေါင်း ၍ အစိုးရသစ်ဖွဲ့စည်းသွားမည်ဖြစ်ကြောင်း ယနေ့ တရားဝင် ထုတ် ပြန်ကြေ ညာသည်။

မအလ ဂျပု
Ph credit

#ကိုယ့်လည်ပင်းကို…
လက်နဲ့ ပြန်ညှစ်ကြည့်။
ဘယ်လိုကြီးမှန်းမသိဘူး
မွန်းကြပ်ပြီး အတော်နေရခက်တယ်။

နည်းနည်းလောက်၊
တစ်ဆို့ တစ်ဆို့၊ဖြစ်လာတာနဲ့။

ပြန်လွှတ်လိုက်ရတယ်၊
ကြာကြာ ညှစ်မထားနိုင်ဘူးရယ်။

အခုက
လက်ကို နောက်ပြန် လက်ထိတ်ခတ်၊
ခြေထောက်ကို ကြိုးချည်ပြီး ၊ရုံးမရ၊
ကန်မရ အနေအထားနဲ့။

လည်ပင်းကို ကြိုးကွင်းစွပ်ပြီး၊
မောင်းတံဆွဲချလိုက်တာ ၊
လည်ပင်းမှာ ကြိုးတန်းလန်းကြီးနဲ့။

တစ်ဖြည်းဖြည်းနဲ့၊
မျက်လုံးပြူး လျှာထွက်ပြီး၊
သေ သွားရတာ။

အဲ့ဒါကို..
သေဒဏ် ကြိုးပေးတယ်လို့၊
ခေါ်တယ်။

ငါ ခံရတာ မဟုတ်ဘူးလို့၊
တွေးမယ် ဆိုလျှင်တော့ အဲ့ကြိုးကွင်းဟာ၊

တစ်နေ့ ကိုယ့်လည်ပင်း အပေါ်
ရောက်လာ လိမ့်မယ်။

ဘာဖြစ်လို့လဲ.
မတရားသူတွေ ကြီးစိုးသွားလျှင်၊
လူတိုင်းဟာ မတရားပြုကျင့်မှုကို၊
ခံရတတ်လို့ပါပဲ။

- ကိုး ဂုဏ် ပိုင်ရှင်။
25. 7. 22