AALS-Aung Academy Language School

AALS (3 Years Anniversary)

AALS ကိုကျောင်းတစ်ခုအနေနဲ့စတင်ခဲ့တာ ဒီနေ့ဆို (3) နှစ်ပြည့်ပါပြီ

3 နှစ်တာကာလက ခဏလေးလို့ထင်ရအောင်လို့ ပျော်ရွှင် စိတ်လှုပ်ရှားစရာ အချိန်တွေ၊ တပည့်တွေအောင်မြင်မှုအတွက်ဂုဏ်ယူရတဲ့အချိန်တွေ၊ စိတ်ပင်ပန်းခဲ့ရတဲ့အချိန်တွေ စတဲ့ အမှတ်တရအမျိုးမျိုးနဲ့ဖြတ်သန်းခဲ့ကြပါပြီ

ကျောင်းစတင်ခဲ့တဲ့ ရည်ရွယ်ချက်က ကိုယ်ငယ်ငယ်တည်းက နေထိုင်ကြီးပြင်းရာမြို့ လှိုင်သာယာမြို့နယ်က ကလေးတွေတွက် English စွမ်းရည်တိုးတက်လာဖို့နဲ့ နိုင်ငံတကာသင်ရိုးတွေကို ကျောင်းလခ သက်သက်သာသာနဲ့ ကလေးတိုင်းသင်ယူနိုင်ဖို့ဆိုတဲ့ စိတ်ကူးနဲ့စတင်ဖြစ်ခဲ့တယ်။

ကျွန်မမိဘတွေရဲ့ လမ်းညွှန်ဖေးမမှု၊ ကျွန်မရဲ့ ဆရာမ တီချယ် နန်းမွေလင်းရဲ့ ကူညီလမ်းညွှန်မှု၊ ဦးအောင်မျိုးဇော်+ အန်တီခိုင် တို့ရဲ့ ကူညီပံပိုးမှုတွေ၊ ကျောင်းသားမိဘတွေ ရဲ့မေတ္တာနဲ့ပံ့ပိုးကူညီမှုတွေ နဲ့ AALS ကို စတင်ဖြစ်ခဲ့ပါတယ်။
စိတ်ကူးတူ ဆရာမတွေဖြစ်တဲ့ Tr Yadanar, Tr Thaw, Tr Hnin Nu, Tr Thae တို့ပါဝင်ပေးကြပြီး အတူတူ လက်တွဲပုံဖော်ခဲ့တယ်။

စတင်တဲ့အချိန်တွေက ကိုယ်မှန်းတာထက်ပိုခက်ခဲခဲ့တယ် နေ့တိုင်းစိန်ခေါ်မှုတွေ အပြည့်၊ ကိုယ်ရည်ရွယ်ချက်အတိုင်း ကျောင်းလခကို သက်သာစေချင်တယ်၊ ကလေးတွေကိုလည်း Facilities ကောင်းကောင်းပေးချင်တယ်ဆိုတဲ့စိတ်က ကျောင်းအတွက်မနိုင်ဝန်ထမ်းခိုင်းသလိုဖြစ်ခဲ့တယ်၊ အားလုံးဝိုင်းတရားချလည်း ကိုယ်ကမရ၊ ကိုယ့်တပည့်တွေ အတွက်ဘယ်လိုဖြစ်ဖြစ်ရအောင် တောင့်ခံမယ်၊ ကိုယ့်ကျောင်းသားမိဘတွေကိုလည်း ကျောင်းလခတွေအတွက် မခက်ခဲစေချင်ပြန်။
ဒီလိုနဲ့ AALS 2023, 2024, 2025 ခုနှစ်​ မှာ တာဝန်ထမ်းဆောင်ခဲ့ကြသော ဆရာမများ၊ ဝန်ထမ်းများအားလုံး၊ ကျွန်မတို့အတူတူ ကျွန်မတို့ရဲ့ရည်ရွယ်ချက်ဖြစ်မြောက်အောင် ကြိုးစားခဲ့ကြတယ်

တစ်ခါတစ်လေ ခက်ခဲလွန်းလို့၊ တစ်ချို့မိဘတွေရဲ့စကားတွေကြောင့် ငါတို့တော်ပြီ၊ ငါတို့ဒီလောက်ခက်ခက်ခဲခဲတောင့်ခံပေးနေလည်း အလကားပါလားလို့ တွေးရလောက်အောင် စိတ်ညစ်ရတဲ့နေ့တွေလည်းရှိခဲ့ဖူးတယ်။ ဒါပေမဲ့ ကျောင်းကိုစတင်တည်ထောင်တဲ့ နေ့က စိတ်ကူးနဲ့ရည်ရွယ်ချက်ကို ပြန်မြင်ယောင်ရင်း 'ကလေးတွေအတွက် ရည်ရွယ်ပြီးဖွင့်ခဲ့တာ၊ ငါတို့တီချယ်တွေအလုပ်က ကလေးတွေကို ငါတို့လက်လှမ်းမှီသလောက် ငါတို့သိထား၊ တတ်မြောက်ထား၊ ကျွမ်းကျင်ထားတဲ့ပညာတွေကို သင်ကြားပေးဖို့' ဆိုတဲ့စိတ်နဲ့ပြန်ရပ်တည်ခဲ့ကြရတယ်။

3 နှစ်တာကာလမှာ အခက်ခဲတွေ၊ စိန်ခေါ်မှုတွေနဲ့နေသားကျနေပါပြီ၊

အခက်ခဲတွေအပြင် ပျော်စရာတွေလည်းအများကြီး၊ သင်ယူလေ့လာဖြစ်တာတွေလည်းအများကြီးရှိခဲ့ပါတယ်

