Yangon News Network-YNN

လားရှိုးမြို့မဈေးရှိ ဇွဲထက်ရွှေဆိုင်တွင် ပေါက်ကွဲမှု ၁၂ ဦး ဒဏ်ရာရ၊နှစ်ဦးဒါဏ်ရာပြင်းထန်

ဇူလိုင် ၊ ၁၅

ရှမ်းပြည်နယ်(မြောက်ပိုင်း) လားရှိုးမြို့၊ မြို့မဈေးရှိ ဇွဲထက်ရွှေဆိုင်တွင် ယနေ့ နံနက်ပိုင်း ပေါက်ကွဲမှုအတွင်း (၁၂)ဦး ဒဏ်ရာရရှိသည့်အနက် (၂)ဦးမှာ ဒဏ်ရာပြင်းထန်တယ်လို့ သိရပါတယ်။

ဇွဲထက်ရွှေဆိုင်တွင် ၂၀၂၃ ခုနှစ် ဇူလိုင်လ (၁၅)ရက်နေ့ နံနက် (၇)နာရီ (၄၅)မိနစ်အချိန်၌ မိုင်းပေါက်ကွဲမှုဖြစ်ပွားခဲ့ပြီး အမျိုးသမီး (၆)ဦးနှင့် အမျိုးသား (၆)ဦး ထိခိုက်ဒဏ်ရာရသွားရတာပါ။

"ထိတဲ့သူအများစုကတော့ ဆိုင်ဝန်ထမ်းတွေချည့်ပဲ ကျား ၂ ဦးကတော့ ဒဏ်ရာပြင်းထန်တယ်။ ဒဏ်ရာရသူတွေကို လူမှုကူညီရေးအသင်းတွေက ဆေးရုံပို့ပေးနေကြတယ် ထိတာက ကျား ၆ ဦး မ ၆ ဦးပါ"လို့ ဒေသခံတဦး က ပြောပါတယ်။

အဲ့ဒီ့ ပေါက်ကွဲမှုကြောင့် မြို့မဈေးမှ ဆိုင်ခန်းအများစု ပိတ်လိုက်ကြသော်လည်း မြို့မဈေးကို ဆက်လက်ဖွင့်လှစ်ထားပေမယ့်အခုထိပေါက်ကွဲမှုဖြစ်ပွားရသည့်အကြောင်းရင်းကို မသိရသေးသလို ဘယ်အဖွဲ့အစည်းကလုပ်ဆောင်တယ်ဆိုတာမျိုးလဲ အတည်မပြုနိုင်သေးပါဘူး။

ကန့်ဘလူရှိကျေးရွာနှစ်ရွာကပြည်သူပိုင်နေအိမ်များနဲ့စစ်ရှောင်တဲတွေဖျက်ဆီးခံရ

ဇူလိုင် ၊ ၄ ရက်

ကန့်ဘလူမြို့နယ် မကျီးကုန်းကျေးရွာပြည်သူပိုင်နေအိမ်
များနှင့် ချောင်းခြားကျေးရွာအနီးရှိစစ်ရှောင်တဲတွေကို စစ်ကောင်စီအကြမ်းဖက်တပ်တွေက ဝင်ရောက် မီးရှို့ဖျက်စီးခဲ့ တယ်လို့ သိရပါတယ်။

ဇူလိုင်(၃)ရက်၊မနက် ၈နာရီဝန်းကျင်မှာပဲ ကန့်ဘလူမြို့ နယ် ၊ချပ်ကြီးရွာအထိုင်စခန်းမှထွက်ခွါလာသော အင် အား (၁၀၀) ကျော်ရှိတဲ့ အကြမ်းဖက်စစ်ကောင်စီတပ် တွေဟာအဲ့ဒီ့နေ့ မွန်းလွဲ ၁ နာရီ ၄၅မိနစ်မှာပဲ မကျီးကုန်းကျေးရွာကိုရောက်ရှိခဲ့ပြီး အပြစ်မဲ့ပြည်သူပိုင်နေအိမ် (၉) လုံးနှင့် စပါးတိုက် ၅ လုံးတို့ကိုမီးရှို့ဖျက်စီးခဲ့တာလို့ ကျွန်းလှတက်ကြွလှုပ်ရှားသူများအဖွဲ့ကပြောပါတယ်။

တဆက်တည်းမှာပဲ အကြမ်းဖက်စစ်ကောင်စီတပ်ဟာပင့်သာတိုက်နယ်၊ချောင်းခြားကျေးရွာအနီးကစစ်ရှောင်တဲ (၂၅)လုံးကိုမီးရှို့ဖျက်စီးခဲ့ပြီးတဲ့နောက် အဲ့ဒီ့စစ်ကြောင်းဟာဒီကနေ့ဇူလိုင် (၄)ရက်နေ့မနက်ခင်းအချိန်ထိချောင်းခြားကျေးရွာဘုန်းကြီးကျောင်းအတွင်းမှာ ရှိနေစဲဖြစ်တယ်လို့ သိရပြီးတော့ အနီးအနားနဲ့ အဲ့ဒီ့ကျေးရွာက ပြည်သူတွေ ဟာဘေးလွတ်ရာ ကို ထွက်ပြေးတိမ်းရှောင်နေကြရတယ်လို့ ဆိုပါတယ်။

ဓါတ်ပုံ-
ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်


#ကန့်ဘလူ
#စစရှောင်

စစ်ခေါင်းဆောင်မင်းအောင်လှိုင်ပုံကိုသေးနဲ့ပန်းပြီး ပန်းသပိတ်ကမ်ပန်းပြုလုပ်

ဇူလိုင် ၊ ၃ ရက်

ဒီကနေ့ ဇူလိုင်လ ၃ ရက်နေ့မှာ ကျရောက်တဲ့ အာဏာသိမ်းစစ်ခေါင်းဆောင် မင်းအောင်လှိုင်ရဲ့ မွေးနေ့မှာ ဆန္ဒထုတ်ဖော်တဲ့အနေနဲ့ ရန်ကုန်တော်လှန်ရေးအင်အားစု (Yangon Revolution Force) က ပန်းသပိတ် ကမ်ပိန်းပြုလုပ်တယ်လို့ သူတို့ရဲ့ လူမှုကွန်ရက် စာမျက်နှာမှာ ဖော်ပြထားပါတယ်။

ဓာတ်ပုံ-YangonRevolution Force - YRF


#စစ်ကောင်စီဥက္ကဌ #မင်းအောင်လှိုင်မွေးနေ့ #ရန်ကုန်တော်လှန်ရေးအင်အားစုက #ပန်းသပိတ်ကမ်ပိန်း