Prevent Yangon

ကိုယ့် သူငယ်ချင်းက သူ့မှာ ကာလသားရောဂါတွေ လက္ခဏာပြနေကြောင်းပြောပြတဲ့အခါ ကိုယ့်ဘက် ဘယ်လိုတုန့်ပြန်မှုတွေ ပြုလုပ်လေ့ရှိပါသလဲ?

ကိုယ့်ရဲ့ တုန့်ပြန်မိတတ်တဲ့ ပုံစံလေးတွေကို ခဏလောက်တွေးပြီးမှ ဒီစာလေးကို ဆက်ဖက်လိုက်ရအောင်နော်...

ဒီလို အကြောင်းအရာကို သင့်ကို လာပြောပြတယ်ဆိုကတည်းက သင်နဲ့ သူရဲ့ ဆက်ဆံရေးဟာ အရမ်းရင်းနှီးကြတဲ့ သူငယ်ချင်းကောင်းတွေ ဖြစ်မယ်ဆိုတာ အသေချာပါပဲ။ ဒီလိုအခြေနေတွေမှာ ကျွန်တော်တို့ ပြုလုပ်မိတတ်တဲ့ တုံ့ပြန်တဲ့ပုံစံ(၂)မျိုးရှိပါတယ်။

နံပတ်(၁)အပြစ်တင်ပြောဆိုခြင်း နဲ့ (၂) သူငယ်ချင်းရဲ့ ပြဿနာကို ဖြေရှင်းပေးခြင်းတို့ ပဲဖြစ်ပါတယ်။
ဒီတုံ့ပြန်မှုတွေဟာ သူငယ်ချင်းဆိုတဲ့ အဝန်းအဝိုင်းထဲက ပြုမူပြောဆိုမှုတွေမို့ မှားတယ်/မှန်တယ် ဆိုတာထက် ဘယ်လိုဆိုရင် ပိုကောင်းတဲ့ အပြုအမူဖြစ်မလဲဆိုတာလေးကိုပဲ မင်မင် က အဓိက ထားပြီး ပြောပြချင်ပါတယ်။

(၁)အပြစ်တင်ပြောဆိုခြင်းနဲ့ပတ်သက်လာရင်တော့

သူငယ်ချင်းအချင်းဆက်သွယ်ပြောဆိုမှုတွေမှာ ပြောဆိုဝေဖန်အပြစ်တင်တာဟာ ရင်းနှီးတဲ့ခင်မင်မှုကို ပြ တာဖြစ်သလို၊ ဒီလိုပွင့်လင်းတဲ့ပြောဆိုမှုတွေကြောင့်လဲ စိတ်ခံစားချက်တွေပေါ့ပါးစေပါတယ်။ ဒါပေမယ့်လို့ တစ်ဖက်လူက ကိုယ့်ရဲ့ အပြစ်တင်ပြောဆိုတာတွေကို နားထောင်ဖို့ ကိုယ့်ကို ပြန်နောက်ပြောင်ဖို့ ခွန့်အားမရှိသေးတဲ့အခြေနေ၊ စိုးရိမ်စိတ်များပြီး စိတ်အားနည်းနေတဲ့အခြေနေမျိုးဆိုရင်တော့ အပြစ်တင်တာလေးကို ခဏလောက် ရပ်တန့်ထားသင့်ပါတယယ်။ ခင်မင်မှုအပေါ်မှာ အနှောက်အယှက်ဖြစ်ပြီး ဆက်ဆံရေးတွေပျက်သွားနိုင်ခြင်းကြောင့်ဖြစ်ပါတယ်။

(၂) သူငယ်ချင်းရဲ့ ပြဿနာကို ဖြေရှင်းပေးခြင်းနဲ့ ပတ်သက်လာရင်တော့

ကိုယ့်အတွေ့အကြုံတွေ သိထားတာတွေကို ကိုယ်နဲ့အရင်းနှီးဆုံးနဲ့အချစ်ရဆုံးဖြစ်တဲ့သူတွေကို မျှဝေပေးချင်ကြတာ လူတိုင်းရဲ့သဘာဝပါပဲ။ ကိုယ်သိထားတဲ့ ဆေးကုသမှုခံယူလို့ရတဲ့နေရာတွေပြောပြပေးတာ၊ ဆေးခန်းအတူတူသွားပေးတာ၊ ဆေးကုသဖို့လိုအပ်တဲ့အကူညီအထောက်အပံ့တွေကို ပေးတာဟာ ကောင်းမွန်တဲ့အပြုအမူတွေပဲဖြစ်ပါတယ်။