တပည့်တွေစာမေးပွဲတွေမှာ ရလဒ်ကောင်းတွေရရင်ဝမ်းသာမိတယ်၊ သူတို့လေးတွေရဲ့ ပညာရေးတိုးတက်မှုတွေတွေ့တဲ့အခါဝမ်းသာရတယ်။
မိဘတွေရဲ့ ကိုယ့်သား၊သမီးတိုးတက်မှုအပေါ်ဂုဏ်ယူနေတဲ့အပြုံးတွေတွေ့တော့ ကိုယ်တို့ဆရာမများလည်း ဝမ်းသာပီတိဖြစ်ကြရပါတယ်။

ဆရာ၊ဆရာမများအတွက်လည်း သင်တန်းများပံံ့ပိုးပေးနိုင်ခဲ့တာလည်းဝမ်းသာရပါတယ်။

နောက်ဆုံးစာရှည်ကြီးကို နိဂုံးချုပ်ရရင် AALS ကိုစတင်ခဲ့တာ ကလေးတွေကိုစာသင်ချင်လို့ပါ၊ စာသင်ရတာကို ကြိုက်နှစ်သက်လို့ပါ၊ ကလေးချစ်တဲ့ဆရာမပါ။ နောင်နှစ်တွေမှာလည်း ကိုယ်စွမ်း၊ဉာဏ်စွမ်းရှိသမျှကြိုးစားသွားပါမယ်ရှင့်

Tr Pont (Founder & Principal)
AALS
2.2.2026

🎉 Good old memories, Back to 2018🎉

(2018 မှ 2022 တွင် တက်ရောက်ခဲ့ကြသော ကျောင်းသား၊ကျောင်းသူများ)

AALS ကျောင်းစတင် မတည်ထောင်ခင်က
"Tr Pont" English သင်တန်းမှာ စတင်တက်ရောက်ခဲ့ကြတဲ့ ကျောင်းသူ၊ ကျောင်းသားလေးများရဲ့ ပျော်ရွင်စရာ မှတ်တမ်းလေးတွေ

သူတို့ကိုစသင်တော့ ကိုယ်ကလည်း အသက် 22 နှစ် International School တစ်ခုမှာ Assistant Teacher လုပ်နေတုန်း မိဘချင်း ကြော်ငြာပေးရင်းက တစ်ကြောင်း၊ အိမ်ကအမေမူကြိုဖွင့်တဲ့ နှစ်ပေါင်း 20 သက်တမ်းတစ်လျောက် အသိမိတ်ဆွေတွေ၊ အမေရဲ့တပည့်ကလေးမိသားစုတွေရဲ့ ကြော်ငြာပေးရာကနေ 2018 မှာ ကလေးလေးတွေကို စတင်ပြီး
4 Skills English နဲ့ Cambridge Exam Starters, Movers and Flyers အတန်းတွေကို သင်ဖြစ်ခဲ့ရင်း ဆရာမဘဝ လာခဲ့သူ မိမိ🥰

Covid ကာလကြုံတော့လည်း classတွေကနေ Zoom ကိုပြောင်းကြ၊ နိုင်ငံရေးအကြပ်အတည်းတွေကြုံရတော့လည်း အချင်းချင်းအားပေးကြရင်း စာတွေသင်ကြ တစ်ယောက်နဲ့တစ်ယောက် ကူညီကြရင်း အခက်ခဲတွေကို ဖြတ်ကျော်ခဲ့ကြတာ တွေသတိရပါတယ်
ကိုယ့်တပည့်တွေ စာသင်ကြရင် တက်ကြွစွာသင်ကြ၊ Group project တွေလုပ်ကြ၊ Presentation တွေလေ့ကျင့်ကြရင်း English ကို အခြေခံကစ လေ့လာခဲ့ကြတယ်၊
ခုဆို တစ်ချို့ကလေးတွေက ဆရာ၊ဆရာမတွေဖြစ်နေကြပြီ၊ တစ်ချို့က ပြည်ပမှာ ကျောင်းတက်နေကြသူနဲ့ ခု FCE အတန်းတွေ၊ Cambridge-8,7,6,5 တွေမှာ တက်နေကြတုန်းသူတွေ၊ တစ်ချို့ကလည်း နေရာတွေပြောင်းကြသူ နဲ့ တစ်နေရာစီဝေးကြရင်း လွမ်းမိပါတယ် တပည့်တို့ရေ

ပုံတွေထဲမှာ မပါပေမဲ့ တို့ရဲ့ကျောင်းသား၊ကျောင်းသူတွေ၊ မိဘတွေ၊ မိသားစုတွေကို ကျွန်မဘယ်တော့မှ မမေ့ပါဘူးရှင့်၊ ကျွန်မတို့အခက်ခဲဆုံးဆိုတဲ့အချိန်တွေကို အတူတူကျော်ဖြတ်ခဲ့ကြရင်း ဒီနေ့ AALS- Aung Academy Language School ဆိုတဲ့ ကျောင်းသေးသေးလေးဖြစ်လာတဲ့ အဓိက အရေးပါတဲ့ ကျွန်မဘဝရဲ့ VVIP များ။

Tr Pont
December 2025

End of year party at AALS🎉🎉🎉🥳🥳

Teacher Training (AALS)

Teacher Taining အတန်းများအားလုံးကို တက်ကြွစွာပါဝင် တက်ရောက်ကြသော AALS မှ တီချယ်များ🥰🥰🥰

December Exam Session (PET)

Good Luck Teresa 🍀🍀🍀🍀