DSV KINGS

အာဆင်နယ်နဲ့ပွဲစဉ်အတွက် အန်ဖီးပရိတ်သတ်တွေကို အကူအညီ တောင်းလိုက်တဲ့ #ကလော့

===============================

ယာဂန်ကလော့က လာမည့် တနင်္ဂနွေနေ့ ပရီးမီးယားလိဂ် leaders အာဆင်နယ်တို့ အန်ဖီးမှာ လာရောက် ကစားရမယ့် ပွဲစဉ်မှာ လီဗာပူး အနေနဲ့ ပရိတ်သတ်ရဲ့ အကူအညီကို လိုအပ်တယ်လို့ ဆိုလိုက်ပါတယ်။ ဂန်းနားတို့ဟာ အကောင်းဆုံးပုံစံနဲ့ အန်ဖီးကို လာရောက်မှာ ဖြစ်ပြီး အာတီတာရဲ့ အသင်းဟာ နောက်ဆုံး လိဂ်ပွဲစဉ် ၇ ပွဲဆက် နိုင်ထားခဲ့ပြီး ဇယားထိပ်မှာ ၈ မှတ်အသာနဲ့ ဦးဆောင်နေတာ ဖြစ်ပါတယ်။

လီဗာပူးကတော့ ဒီရာသီမှာ အဝေးကွင်းရလဒ်တွေ အတော်လေး ဆိုးရွားနေပေမယ့်လည်း အိမ်ကွင်း ရလဒ်မှာတော့ ပရီးမီးယားလိဂ်ရဲ့ တတိယအကောင်းဆုံး အသင်း ဖြစ်နေပါတယ်။ ကလော့က လာမည့် တနင်္ဂနွေနေ့မှာ အန်ဖီးရဲ့ atmosphere ဟာ ဘယ်လောက်တောင် အရေးပါသလဲဆိုတာ ကောင်းကောင်း သိနေပြီး အိမ်ကွင်း ပရိတ်သတ်ဟာ အသင်းရဲ့ ရလဒ်အတွက် တစ်စိတ်တစ်ပိုင်း ပါ၀င်လာနိုင်တယ်ဆိုတာ လျို့ဝှက်ချက် မဟုတ်ဘူးလို့ ဆိုခဲ့ပါတယ်။

ဂျာမန် နည်းပြ “ကျနော်တို့ကွင်း ကျနော်တို့ ပရိတ်သတ်တွေနဲ့ ကောင်လေးတွေရဲ့ ပေါင်းစပ်မှုဟာ တကယ်ကို ကောင်းမွန်ပါတယ်။ ကျနော်တို့ သူတို့ကို ပါ၀င်လာအောင် လုပ်သွားရမှာပါ။ ဒါပေမယ့် ဒီအပေါ် မှီခိုသွားမှာတော့ မဟုတ်ပါဘူး။ ကျနော်တို့ ရထားကို အတူ တွန်းရမှာပါ။ ဒီအချိန်မှာတော့ ကျနော်တို့ လုပ်နိုင်မယ်ဆိုတဲ့ ခံစားချက်ကောင်းကို ရနေပါတယ်။”

ဆက်လက်ပြီး ကလော့က “ဒါဟာ အိမ်ကွင်းပွဲစဉ်ပါ။ ပရိတ်သတ်ဟာ ကျနော်တို့ အတွက် ကြီးမားတဲ့ အင်အား ဖြစ်နိုင်ပါတယ်။ challenge တွေ ၊ လျှောထိုးဖျက်ထုတ်တွေနဲ့ ပြိုင်ဘက်ရဲ့ ပေးပို့မှုက ဘေးထွက်တာတွေ ဖြစ်ခဲ့မယ်ဆိုရင် သူတို့ အောင်ပွဲခံကြမှာပါ။ ဒီကနေ အားလုံး စတင်တာပါပဲ။ ဒီလို သေးငယ်တဲ့ အောင်ပွဲတွေကနေ တည်ဆောက်သွားရမှာပါ။ အဲဒီနောက် ရုတ်တရက် ဆိုသလို ယုံကြည်မှုအကြောင်းကို ဘယ်ကောင်လေးမှ တွေးဖြစ်တော့မှာ မဟုတ်ပါဘူး။ သူတို့ အရင်လို ပြန်ဖြစ်သွားမှာပါ။” လို့ ဆိုခဲ့ပါတယ်။