Dream Angle

🌹🌹 ဘုရားကျောင်းဆောင်၏ တန်ဖိုး 🌹🌹

အိမ်ဦးခန်း ဘုရားစင် တစ်ခုတည်းဖြင့်
ကုသိုလ်ရေးကိစ္စ , ပါရမီရေးကိစ္စ
အားလုံး ပြီးစီး နိုင်ပါတယ် ။

မိမိတို့ အိမ်ဦးခန်း ရှိ ဘုရားခန်း
ဘုရားကျောင်းဆောင်တော်၌

" တိဋ္ဌန္တေ နိဗ္ဗုတေစာပိ သမေစိတ္တေ သမံ ဖလံ "

သက်တော်ထင်ရှား မြတ်စွာဘုရား၌ လည်းကောင်း
ပရိနိဗ္ဗာန် စံတော်မူ သွားကုန်သော
ဘုရားရှင်တို့ ၌ လည်း ကောင်း ။
' စိတ် စေတနာ ' တူမျှသည် ရှိသော်
တူသော အကျိုး ပေး၏ " ...

ဟူသော ဒေသနာတော် ကို ယုံကြည် မြတ်နိုး ၍
ပုံတော်ကို ဂုဏ်တော်သွင်းပြီး

( ၁ ) ဒါန ပါရမီ

ဘုရားစင်၌ ဆွမ်း , ရေချမ်း , ပန်း စသည်တို့ကို
လှူ ဒါန်းခြင်း - ဒါနပါရမီ ။

( ၂ ) သီလ ပါရမီ

ဘုရားစင်ရှေ့၌ သက်တော်ထင်ရှား
မြတ်စွာဘုရား ထံတော်ပါး ကဲ့သို့ 'သီလ' ကို
ရိုသေစွာ ခံယူ ဆောက်တည်ခြင်း - သီလပါရမီ ။

( ၃ ) နေက္ခမ ပါရမီ

ဘုရားစင်ရှေ့၌ မကောင်းသော အကြံအစည်
အကုသိုလ်များမှ ခေတ္တ ရုန်းထွက်၍
မေတ္တာ ဘာဝနာ စသည် တို့ကို ပွားများနေခြင်း -
နေက္ခမပါရမီ ။

( ၄ ) ပညာ ပါရမီ

ဘုရားစင်ရှေ့၌ အာနာပါန သမထ
ဝိပဿ နာ စသည်တို့ကို အားထုတ်ခြင်း -
ပညာပါရမီ ။

( ၅ ) ဝီရိယ ပါရမီ

ဘုရားစင်ရှေ့၌ ဒါန ,သီလ ,သမာဓိ, ပညာ ဖြင့်
အကုသိုလ်များ မဖြစ်ပွားဘဲ ကုသိုလ်တရား
ဖြစ်ပွားအောင် ကြိုးစား အားထုတ်ခြင်း -
ဝီရိယပါရမီ ။

( ၆ ) ခန္တီ ပါရမီ

ဘုရားစင်ရှေ့၌ ညောင်းညာခြင်း , ပျင်းရိခြင်း ,
ခြင်ကိုက်ခြင်း စသည်တို့ကို သည်းခံ၍
ကုသိုလ်တရားတို့ကို ကြိုးစားခြင်း - ခန္တီပါရမီ ။

( ၇ ) သစ္စာ ပါရမီ

ဘုရားစင်ရှေ့၌ ဘုရားစာဆိုခြင်း ,
ပရိတ်ရွတ်ဖတ်ခြင်း စသော - သစ္စာပါရမီ ။

( ၈ ) အဓိဋ္ဌာန် ပါရမီ

ဘုရားစင်ရှေ့၌ ဝတ္တရားမပျက် ကုသိုလ်တရားတို့ကို
ခိုင်မြဲစွာ ပြုလုပ် ဆောက်တည်ခြင်း - အဓိဋ္ဌာန်ပါရမီ။

( ၉ ) မတ်ေတာ ပါရမီ

ဘုရားစင်ရှေ့၌ သတ္တဝါတို့အပေါ် မေတ္တာပို့ခြင်း ,
မေတ္တာပွားများခြင်း - မေတ္တာပါရမီ ။

( ၁၀ ) ဥပေက္ခာ ပါရမီ

ဘုရားစင်ရှေ့၌ "သဗ္ဗေသတ္တာ ကာမ္မသကာ " ဟု
အကြောင်းကံ ကို နှလုံသွင်း ဆင်ခြင်ခြင်း -
ဥပေက္ခာပါရမီ ။

~ တည်းဟူသော ' ပါရမီ ဆယ်ပါး ' ကုသိုလ်
တရားထူးကြီးများကို ဘုရားစင် တစ်ခုတည်းက
ပေးစွမ်းနိုင်ပါကြောင်း ကို 'မျက်စိမလျှမ်းကြဖို့ '
အကျိုးမျှော်၍ နိုးဆော် အပ်ပါသည်။ "


မေတ္တာဖြင့်....
#ဝင်းသီဟကျော်