Creative Movie Store

Ram Setu(2022)
မင်းသားကြီးအာရှေးကူမာရဲ့ ကားအသစ်😘😍
================
ဒီနေ့ကတော့ မင်းသားကြီးတွေရဲ့ကား
ထွက်တဲ့နေ့ပါပဲ အခုလည်း အာရှေးကူမာရဲ့
ဘာသာရေး သမိုင်းနဲ့ ယုံကြည်ကိုးကွယ်မှုဆိုင်ရာ
ဇာတ်ကားကောင်းလေးတစ်ပုဒ်ကို တင်ဆက်ပေးလိုက်ပါတယ်

အာရန် (အာရှေးကူမာ) က ဘာသာတရားနဲ့ ဘုရားကို
အယုံအကြည်မရှိတဲ့
ရှေးဟောင်းသုတေသနပညာရှင် တစ်ယောက်ပေါ့
သူက အချက်အလက်ရှိပြီး သက်သေပြနိုင်တဲ့
အရာကိုပဲ ယုံကြည်တဲ့သူဖြစ်ပါတယ်

အိန္ဒိယလူမျိုးတွေဟာ အရှင်ရာမကို
အလေးအနက်ယုံကြည်ကြတဲ့သူတွေဖြစ်ပြီး
ရမ်ဆက်တူဆိုတဲ့ တံတားကိုလည်း
အရှင်ရာမတည်ထောင်ခဲ့တာလို့ ယုံကြည်ထားကြပါတယ်

အဲဒီတံတားကို အစိုးရအဖွဲ့အစည်းက
ကုန်သွယ်ရေးကိစ္စတစ်ခုနဲ့ ဖြိုချဖို့ လုပ်လာတဲ့အခါ
ပြည်သူတွေက ဆူပူအုံကြွလာကြပါတော့တယ်

ဒါကို အဲဒီရမ်ဆက်တူဆိုတာဟာ
လူဖန်တီးထားတာမဟုတ်၊ သဘာဝအလျောက် ဖြစ်တည်နေတာဖြစ်ကြောင်းကို
အစိုးရအဖွဲ့အစည်းက အာရန်ကို သက်သေထူခိုင်းပါတယ်

ဒါပေမယ့် အများနဲ့တစ်ယောက်ဖြစ်နေသလိုပဲ
ပြည်သူလူထုက လူအင်အားများပြီး
အစိုးရအဖွဲ့အစည်းက လူအင်အားနည်းနေတဲ့အခါ

အိန္ဒိယပြည်သူတွေရဲ့ ယုံကြည်မှုနဲ့
နိုင်ငံတော်အစိုးရအဖွဲ့အစည်းရဲ့ စီးပွားရေးကြိုးပမ်းမှုနဲ့ အာရန်ရဲ့ သက်သေပြမှုတွေကြားက
တိုက်ပွဲကို ခင်းကျင်းပြသထားတဲ့ ဒီကားဟာ
နိုင်ငံရေးရော ဘာသာရေးရော ပါဝင်တဲ့
ဇာတ်ကားကောင်းတစ်ကားပဲ ဖြစ်ပါတယ်။

Tadka [2022] #ဇာတ်ကားသစ်
အသစ်စက်စက် အိန္ဒိယ အချစ်ဟာသကားလေးပါ...

အချစ်တော် "တာ့ပ်ဆီး"လေးလဲပါတယ်ဆိုတော့
ပရိသတ်ကြီးကြိုက်ကြမယ်ထင်ပါတယ်

ဇာတ်လမ်းအညွှန်းလေးကတော့

တူကာရမ်(Nana Patekar)က အစားအသောက်တွေကိုနှစ်သက်တဲ့ရှေးဟောင်းသုတေသနပညာရှင်ဖြစ်ပြီး လူပျိုကြီး တစ်ကိုယ်တည်းသမားပေါ့..

