People Medic Force

ကျွန်တော်တို့ရဲ့ ပြည်သူများအားလုံးကို အသိပေးအပ်ပါတယ်
​ကျွန်တော်တို့ရဲ့ [People Medic Force] ပြည်သူ အပေါင်းတို့ခင်ဗျာ။
​ဒီနေ့ ဒီအချိန်မှာ Page ရဲ့ လှုပ်ရှားမှုတွေ၊ အကြောင်းအရာအသစ်တွေ တင်ဆက်မှုအပိုင်းမှာ အရင်ကလောက် active မဖြစ်တာကို အားလုံးသတိထားမိကြမယ်လို့ ထင်ပါတယ်။ ကျွန်တော်တို့အနေနဲ့လည်း medical post တေွကို အချိန်မီ အကြောင်းကြားခြင်းမရှိဘဲ လစ်ဟင်းသွားတာအတွက် အနူးအညွတ်တောင်းပန်အပ်ပါတယ်။
​Page ကို စီမံခန့်ခွဲနေတဲ့ Admin အဖွဲ့ဝင်အားလုံးဟာ လက်ရှိအချိန်မှာ နိုင်ငံတော်ရဲ့ အရေးကြီးတဲ့ စစ်ဆင်ရေးနယ်မြေ (သို့မဟုတ်) ရှေ့တန်းနယ်မြေ တွေကို တာဝန်ထမ်းဆောင်ဖို့ ရောက်ရှိနေကြပါပြီ။
​ကျွန်တော်တို့အတွက် အရေးအကြီးဆုံးကတော့ ပြည်သူလူထုရဲ့ အသက်အိုးအိမ်စည်းစိမ်နဲ့ လုံခြုံရေးပဲ ဖြစ်ပါတယ်။ ထို့အတွက်ကြောင့် တစ်ချိန်လုံး Page လှုပ်ရှားမှုတွေလုပ်နေခဲ့ရတဲ့ Admin ညီအစ်ကို မောင်နှမများအားလုံးဟာ နိုင်ငံတာဝန်၊ ပြည်သူ့တာဝန်ကို ကျေပွန်စွာ ထမ်းဆောင်နေတာမို့ စာရေးသား တင်ဆက်ဖို့၊ message တွေကို ချက်ချင်းပြန်ကြားဖို့ အခြေအနေ မပေးနိုင်သေးပါဘူးခင်ဗျာ။
​​ဒီကာလအတွင်း Page ကနေ အကြောင်းအရာအသစ်များ၊ Post အသစ်များ ပုံမှန်အတိုင်း တင်ဆက်နိုင်ခြင်း မရှိသေးရင်တောင် အရင်က Post များနဲ့ အခြားအရေးကြီးတဲ့ အချက်အလက်များကိုတော့ ဆက်လက် ကြည့်ရှုနိုင်ပါသေးတယ်။
​ကျွန်တော်တို့ရဲ့ Admin အဖွဲ့အားလုံး ဘေးကင်းလုံခြုံစွာနဲ့ တာဝန်ကျေပွန်ပြီး အချိန်တစ်ခုရောက်လို့ ပြန်လည်ရောက်ရှိလာတဲ့အခါမှာ အရင်ကထက်ပိုကောင်းတဲ့ အကြောင်းအရာတွေ၊ ပိုပြီးစုံလင်တဲ့ အချက်အလက်တွေနဲ့ ပြည်သူကို ပြန်လည်ပြီး အလုပ်အကျွေးပြုသွားမှာဖြစ်ပါတယ်။
​ပြည်သူအားလုံး ကျန်းမာပျော်ရွှင်ကြပါစေ။ ကျွန်တော်တို့ကို မေတ္တာနဲ့နားလည်ပေးတဲ့အတွက် အထူးကျေးဇူးတင်ရှိပါတယ်။ ကျွန်တော်တို့ ပြန်ရောက်တဲ့အချိန်အထိ စောင့်မျှော်အားပေးကြပါဦးလို့ မေတ္တာရပ်ခံရင်း...

