EduConnect_Germany

🩵

Hello Everyone ! 🍀

ဂျာမနီကို လူခံမရှိပဲ တစ်ယောက်တည်း လာလို့ အဆင်ပြေပါ့မလားလို့ အမေးများလာကြလို့ ပြောပေးချင်ပါတယ်..

🌱 ဂျာမနီမှ မဟုတ်ပါဘူး..ဘယ်နိုင်ငံသွားသွား လူခံမရှိရင် စိတ်ပူပန်တတ်တာ သဘာဝပါပဲ..လူခံ မရှိပဲ တစ်ယောက်တည်းလာမယ်ဆို စိတ်ထားတတ်ရင် အဆင်ပြေပါတယ်လို့ပဲ ဖြေချင်ပါတယ်..

🍃 ကျွန်မလဲ ဂျာမနီကို လူခံ လုံးဝ မရှိပဲ တစ်ယောက်တည်းပဲ try ခဲ့တာပါ..Opportunity Card Visa ကလဲ 2024 တုန်းက လူလဲ သိပ်မသိသေးတော့ မေးရမယ့်သူလဲ မရှိ..agent တွေကလဲ ဒီ Visa ကို မသိကြသေး..ကိုယ့်ဘာသာကိုယ် requirement တွေ လိုက်ဖတ်ပြီး လုပ်တတ်သလောက် ပြင်ဆင်ပေါ့လေ..Stress တော့ သိပ်မရှိလိုက်ဘူး..ဘာလို့ဆို ကျွန်မစိတ်က ဘာလုပ်လုပ် ကိုယ် အကောင်းဆုံး ပြင်ဆင်ထားတယ်..အဆင်ပြေမယ်ဆို ပြေမယ်..မပြေဘူးဆိုလဲ Plan B ကြိုစဉ်းစားထားတတ်တဲ့ အကျင့် ရှိလို့..

🌿 နောက် ဂျာမနီရောက်တော့လဲ တစ်ယောက်တည်း immigration office တွေကိုသွား..ဂျာမန်လို မတောက်တခေါက်ပြော..English လိုတွေပါ ညှပ်ပြော..နောက်ဆုံး မရရင် လက်ဟန်ခြေဟန်တွေနဲ့ပါ ပြတော့တာပဲ..🥹 ရထားတွေ Bus တွေဆို စစချင်းဆိုတော့ ခဏခဏ မှားစီးမိတာလဲ မပြောနဲ့..Part time လုပ်တော့လဲ အဲ့တုန်းက အလုပ်ရှင်တွေက OC visa ကို မသိကြသေးဘူး..Visa က အသစ်ဆိုတော့ Part time လုပ်လို့ရလား မရလားတွေ သူတို့က အရင် ရှာဖတ်နဲ့ တကယ် ဂယက်တွေ..နောက်ဆုံး website ကနေ OC visa အကြောင်းကို print ထုတ်ပြီး နေရာတိုင်း ယူသွားရတဲ့အထိပဲ..ခုတော့ OC visa နဲ့ လာတဲ့သူများလာတော့ သိလာကြပါပြီ..Part time မလုပ်ခင်လဲ trial day တွေ အရင် အကြိမ်ကြိမ်ဆင်းပြီးမှ တချို့ကပဲ ခေါ်တာ..

🕊️ တစ်ယောက်တည်း ဘယ်လို ဖြတ်သန်းခဲ့တာတွေကို ပြောရင် ကုန်မှာတောင် မဟုတ်..ဒါပေမယ့်လဲ ခေါင်းမာပြီး အကြောတင်းတင်းနဲ့ပဲ ဖြတ်သန်းနိုင်ခဲ့ပါတယ်..တစ်ယောက်တည်း အကုန် လုပ်ခဲ့လို့လဲ ခုချိန်မှာ အတွေ့အကြုံတွေ အများကြီးရပြီး လူတွေကို sharing တွေ ပြန်လုပ်ပေးနိုင်ခဲ့တယ် ပြောရမယ်.

