START Education Center

"သင့်စိတ်ကို သင်ပြောင်းလဲနိုင်ရင်
သင့်ဘဝကိုလည်း သင်ပြောင်းလဲနိုင်ပါတယ်။"

-William Author

လူတိုင်း သိထားရင်ကောင်းမယ့် လူမှုကျင့်ဝတ်များ (၁)

၁။ ကောင်းစွာနှုတ်ဆက်တတ်ပါစေ

လူတွေကို အမြဲတမ်း အပြုံးလေးနဲ့ "မင်္ဂလာပါ" လို့ နှုတ်ဆက်ပါ။
ဘယ်လို နှုတ်ဆက်ရမယ်မှန်းမသိရင် "မင်္ဂလာပါ။ နေကောင်းလား။" လို့ ပြောလိုက်တာက လုံလောက်ပါတယ်။ တစ်ယောက်ယောက်နဲ့ ပထမဆုံးတွေ့ဆုံတဲ့အခါ လက်ဆွဲနှုတ်ဆက်ပြီဆိုရင် မျက်လုံးချင်းဆုံပြီး ကိုယ့်နာမည်ကို အရင် မိတ်ဆက်တာကလည်း အရေးပါပါတယ်။

၂။ "ကျေးဇူးပြုပြီး" နဲ့ "ကျေးဇူးတင်ပါတယ်"ဆိုတာကို အမြဲပြောပါ။

ဒီစကားလုံးတွေက ကျေးဇူးတင်စိတ်နဲ့ လေးစားစိတ်ကို ဖော်ပြတဲ့ အခြေခံကျတဲ့ အပြုအမူတွေဖြစ်ပါတယ်။ တစ်ခုခုကို တောင်းဆိုလိုတဲ့အခါ "ကျေးဇူးပြုပြီး" ဆိုတာကို ထည့်ပြောပါ။ သူများဆီက အကူအညီရယူတဲ့အခါ "ကျေးဇူးတင်ပါတယ်"လို့ အမြဲပြောပါ။

၃။ စားပွဲဝိုင်းယဥ်ကျေးမှုတွေကို လေ့ကျင့်ပါ။

ထမင်းစားပွဲဝိုင်းမှာ သုံးတဲ့ ဇွန်း၊ ခရင်း၊ တူ၊ ဓားစတဲ့ အသုံးအဆောင်တွေကို သေချာသုံးတတ်အောင် လေ့လာထားပါ။ စားပွဲပေါ် တံတောင်ဆစ်ထောက်တာ ရှောင်ပါ။ ထမင်းဝါးတဲ့အခါ အသံမမြည်အောင် ပါးစပ်ပိတ်ဝါးတတ်ပါစေ။ ဒါ့အပြင် စားပွဲဝိုင်းမှာ တခြားသူတွေအတွက် ဟင်းပွဲအဆင်သင့်မဖြစ်သေးရင် အကုန်လုံး အဆင်သင့်ဖြစ်တဲ့ထိ စောင့်ပြီးမှ စားပါ။

၄။ အပြောအဆိုဆင်ခြင်ပါ။

မကြားဝံ့ မနာသာ စကားတွေကို သုံးတာ ရှောင်ကြဥ်ပါ။ အထူးသဖြင့် လူအများရှိတဲ့နေရာနဲ့ ကလေးတွေနားမှာဆို ပိုလို့ရှောင်ပါ။ အမြဲတမ်း ချိုသာယဥ်ကျေးစွာ ပြောဆိုပြုမူပါ။

၅။ ကိုယ်ရေးကိုယ်တာတိုင်းကို လေးစားပါ။

လူတွေနဲ့ အရမ်းအနီးကပ်မနေသင့်ပါ။ တစ်စုံတစ်ယောက်ကို မထိခင်မှာ အမြဲခွင့်တောင်းပါ။ ပတ်ဝန်းကျင်ကို သတိလေးထားပါ။ သူများရဲ့ ကိုယ်ရေးကိုယ်တာကို လေးစားပါ။