​လေးစားစွာဖြင့်၊
[People Medic Force] Admin အဖွဲ့

အဖျားကြီးခြင်း (Fever )
အဖျားကြီးခြင်းကို အဖျားကျဆေး မသောက်ထားဘဲ ခန္ဓာကိုယ်အပူချိန် ၃၇.၈°C (၉၉.၉°F) သို့မဟုတ် ဒီထက်ပိုနေခြင်းလို့ သတ်မှတ်ပါတယ်။

ခန္ဓာကိုယ် အပူချိန် အမျိုးမျိုးနှင့် အန္တရာယ်များ
🍀 ပုံမှန်အပူချိန် = 37°C +/- 0.5°C
🍀 ခန္ဓာကိုယ် အပူချိန် လွန်စွာကျဆင်းခြင်း(Hypothermia) = < 36.4°C

ပြင်းထန်စွာ အဖျားကြီးခြင်း (High fever)
🍀 သင့်အတင့်ဖျားခြင်း (Moderate pyrexia)
> 37.6°C
🍀 ပြင်းထန်စွာဖျားခြင်း (High pyrexia)= 38.5°C
🍀 ခန္ဓာကိုယ်အပူချိန် ၄၁°C ထက်ပိုနေပါက ခန္ဓာကိုယ်ရဲ့ အပူချိန်ထိန်းချုပ်နိုင်စွမ်းတွေ ဆုံးရှုံးသွားပြီး ချွေးထွက်ခြင်း ရပ်တန့်သွားပါမယ်။ ဆဲလ်တွေနဲ့ တစ်ရှူးတွေ ပျက်စီးပြီး လုပ်ငန်းဆောင်တာတွေ ဆုံးရှုံးသွားပါမယ်။
🍀 ခန္ဓာကိုယ်အပူချိန် ၄၂°C ထက်ပိုနေပါက လူနာဟာ တက်လာပြီး နာရီအနည်းငယ်အတွင်းမှာပဲ အသက်ဆုံးရှုံးနိုင်ပါတယ်။

⚫အဖျားအမျိုးမျိုးနဲ့ ရောဂါများ

🍀 အဖျားဆက်တိုက်ရှိနေခြင်း (Constant fever): လူနာရဲ့ ခန္ဓာကိုယ်အပူချိန်ဟာ အမြဲတမ်း မြင့်တက်နေပါတယ်။ ဒီအဖျားမျိုးကို အများအားဖြင့် အူရောင်ငန်းဖျား (typhoid)၊ တီဘီ (TB) သို့မဟုတ် အဆုတ်ရောင် (pneumonia) ရောဂါရှိသူတွေမှာ တွေ့ရတတ်ပါတယ်။
🍀 အဖျားအတက်အကျရှိသော်လည်း မကျခြင်း (Remittent fever): လူနာရဲ့ ခန္ဓာကိုယ်အပူချိန်ဟာ သူ့အလိုလို တက်လိုက်ကျလိုက်ဖြစ်ပေမယ့် ပုံမှန်အပူချိန်ထက်တော့ အမြဲမြင့်နေပါတယ်။ ဒီအဖျားမျိုးကို အကြောင်းရင်းမသိတဲ့ဖျားနာခြင်း၊ Scrub typhus စတဲ့ ရောဂါတွေမှာ တွေ့ရတတ်ပါတယ်။
🍀 အဖျားကြီးလိုက်၊ အဖျားကျလိုက်ဖြစ်ခြင်း (Intermittent fever or swinging fever): လူနာရဲ့ ခန္ဓာကိုယ်အပူချိန်ဟာ အရမ်းမြင့်တက်လာပြီး ၂၄ နာရီအတွင်းမှာ ပုံမှန်အပူချိန်အောက်အထိ ကျဆင်းသွားပါတယ်။ ခန္ဓာကိုယ်အပူချိန်ဟာ အရမ်းမြင့်တဲ့အပူချိန်နဲ့ အရမ်းနိမ့်တဲ့အပူချိန်ကြားမှာ ဆက်တိုက် အလှည့်ကျ ပြောင်းလဲနေပါတယ်။ ဒီအဖျားမျိုးကို အများအားဖြင့် သွေးဆိပ်တက်ခြင်း (sepsis) သို့မဟုတ် အရိုးပိုးဝင်ခြင်း ရောဂါရှိသူတွေမှာ တွေ့ရတတ်ပါတယ်။
🍀 အဖျားပြန်ပေါ်ခြင်း (Relapsing fever): လူနာဟာ ဖျားပြီးနောက်မှာ အဖျားဟာ သူ့အလိုလို ပျောက်ကင်းသွားပါတယ်။ အဲဒီနောက် ၂-၃ ရက်ကြာတဲ့အခါမှာတော့ အဖျားက ပြန်ပေါ်လာပါတယ်။ ဒီအဖျားမျိုးကို အများအားဖြင့် ငှက်ဖျားရောဂါ (malaria) သို့မဟုတ် ဦးနှောက်အမြှေးရောင်ရောဂါ (meningitis) ရှိသူတွေမှာ တွေ့ရတတ်ပါတယ်။
🍀 အဖျားပုံမှန်မရှိခြင်း (Irregular fever): အဖျားဟာ အထက်မှာ ဖော်ပြထားတဲ့ အဖျားအမျိုးအစားတစ်ခုခုနဲ့ မကိုက်ညီပါဘူး။ ဒီအဖျားမျိုးကို အများအားဖြင့် လူနာက ပဋိဇီဝဆေး (antibiotic) သို့မဟုတ် အဖျားကျဆေး (antipyretic drug) တွေ သောက်သုံးတဲ့အခါမှာ တွေ့ရတတ်ပါတယ်။