☘️ ခုဆို ဂျာမနီထဲ ရောက်နေတဲ့သူတွေကလဲ ဂျာမနီအကြောင်းတွေ ပြောပေးလာကြတော့ ခု လာမယ့်သူတွေအတွက် ပြင်ဆင်လို့ ပိုကောင်းသွားပါတယ်..ဒါပေမယ့် လူများပြီး ပွဲမစည်သလို information တွေ ဖောင်းမပွအောင်တော့ သတိပြုဖို့ လိုတယ်..ပြီးတော့ အလိမ်အညာတွေလဲ သတိထားဖို့ လိုတယ်..

🌲 နောက် ဂျာမနီမှာ ဘယ်အရာကိုမှ serious ထားပြီး ခံစားနေလို့ မရပါဘူး..neglect လုပ်သင့်တာတွေ လုပ်ပြီး ကိုယ်သွားချင်တဲ့ပန်းတိုင်ကိုပဲ ဦးတည်ပြီး ရှေ့ဆက်တက်ဖို့ လိုတယ်..ဂျာမနီမှာ အရာရာတိုင်းကို လိုက်ခံစားနေမယ်ဆို အမြဲတမ်း ကိုယ့်အိမ်ကို ပြန်ချင်စိတ်တွေပဲ ဖြစ်နေပါလိမ့်မယ်..

🍀 အဲ့ဒါကြောင့် စိတ်ထားတတ်ဖို့ရယ် အကြောတင်းဖို့ရယ်တော့ လိုတယ်..တစ်ခုခုဆိုတာနဲ့ ကလေးလို ဂျောင်မှာကပ်ပြီး ငိုနေလို့ မထူး..စိတ်ပျော့နေလို့ မရ..နိုင်ငံရပ်ခြားကို လာပြီဆိုကတည်းကတော့ ရှိသင့်ရှိထိုက်တဲ့ စိတ်ဓာတ်ခိုင်မာမှုတွေ Positive mindset တွေ ရှိဖို့ လိုတယ်..

🍃 နောက် မိတ်ဆွေကောင်း ဖွဲ့တတ်ဖို့လဲ လိုပါတယ်..လူ ဖြစ်တဲ့အတွက် အကူအညီဆိုတာ အနည်းနဲ့ အများ လိုမှာပါပဲ.. အဲ့အတွက် ကိုယ့်ဘက်ကလဲ တစ်ဖက်လူတွေကို စိတ်ရင်းအမှန် ပေးဖို့လိုတယ်..အပြန်အလှန် ကူညီဖို့ လိုတယ်..မဟုတ်ရင်တော့ တစ်ယောက်တည်း ရပ်တည်ဖို့ ခက်ပါတယ်..ကိုယ်က အယူကြီးပဲ ရှိပြီး ချေမိုးကုဋေဆိုး နေမယ်ဆိုရင်တော့ ဂျာမနီက သင်နဲ့ ကိုက်ချင်မှ ကိုက်မှာပါ..

🕊️ အကူအညီတွေ လိုတတ်တယ်ဆိုပေမယ့် တတ်နိုင်သမျှ သူများ အကူအညီ မယူပဲ ကိုယ့်ဘာသာကိုယ် အစစအရာရာ လုပ်တတ်အောင် ရပ်တည်နိုင်အောင် အရင် အားထုတ်တာ ပိုကောင်းတယ်..IT ခေတ်ကြီးမှာ ရှာဖတ် မေးလို့ရတဲ့ platform တွေလဲ အများကြီးပါပဲ..ဒါပေမယ့် ChatGPT တို့ Gemini တို့ကို 100% အားမကိုးပါနဲ့..သူတို့ ဖြေတာ အမှားတွေလဲ ရှိပါတယ်..သူတို့ ဖြေပေးတဲ့အဖြေနဲ့ ကိုယ့်မှာ ရှိတဲ့ knowledge နဲ့ ပြန်ပေါင်းစပ်ပြီးမှ ပြန်ဆုံးဖြတ်ပါ..တချို့ အလုပ်ရှင်တွေဆို ChatGPT တွေဆီက 100% direct ကူးတာလား or ကိုယ့်ဘာသာကိုယ် ရေးတာလားဆိုတာတွေ သိပါတယ်..ဆိုတော့ social platform တွေကို အလွန်အကျွံ မယုံမိဖို့လဲ လိုပါတယ်..

