Ayar Shwe Pyi

မြန်မာအမျိုးသားလေကြောင်းလိုင်းနှင့် လိုက်ပါမည့် ခရီးသည်များ လိုက်နာရမည့် စံသတ်မှတ်ချက်များ
----------------------------------------------------------
၁။ ခရီးသည်မှ ခရီးစဉ်နှင့် ရက်သတ်မှတ်ထားသော လက်မှတ်များကို MNA Ticketing Counter များ၊ Website နှင့် နီးစပ်ရာ Travel Agent တို့တွင် ဝယ်ယူရမည်ဖြစ်သည်။
၂။ ခရီးသည်များအနေဖြင့် သက်မှတ်ထားသော နေရာများတွင် ဝယ်ယူထားသော လေယာဉ်လက်မှတ် ပြ၍ ဖြစ်စေ၊ လေယာဉ်ခရီးစဉ်အတွက် ကြိုတင်စာရင်းသွင်းထားကြောင်း အတည်ပြုချက်ပြ၍ဖြစ်စေ Rapid Antigen Diagnostic Test (RDT) Kit ဖြင့် Covid-19 ရောဂါကင်းစင်ကြောင်း ကျန်းမာရေးစစ်ဆေးမှု ပြုလုပ်ပေးရမည်ဖြစ်ပါသည်။ Check-In ပြုလုပ်ရာတွင် ၃၆ နာရီအတွင်းစစ်ဆေးထားသော Negative Test Result ဖြစ်ရပါမည်။
၃ (က)။ ခရီးသည်အနေဖြင့် Rapid Antigen Diagnostic Test တွင် Positive ပြပါက မြန်မာအမျိုးသားလေကြောင်းမှ တိုက်ရိုက်ဝယ်ယူထားသော လက်မှတ်များအတွက် Free Date Change (သို့) Full Refund ပြန်လည်ပေးအပ်ပါမည်။
(ခ)။ Travel Agent မှတစ်ဆင့်ဝယ်ယူထားသော လက်မှတ်များအတွက် မိမိဝယ်ယူထားသော Travel Agent သို့ဆက်သွယ်ပေးရမည်ဖြစ်ပါသည်။
၄။ ယခင် ဝယ်ယူထားသော ပြည်တွင်းလေယာဉ်လက်မှတ်ကိုလည်း ၂၀၂၀ခုနှစ်၊ ဒီဇင်ဘာလ (၁၆)ရက်နေ့မှ စတင်ပျံသန်းမည့် ပြည်တွင်းခရီးစဉ်များအတွက် Free Date Change ပြုလုပ်ပေးပါမည်။
၅။ ပြည်တွင်းလက်မှတ် ဆိုင်ရာ လက်မှတ်ရောင်းချမှု မူလစည်းမျဉ်းသက်မှတ်ချက်များ (Fare Rules) ပြောင်းလဲခြင်းမရှိပါ။
အမှတ်စဉ် (၁) မှ (၄) သည် Covid-19 ရောဂါ ဖြစ်ပွားနေသည့်ကာလအတွင်းဖြေလျော့ပေးထားခြင်းဖြစ်သည်။
မြန်မာအမျိုးသားလေကြောင်း ပြည်တွင်းခရီးစဉ်တွင်လိုက်ပါမည့် ခရီးသွားပြည်သူများအနေဖြင့် ကျန်းမာရေး နှင့် အားကစား ဝန်ကြီးဌာနမှ ထုတ်ပြန်ထားသော လေကြောင်းလိုင်းဝန်ထမ်းများ၊ လေဆိပ်ဝန်ထမ်းများနှင့် လေယာဉ်စီးခရီးသည်များ လိုက်နာရမည့် ကျန်းမာရေးဆိုင်ရာ စံသတ်မှတ်ချက် အားသေချာစွာ ဖတ်ရှုလေ့လာပေးရန် လိုအပ်ပါသည်။
-မြန်မာအမျိုးသားလေကြောင်းမှ ကြေငြာချက်-