🍀 အဖျားနဲ့ဆက်စပ်တဲ့ ရောဂါလက္ခဏာများ
* ချမ်းတုန်ခြင်း (Chills)
* တဆတ်ဆတ်တုန်ခြင်း (Rigor)
* အနီစက်များ ထွက်ခြင်း (Rashes): အရေပြားရဲ့ အသွင်အပြင် (texture) ဒါမှမဟုတ် အရောင် (color) ပြောင်းလဲသွားခြင်း။ အရေပြားတွေက အဖတ်လိုက်ဖြစ်တာ၊ အဖုထတာ၊ ယားယံတာ ဒါမှမဟုတ် တခြား နာကျင်မှုတွေ ဖြစ်စေနိုင်ပါတယ်။
* ချောင်းဆိုးခြင်း (Cough)
* ခေါင်းကိုက်ခြင်း (Headache)
* ဆီးသွားရင် နာကျင်ခြင်း (Dysuria)
* အဆစ်တောင့်တင်းခြင်း (Arthralgia)
* အဆစ်ရောင်ခြင်း (Arthritis)
* ကြွက်သားကိုက်ခဲခြင်း (Myalgia)

🍀 ပြင်းထန်သော ရောဂါလက္ခဏာများ
* သွေးဆိပ်တက်ခြင်းနှင့် ရှော့ခ်ရခြင်း (Sepsis and shock)
* Systemic illness: ဦးနှောက်အမြှေးရောင်ခြင်း (Meningism)၊ တက်ခြင်း (seizures)
စိတ်ရှုပ်ထွေးခြင်း (confusion)
အလင်းရောင်မခံနိုင်ခြင်း (photophobia)၊ အဆက်မပြတ်အန်ခြင်း (persistent vomiting)၊ ဝမ်းဗိုက်တောင့်တင်းခြင်း (rigid abdomen)
အနီစက်ထွက်ခြင်း (rash)
အသက်ရှူရခက်ခဲခြင်း (difficulty breathing)၊ ရင်ဘတ်အောင့်ခြင်း (chest pain) စသည်တို့ ဖြစ်ပါတယ်။
* အထူးအခြေအနေများ (Special general condition): ကိုယ်ဝန်ဆောင်ခြင်း၊ အာဟာရချို့တဲ့ခြင်း၊ ကိုယ်ခံအားကျဆင်းနေခြင်း၊ ဘေလုံးဖြတ်ထားခြင်း၊ နာတာရှည်ရောဂါများ၊ အသက်အရွယ်မရွေးငယ်လွန်းသူ သို့မဟုတ် အသက်အရွယ်ကြီးလွန်းသူများ။
🍀 အပူချိန်တိုင်းတာပုံ
* ဂျိုင်းကြားမှ တိုင်းတာခြင်း (Axilla): မှန်ကန်စွာ တိုင်းတာဖို့အတွက် ၅ မိနစ် အချိန်ယူရပါမယ်။ (+၁°F သို့မဟုတ် +၀.၅°C ထပ်ပေါင်းရပါမယ်။)
* ပါးစပ်မှ တိုင်းတာခြင်း (Orally)
* စအိုမှ တိုင်းတာခြင်း (Per rectally)