🌱 ကျွန်မမှာ ခုဆို မိတ်ဆွေကောင်းတွေ အများကြီး ရလာတယ်.. ဂျာမနီနဲ့ ပတ်သက်ပြီး ကျွန်မကို အသေးစိတ် သေချာ ရှင်းပြ ပြောပြပေးခဲ့တဲ့ EduConnect_Germany က မောင်လေးရယ် နောက် အကိုတစ်ယောက်ရယ် ခုချိန်ထိ တကယ် ကျေးဇူးတင်ရပါတယ်..နောက် နှုတ်အရဖြစ်စေ လူကိုယ်တိုင်ဖြစ်စေ သေးသေးကြီးကြီး ကူညီပြောပေးခဲ့တဲ့ တစ်ယောက်ချင်းစီကိုလဲ ကျေးဇူးတင်တယ်..ကိုယ် ဘာမှ မသိတဲ့အချိန် အချိန်ပေးပြီး ကူညီ ပြောပေးတဲ့သူတွေဆိုတာတကယ် တန်ဖိုးထားထိုက်ပါတယ်..

💛 ဆိုတော့ စာလဲ တော်တော်ရှည်သွားပြီမို့ ပြန်ပြောရရင် ဂျာမနီကို လူခံ မရှိပဲ တစ်ယောက်တည်း လာလို့ ရပါတယ်..အရမ်း စိတ်မပူကြပါနဲ့.. ကျွန်မ အပေါ်မှာ ပြောခဲ့သလို စိတ်ထားတတ်ရင် အဆင်ပြေပါတယ်.. အခက်အခဲကတော့ ရှိမှာပါပဲ..အခက်အခဲရှိမှပဲ ပိုတိုးတက်တာပါ..ကျွန်မဆို အခက်အခဲတွေနဲ့ သူငယ်ချင်းလိုတောင် ဖြစ်နေပြီ..သူ့ဟာနဲ့သူ ရုန်းရင်းကန်ရင်း ငိုရင်းပြုရင်းနဲ့ပဲ အဆင်ပြေသွားပါလိမ့်မယ်နော်..

ဂျာမနီလာဖို့ ကြိုးစားနေတဲ့သူ အားလုံးလဲ အဆင်ပြေကြပါစေ..❤️

Vielen Dank ! 🍀

ှိသူတိုင်းGermanyကိုအမြန်ဆုံးရောက်ရှိနိုင်ကြပါစေ

🎉Congratulations prrr nyi ma ly Nu San Ra !!!🥳🎉

Rheinisches Studienkolleg မှာ ဝင်ခွင့်ရလို့ ဝမ်းမြောက်ဂုဏ်ယူမိပါတယ်ဗျ 😊
Studienkolleg မှာ ချောချောမွေ့မွေ့နဲ့ ပညာသင်ယူနိုင်ရုံသာမက ညီမလေး မျှော်မှန်းထားတဲ့ University ကိုလည်း အဆင်ပြေပြေချောချောမွေ့မွေ့နဲ့ ဝင်ခွင့်ရပြီး ညီမလေးရဲ့ Academic pathway မှာ အောင်မြင်မှုတွေရပါစေလို့ဆုတောင်းပေးလိုက်ပါတယ်ဗျ 🤗🍀
အစ်ကိုတို့ EduConnect ကို ရွေးချယ်ပေးလို့လည်း ကျေးဇူးအများကြီးတင်ပါတယ်ဗျ 🤩