T For Tech Elevator Services
Share
Contact information, map and directions, contact form, opening hours, services, ratings, photos, videos and announcements from T For Tech Elevator Services, Engineering service, Kawliya Street, South Okkalapa Tsp;, Yangon.
11/06/2023
ဓာတ်လှေကားတွင်း ပိတ်မိခြင်း
----------------------------------
လက်ရှိ ကျနော်တို့ နိုင်ငံမှာ လျှပ်စစ်မီးပြတ်တောက်မှုကြောင့် ဓာတ်လှေကားများ စီးနင်းနေစဉ် ရုတ်တရက် ရပ်တန့်သွားပြီး အထဲမှာ လူပိတ်မိနေတဲ့ ဖြစ်စဉ်များ မကြာခန ဖြစ်ပွားလေ့ရှိတာကိုတွေ့ရှိရပါတယ်။ ထိုကဲ့သို့ လျှပ်စစ်မီးပြတ်တောက်မှုကြောင့်ဖြစ်စေ ဓာတ်လှေကား စက်ချို့ယွင်းမှုကြောင့်ဖြစ်စေ ဓာတ်လှေကား စီးနင်းစဉ် ပိတ်မိခြင်းများ ကြုံတွေ့ရပါက
အောက်ပါအချက်အလက်များကို လိုက်နာကျင့်သုံးနိုင်ရန်နှင့် ဗဟုသုတရစေရန် ရေးသားဖော်ပြလိုက်ပါတယ်။
(ဤပိုစ့်တွင် ဓာတ်လှေကားတွင်ပါရှိသော Emergency Unit နှင့် Auto Rescuing Device (ARD) များ အကြောင်းကို ထည့်သွင်းရှင်းပြထားခြင်းမရှိပါ။ သီးသန့်ထပ်မံဖော်ပြပေးပါမည်။)
1. ဓာတ်လှေကားအတွင်း အသက်ရှူကြပ်ခြင်းနှင့် ဓာတ်လှေကားလေ၀င်လေထွက်စနစ်များ။
ဓာတ်လှေကားအိမ်၏ တည်ဆောက်ပုံသည် အလုံပိတ်စနစ်မဟုတ်ပါ။ အပြင်မှမမြင်နိုင်သော မျက်နှာကြက်အတွင်းရှိ Line Flow Fan များကို တစ်လုံး သို့မဟုတ် တစ်လုံးထပ်ပိုသော အရည်အတွက်များဖြင့်တပ်ဆင်ထားပါသည်။ ထို Fan များသည် ဓာတ်လှေကားအိမ်ပြင်ပ(ဓာတ်လှေကားကျင်း) ထဲမှ လေများကို ဓာတ်လှေကားအိမ်အတွင်းသို့ ပို့ဆောင်ပေးပါတယ်။ အိမ်သုံးပန်ကာများကဲ့သို့ပင် ဖွင့်ထားသည် ဖြစ်စေ ပိတ်ထားသည်ဖြစ်စေ အလုံပိတ်စနစ်မဟုတ်ပဲ လေ၀င်လေထွက်အမြဲရှိနေပါသည်။ အဲ့ဒီ Fan များအပြင် အများစု ဓာတ်လှေကားတွေမှာ ဓာတ်လှေကားအိမ်၀င်ပေါက် အောက်ခြေဘက်တွင် ဇကာပေါက်ပုံစံ အဝိုင်းပေါက်များဖောက်ပေးထားတတ်ပါသည်။ ဓာတ်လှေကားအိမ်အတွင်းမှ မြင်ရပါသည်။ ထို့အပြင် ဓာတ်လှေကားတံခါးအဖွင့်အဆုံးနေရာများနှင့် တံခါး၏ အောက်ခြေဘက်၊ အပေါ်ဘက်များတွင်လဲ အလုံပိတ်စနစ်မဟုတ်ဘဲ 5 milimeter ခန့် အကွာအဝေးထား၍ တပ်ဆင်ရသည်ဖြစ်သောကြောင့် ထိုကဲ့သို့များစွာသော လေ၀င်လေထွက်စနစ်များပါရှိနေပါသည်။ ထိုသို့လေ၀င်လေထွက်စနစ်များဖြင့်တည်ဆောက်ထားသောကြောင့် ပိတ်မိချိန်ကြာမြင့်လာလျှင် အသက်ရှူကြပ်ခြင်း၊ အောက်ဆီဂျင်ပြတ်တောက်သွားခြင်း စသည့်တို့အတွက် စိတ်ပူရန် မလိုအပ်ပါ။
2. ဓာတ်လှေကားအတွင်း ပိတ်မိနေလျှင် ဖြစ်ပေါ်တတ်သော ကြောက်စိတ်များ
အများအားဖြင့် ဓာတ်လှေကားတွင်း ပိတ်မိပြီဆိုလျှင် မှောင်သွားခြင်း နေရာကျဉ်းခြင်း ပူလာခြင်း တို့ကို စတင်ခံစားရမှာဖြစ်ပါတယ်။ အဲ့ဒီလိုအခြေအနေမျိုးမှာ အထက်တွင် ဖော်ပြထားသော အသက်ရှူကြပ်မှာ ကြောက်ခြင်း အောက်ဆီဂျင်ပျက်မှာကြောက်ခြင်းတို့ စတင်ဖြစ်ပေါ်လာပါတယ်။ ဒီနေရာမှာ အတိုချုံးပြောချင်တာက မိမိရဲ့ စိတ်ကြောင့်သာ အသက်ရှူကြပ်သလိုခံစားရခြင်း၊ ခေါင်းမူးလာခြင်း စသည်တို့ ဖြစ်ပေါ်လာရတာပဲဖြစ်ပါတယ်။ အဲ့ဒီလိုခံစားရတာ စိတ်ကကြောက်နေတာတွေဟာ အမျိုးသမီးတွေအဖြစ်များပါတယ်။ အပိုင်း(1)မှာ ပြောပြခဲ့တဲ့ ဓာတ်လှေကားလေ၀င်လေထွက်စနစ်အကြောင်းကို ကြိုတင်ဖတ်ရှူနားလည်ထားပြီး "ငါပိတ်မိလဲ အောက်ဆီဂျင်မပြတ်ဘူး အသက်ရှူမကြပ်ဘူး" ဆိုတဲ့ စိတ်နဲ့ ကျွမ်းကျင်သော အင်ဂျင်နီယာများလာရောက်ကယ်ဆယ်ချိန်ကို အဆင် ပြေပြေစောင့်ဆိုင်းနိုင်ရန် ရေးသားဖော်ပြပေးလိုက်ရပါတယ်။
နောက်ထပ်လဲ ဓာတ်လှေကားနှင့်ပတ်သတ်သော ဗဟုသုတများ User များအနေနှင့် သိသင့်သည်များကိုတင်ပြပေးသွားပါဦးမည်။ လက်ဆင့်ကမ်း share ပေးခြင်းဖြင့်သာ ကျနော်တို့ရဲ့ T4T Page ကို Like and Share လုပ်ခြင်းဖြင့် Support ပေးကြဖို့ တိုက်တွန်းပါရစေဗျ။
09459488898
09750056925
T For Tech Elevator Services
Click here to claim your Sponsored Listing.
Category
Address
Kawliya Street, South Okkalapa Tsp;
Yangon
11091