🍀 ကုသမှု (TREATMENT)
ပြင်းထန်တဲ့ ရောဂါလက္ခဏာတွေ ရှိမရှိ စစ်ဆေးပြီး သင့်လျော်တဲ့ ကုသမှု ပေးရပါမယ်။ (ဥပမာ- ပဋိဇီဝဆေး၊ ငှက်ဖျားဆေး စသည်)
အဖျား ၃၈°C ထက်ပိုနေပါက:
* မလိုအပ်တဲ့ အဝတ်အစားတွေ ချွတ်ပေးပါ။
* စောင်တွေ ဖယ်ရှားပေးပါ။
* ရေနွေးနွေးနဲ့ ရေပတ်တိုက်ပေးပါ။
* Paracetamol ဆေးကို ပါးစပ်ကနေ သောက်ဆေးအဖြစ် ပေးပါ။ (လူကြီးအတွက်: တစ်ခါသောက် ၁ ဂရမ်ကို တစ်နေ့ ၄ ကြိမ် (အများဆုံး တစ်နေ့ ၄ ဂရမ်အထိ)။ ကလေးအတွက်: တစ်ကီလိုဂရမ်ကို ၁၅ မီလီဂရမ်နှုန်း (အများဆုံး တစ်နေ့ ၂ ဂရမ်အထိ) ပေးပါ။)
* အဖျားဆက်တိုက်ကြီးနေပါက ibuprofen ဆေးကို ပါးစပ်ကနေ သောက်ဆေးအဖြစ် ပေးဖို့ စဉ်းစားပါ။ (အရေးကြီး သတိပေးချက်: NSAIDs ဆေးအားလုံးဟာ နှလုံးသွေးကြောနဲ့ အစာအိမ် အူလမ်းကြောင်းဆိုင်ရာ ဘေးအန္တရာယ်တွေကို ဖြစ်စေနိုင်ပါတယ်)
* လူနာကို ရေဓာတ်ဖြည့်ပေးပါ။ (ရေများများ သောက်ခိုင်းပါ၊ မသောက်နိုင်ပါက အကြောထဲကနေ အရည်သွင်းပေးပါ)

🍀 နောက်ဆက်တွဲပြဿနာ (COMPLICATION)
အပူချိန် ရုတ်တရက် အတက်အကျမြန်ခြင်းဟာ အသက် ၅ နှစ်အောက် ကလေးငယ်အနည်းငယ်မှာ အဖျားကြောင့် တက်ခြင်းကို ဖြစ်စေနိုင်ပါတယ်။
🍀 အထူးအခြေအနေရှိသူများတွင် အဖျားဖြစ်စေသော အကြောင်းအရင်းများ
* ကိုယ်ဝန်ဆောင်အမျိုးသမီးများ (Pregnant Women)
* ငှက်ဖျားရောဂါ (Malaria)
* ဆီးလမ်းကြောင်းနှင့် တင်ပါးဆုံတွင်း ပိုးဝင်ခြင်း (Urinary and pelvic infection)
* အသက်ရှူလမ်းကြောင်းဆိုင်ရာ ပိုးဝင်ခြင်း (Respiratory infection)
ကလေးမွေးဖွားစဉ်ကာလ (During delivery)
* သားအိမ်တွင်း ပိုးဝင်ခြင်း (Uterine infection)
* အချင်းကျန်ခြင်း (Placenta retention)
* သွေးပြန်ကြောရောင်ခြင်း (Phlebitis)


#ပြည်သူ့အတွက်pmf