မဒူရား (Shriya Saran)ကတော့ ရေဒီယိုတင်ဆက်သူတစ်ဦးဖြစ်ပါတယ်

တစ်နေ့မှာတော့ မဒူရာနဲ့ ဖုန်းမှားခေါ်မိရာက
လေလှိုင်းထဲကနေတစ်ဆင့် တစ်ယောက်နဲ့တစ်ယောက် သဘောကျမိသွားကြပါတယ်..

ကိုလူပျိုကြီးတူကာရမ်ကတော့ ရေငတ်တုန်းရေတွင်းထဲကျဆိုသလိုပါပဲ ဖုန်းထဲမှာတော်ကီတွေလွှတ်ပစ်ပြီးချုပ်တာပေါ့..

ဒါပေမယ့်တကယ်တမ်းလူချင်းတွေ့ကြမယ်ဆိုတော့ မထုံတက်တေးနဲ့မထော်မနမ်းတွေလုပ်မိမှာလဲစိုး..

ဒီလိုနဲ့ တူကာရမ်ရဲ့တူဖြစ်သူ ခပ်နောက်နောက်လူငယ်လေး ဆစ် (Ali Fazal) နဲ့ အရမ်းဟော့တဲ့
နီကိုလ် ( Taapsee)တို့က လူအစားဝင်ပြီးတွေ့ကြတဲ့အချိန်မှာ နီကိုလ်းရဲ့အလှမှာမျောသွားတဲ့
ဆစ်က အရွယ်ချင်းကွာတယ် အဆင်မပြေဘူးဘာညာပေါ့...

ကိုလူပျိုကြီးတူကာရမ်ရဲ့ ကြီးမှဝက်သက်ပေါက်ရတဲ့အချစ်ဇာတ်လမ်းမှာသူတို့လေးယောက်ဘယ်လိုတွေများ မီးစင်ကြည့် ကကြမလဲဆိုတာကြည့်ရင်းရယ်ရင်းနဲ့ပဲ ဆက်လက်အားပေးလိုက်ကြပါဦး....

Sanak (2021)
===========

ဒီဇာတ်ကားကတော့ ဆေးရုံကို အကြမ်းဖက်သမားတွေဝင်စီးတဲ့ အက်ရှင်ဇာတ်ကားကောင်းပဲဖြစ်လို့
အမိုက်စားကြည့်ရူရမယ့်ဇာတ်ကားပဲဖြစ်ပါတယ်

ဗီဗန်ဟာ နှလုံးခွဲစိတ်မှုခံယူထားတဲ့ ဇနီးဖြစ်သူ အန်ရှီကာကိုသိပ်ချစ်မြတ်နိုးပြီး တစ်နေ့ သူတို့ဆေးရုံဆင်းခါနီး ဗီဗန် ဆေးရုံစရိတ်သွားဆောင်နေတုန်း အကြမ်းဖက်သမားတွေက ဆေးရုံကိုဝင်စီးခဲ့ပါတယ်

ဖြစ်စဉ်ကတော့ လက်နက်မှောင်ခိုသမားတစ်ယောက်ဟာ နှလုံးဖောက်လို အကျဉ်းထောင်ကနေ ဆေးရုံကိုရောက်လာခဲ့ပါတယ်

ထိုလူကို ကယ်ထုတ်သွားဖို့ အကြမ်းဖက်သမားတွေက ကြိုတင်ကြံစည်ထားပြီး ဆေးရုံကိုဝင်စီးခဲ့ပါတယ်

နှလုံးရောဂါသည်ဇနီးဖြစ်သူကိုစိုးရိမ်နေတဲ့ ဗီဗန်တစ်ယောက် အကြမ်းဖက်သမားတွေနဲ့ ဘယ်လိုရင်ဆိုင်မလဲ

ဆေးရုံကိုဝင်စီးမှုအောင်မြင်မလားဆိုတာ ဒီဇာတ်ကားမှာစောင့်ကြည့်ရမှာဖြစ်လို့ တင်ဆက်ပေးလိုက်ပါတယ်