Sharing Life & Learning

KATSUO-JI TEMPLE
Osaka မြို့ရဲ့ မြောက်ဘက် Minoh တောင်ပေါ်မှာရှိတဲ့ Katsuo-ji (ခတ်ဆုအိုးဂျိ) ဘုရားကျောင်းဟာ အောင်မြင်ခြင်းကို ပေးစွမ်းနိုင်တဲ့ "Winning Luck" ဘုရားကျောင်းအဖြစ် ကျော်ကြားပြီး Daruma အရုပ်လေးတွေကြောင့် အရမ်းလှပတဲ့ နေရာတစ်ခုပါ
ဆောင်းဦးရာသီ (နိုဝင်ဘာလလယ်မှ ဒီဇင်ဘာလဆန်း): ဒါဟာ Katsuo-ji အတွက် အကောင်းဆုံးအချိန် ပါပဲ။ သစ်ရွက်တွေ နီရဲနေပြီး ဘုရားကျောင်း တစ်ခုလုံး မှော်ဆန်နေတတ်ပါတယ်။ ဒီအချိန်မှာ ညဘက် မီးအလင်းရောင် (Illumination) တွေပါ ပြသလေ့ရှိပါတယ်။
• နွေဦးရာသီ (ဧပြီလလယ်): ချယ်ရီပန်း (Sakura) တွေ ပွင့်တဲ့အချိန်ဖြစ်ပါတယ်။ တောင်ပေါ်မှာရှိလို့ မြို့ထဲကထက် ပန်းပွင့်ချိန် နည်းနည်းနောက်ကျတတ်ပါတယ်။
• နွေရာသီ (ဇွန်လ/ဇူလိုင်လ): Hydrangea (အာဂျိဆိုင်) ပန်းလေးတွေ ပွင့်တဲ့အချိန်ဖြစ်ပြီး စိမ်းစိုနေပါတယ်။
• အချိန်: လူရှောင်ချင်ရင်တော့ မနက် ၈ နာရီ ဖွင့်ဖွင့်ချင်းသွားဖို့ အကြံပြုပါတယ်။ ညနေ ၅ နာရီ (စနေနေ့ဆို ၅:၃၀၊ တနင်္ဂနွေဆို ၆:၀၀) မှာ ပိတ်တတ်ပါတယ်။
၂။ ဘာတွေပြင်ဆင်သွားသင့်လဲ (Preparation)
• အဝတ်အစား: ဘုရားကျောင်းက တောင်ပေါ်မှာရှိတာကြောင့် မြို့ထဲထက် အပူချိန် ၃-၄ ဒီဂရီလောက် ပိုအေးပါတယ်။ ဒါကြောင့် အနွေးထည် ခပ်ပါးပါး တစ်ထည် ယူသွားသင့်ပါတယ်။
• ဖိနပ်: ဘုရားကျောင်းဝင်းက အကျယ်ကြီးဖြစ်ပြီး လှေကားတွေ၊ ကုန်းတက်ကုန်းဆင်းတွေ များတာကြောင့် လမ်းလျှောက်လို့ကောင်းတဲ့ ဖိနပ် (Sneakers) ကိုပဲ စီးသွားပါ။
• ငွေသား (Cash): ဝင်ကြေး (လူကြီး ၅၀၀ ယန်း) နဲ့ Daruma အရုပ်လေးတွေ ဝယ်ဖို့အတွက် ငွေသားအကြွေလေးတွေ ဆောင်သွားတာ ပိုအဆင်ပြေပါတယ်။
• အချိန်ဇယားစစ်ဆေးရန်: ဘတ်စ်ကား (Hankyu Bus) ဟာ တစ်နာရီမှာ တစ်စီး ဒါမှမဟုတ် နှစ်စီးလောက်ပဲ လာတတ်တာကြောင့် အသွားအပြန် ကားအချိန်ကို ကြိုစစ်ထားဖို့ အရမ်းအရေးကြီးပါတယ်။
၃။ သွားလာရေး (How to Get There)
အလွယ်ဆုံးနည်းလမ်း (၂) မျိုး ရှိပါတယ် -
1. ရထား + ဘတ်စ်ကား: Osaka Metro (Midosuji Line) နဲ့ အဆုံးမှတ်ဖြစ်တဲ့ Minoh-Kayano Station အထိသွားပါ။ အဲဒီကမှတစ်ဆင့် Hankyu Bus (စင်္ကြံအမှတ် ၄) ကိုစီးပြီး Katsuo-ji ကို သွားနိုင်ပါတယ်။ (၂၅ မိနစ်ခန့် ကြာပါတယ်)
2. တက္ကစီ: အချိန်ကုန်သက်သာချင်ရင်တော့ Minoh-Kayano Station ကနေ တက္ကစီစီးရင် ၂၀ မိနစ်လောက်ပဲ ကြာပြီး ၃၅၀၀ ယန်းဝန်းကျင် ကျသင့်ပါလိမ့်မယ်။
၄။ မဖြစ်မနေ လုပ်ဆောင်သင့်သည်များ
• Daruma Mikuji: ၅၀၀ ယန်းပေးပြီး ကံစမ်းစာလိပ်ပါတဲ့ Daruma အရုပ်လေး ဝယ်ပါ။ စာဖတ်ပြီးရင် အရုပ်လေးကို ကိုယ်ကြိုက်တဲ့ နေရာမှာ ထားခဲ့လို့ရသလို အမှတ်တရ အိမ်ပြန်ယူသွားလို့လည်း ရပါတယ်။
• Minoh Waterfall: အချိန်ရရင်တော့ အနီးနားမှာရှိတဲ့ Minoh ရေတံခွန်ကိုပါ တစ်ခါတည်း တွဲသွားဖို့ အကြံပြုချင်ပါတယ်။

&learning

-jitemple

#15/1/2026