ဒါပေမယ့်လို့ ကူညီချင်တဲ့ စိတ်ဆန္ဒတွေလွန်ကဲပြီး “ဆရာဝန်နဲ့သွားမပြစေဘဲ ကိုယ်ဖြစ်တုန်းကသောက်ဖူးတဲ့ဆေးတွေဝယ်သောက်ခိုင်းတာ၊ ကြားဖူးနားဝ ရှိတဲ့ဆေးမြီးတိုတွေ ဝယ်ပေးတာမျိုးကတော့ သတိထားသင့်ပါတယ်။ အနာနဲ့ဆေးလွဲတာ၊ ရောဂါပိုဆိုးလာတာ၊ လိင်မှတဆင့်ကူးစက်သော တခြားရောဂါတွေ နောက်ထပ်ရှိနေရင်လဲ မသိလိုက်တာ မျိုးတွေ ဖြစ်လာနိုင်ပါတယ်။ ဒါကြောင့် သူငယ်ချင်းပြဿနာကို ဖြေရှင်းပေးတဲ့အခါမှာ မှန်ကန်ထိရောက်တဲ့ကုသမှုရအောင် ဆေးခန်းလမ်းညွှန်ပေးတာ၊ အတူတူသွားပေးတာမျိုးတွေကိုသာပြုလုပ်သင့်ပါတယ်။

ဒါဆိုရင် သူငယ်ချင်းမှာ ကာလသားရောဂါ လက္ခဏာတွေ ကြုံတွေ့လာရတဲ့အခါမျိုးမှာဖြစ်ဖြစ်၊ သံသယဖြစ်စရာရောဂါ လက္ခဏာတစ်ခုခုပေါ်လာတဲ့အခါမှာဖြစ်ဖြစ် ကောင်းမွန်စွာ တုံ့ပြန်မိကြမယ်လို့မျှော်လင့်မိပါတယ်။

တိုင်ပင်ဆွေးနွေးချင်တာများ၊ ဆေးခန်းပြသလိုတာများနဲ့ သူငယ်ချင်းအတွက်မေးချင်တာများရှိပါက ထွန်းအခမဲ့ ဆေးခန်းနဲ့ ဆက်သွယ်ပါ။
👇👇👇👇👇

ထွန်းအခမဲ့ဆေးခန်း
09453512012
Viber 09453512012
Telegram> https://t.me/Tun_Free_Clinic
Messenger> http://m.me/PreventYangon

#ကာလသား #ထွန်းအခမဲ့ဆေးခန်း

🌈IDAHOT

"International Day Against Homophobia,Biphobia and Transphobia"

🗓️1990 မတိုင်ခင်မှာ လိင်တူချစ်ကြိုက်ခြင်းကို စိတ်ပိုင်းဆိုင်ရာ ရောဂါတစ်ခုအဖြစ်သတ်မှတ်ခဲ့ကြပါတယ်။

🗓️1990 ခုနှစ်မှာတော့ ကမ္ဘာကျန်းမာရေး အဖွဲ့အစည်း(WHO)က လိင်တူချစ်ကြိုက်ခြင်းက ရောဂါတစ်ခုမဟုတ်ကြောင်း တရားဝင်အတိအလင်းကြေညာခဲ့ပါတယ်။

ဒီလိုကြေညာမှုကို ကြိုဆိုဂုဏ်ပြုသောအာဖြင့် နှစ်စဉ် မေလ ၁၇ ရက်နေ့ကို IDAHOT သတ်မှတ်ပြီး ကမ္ဘာတစ်ဝှမ်းမှာ အထိမ်းအမှတ်ပွဲတွေပြုလုပ်ခဲ့ပါတယ်။

👨‍❤️‍👨လိင်တူချစ်မြတ်နိုးခြင်းသည် ရောဂါတစ်ခု မဟုတ်သလို ချို့ယွင်းချက် တစ်ခုမဟုတ်ပါဘူး။ သဘာဝတရားထဲက သဘာဝတစ်ခုသာဖြစ်ပါတယ်။

🫧ဖြစ်တည်ရှိမှုတိုင်းမှာ အလှတရားနဲ့ တန်ဖိုးကိုယ်စီရှိကြပါတယ်။ ကြောက်ရွံ့မုန်းတီးစရာ၊ ခွဲခြားဆက်ဆံစရာ၊ နှိမ့်ချစရာမဟုတ်ပါဘူး။

သဘာဝတရားတွေထဲက ဖြစ်တည်ရှိမှုတွေနဲ့ အဖိုးတန်မှုတွေကို အပြည့်ဝ လက်ခံပေးတတ်ဖို့ တိုက်တွန်းရင်း

ယနေ့ကျရောက်သော “IDAHOT” (International Day Against Homophobia,Biphobia and Transphobia) နေ့ ကို ထွန်းအခမဲ့ဆေးခန်းမှ ဂုဏ်ပြုလိုက်ပါတယ်။

#ထွန်းအခမဲ့ဆေးခန်း

အပူဒဏ်အန္တရာယ်ကြောင့် ခန္ဓာကိုယ်တွင်းရှိ ရေနှင့်ဓာတ်ဆားများ ဆုံးရှုံးခြင်း၊ အပူရှပ်ခြင်း၊ ဦးနှောက်သွေးကြောပြတ်ခြင်း၊ ဖျားနာခြင်း များအပါဝင် တခြားသော ကျန်းမာရေးပြဿနာများ ကြုံတွေ့ရတတ်ပါတယ်။

အပူဒဏ်ကြောင့် ကျန်းမာရေး ပြဿနာများ ကြုံတွေ့လာရပါက နီးစပ်ရာ ပြည်သူကျန်းမာရေးဆေးရုံ၊ ဆေးခန်းများတွင် ကုသမှုများ ရယူနိုင်ပါသည်။

#အပူဒဏ် #ကျန်းမာရေး