March 29

🍅 ခရမ်းချဉ်သီးကို အကျိုးရှိအောင် စားသောက်နည်း 🍅

ခရမ်းချဉ်သီးကို စားသုံးရာ၌ အစိမ်းစားခြင်း၊ ဟင်းထဲထည့်ချက်ပြီး စားခြင်းနှင့် စည်သွပ်ဘူးများအတွင်း ထည့်စားခြင်းတို့တွင် ကျန်းမာရေးအတွက် အထောက်အကူပြုပုံခြင်း မတူညီနိုင်ပါ။ ခရမ်းချဉ်သီးတွင် ပါဝင်သော အာဟာရဓာတ်များတွင် ဗီတာမင်စီ မှလွဲ၍ ကျန်ဓာတ်များမှာ အပူခံနိုင်ကြပါသည်။ ထို့ကြောင့် အပူပေးပြုပြင်ရုံနှင့် ပျက်စီးလေ့မရှိသောကြောင့် ခရမ်းချဉ်သီးကို ဟင်းထဲထည့်ချက်ခြင်းနှင့် ငါးသေတ္တာကဲ့သို့ စည်သွပ်ဘူးအတွင်း ထည့်သုံးခြင်းတို့မှာ အာဟာရတန်ဖိုး ကွာခြားမှုမရှိပါ။ ခရမ်းချဉ်သီးဆော့စ် စားခြင်းဖြင့်လည်း အာဟာရအပြည့်အဝ ရနိုင်ပါသည်။ အထူးသဖြင့် ခရမ်းချဉ်သီးကို သံလွင်ဆီ (Olive oil) အနည်းငယ်ထည့်၍ အပူပေးပြီးစားလျှင် အူမှပိုမိုစုပ်ယူနိုင်ပါသည်။ သံလွင်ဆီ မရလျှင် နေကြာဆီ၊ နှမ်းဆီ၊ မြေပဲဆီ တို့သုံးနိုင်ပါသည်။ လိုင်ကိုပင်း (Lycopene) များသည် ခရမ်းချဉ်သီး၏ အပြင်ဆုံးအလွှာတွင် စုနေကြသောကြောင့် ဆီထဲတွင် လွယ်ကူစွာပျော်ဝင်သွားပြီး အူမှပိုမိုစုပ်ယူနိုင်ခြင်း ဖြစ်သည်။ ဆီကို အနည်းငယ်သာထည့်ရန် လိုအပ်ပါသည်။

⚠️ လူကို အန္တရာယ်ဖြစ်စေနိုင်သော ခရမ်းချဉ်သီးအစေ့ ⚠️

ခရမ်းချဉ်သီးစားလျှင် အတွင်းမှာရှိသော အစေ့များကို အတတ်နိုင်ဆုံး ဖယ်ရှားပြီးမှ စားသုံးသင့်ပါသည်။ ထိုအစေ့များက အဓိကပြဿနာ (၂) ခု ပေးပါသည်။
ပထမပြဿနာမှာ အစေ့များသည် အစာအိမ်နှင့် အူနံရံမှ ထုတ်လုပ်လိုက်သော အစာခြေရည်များတွင် အလွယ်တကူ မပျက်စီးနိုင်သောကြောင့် အူအတက်နေရာ၌ပိတ်ပြီး အူအတက်ရောင်ခြင်း (Acute appendicitis) ဖြစ်ပွားနိုင်ပါသည်။ အူအတက်ရောင်ပါက အချိန်မီ ခွဲစိတ်ကုသရန် လိုအပ်ပါသည်။ အချိန်မီမခွဲစိတ်၍ အူအတက်ပေါက်သွားခဲ့လျှင် အသက်ဆုံးရှုံးနိုင်ပါသည်။
ဒုတိယပြဿနာမှာ အစေ့များကို အစာခြေရည်များမှ ချေဖျက်ပျက်စီးသွားပြီး အူနံရံမှစုပ်ယူလိုက်လျှင် သွေးထဲတွင် ယူရစ်အက်ဆစ် (Uric acid) များတက်စေပါသည်။ အစေ့တွင်ပါဝင်သော ပြူရင်းအယ်ကာလွိုက် (Purine alkaloid) များက ခန္ဓာကိုယ်ထဲတွင် ယူရစ်အက်ဆစ်အဖြစ် ပြောင်းလဲနိုင်သောကြောင့် ဖြစ်သည်။ သာမန်လူကောင်းဆိုလျှင် ပြဿနာမရှိသော်လည်း ယူရစ်အက်ဆစ်များနေသည့် ဂေါက် (Gout) ရောဂါလိုမျိုးရှိလျှင် ရုတ်တရက် အဆစ်အမျက်များ ရောင်လာတတ်ပါသည်။ ထို့ကြောင့် ခရမ်းချဉ်သီးစားလျှင် အစေ့များကို ဇကာနှင့်တိုက်၍ ဖယ်ရှားပြီးမှ စားသင့်ပါသည်။ ပြည်ပနိုင်ငံများတွင် ခရမ်းချဉ်သီးဆော့စ် ပြုလုပ်သည့် နည်းစဉ်တွင်ဖြစ်စေ၊ စည်သွပ်ဘူးများထဲတွင် ခရမ်းချဉ်သီး ထည့်ရာတွင်ဖြစ်စေ အစေ့များကို မဖြစ်မနေ ဖယ်ထုတ်ပေးရပါသည်။

ဒေါက်တာခင်မောင်လွင် (FAME)

ကိုးကားချက် - "မီးဖိုချောင်သုံး အစားအစာများနှင့် ကျန်းမာရေး" စာအုပ်၊ အခန်း (၇) ခရမ်းချဉ်သီးမှ ထုတ်နုတ်ဖော်ပြသည်။

✅ မှာပါဝင်တဲ့

☑️နှမ်းမဲဆီ
☑️ဒန့်သလွန်ဆီ
☑️သစ်မွှေးဆီ
☑️ကတ်စမူနာဂျင်းနှင့်
☑️မိကျောင်းနွယ်~~တို့ရဲ့ အစွမ်းအာနိသင်နဲ့ ဂုဏ်သတ္တိတွေက

✅ အဆစ်အမြစ်၊ ကြွက်သားနဲ့ အကြောရောဂါအမျိုးမျိုးတို့ကို လျှင်မြန်စွာသက်သာမှု ရရှိစေပါတယ်

✅ ရှားပါးပြီးဆေးဖက်ဝင်တဲ့ Organic products ၁၃ မျိုးနဲ့ စနစ်ကျစီမံဖော် စပ်ထားပြီး ဘာဘေးထွက်ဆိုးကျိုးမှမရှိလို့ စိတ်ချယုံကြည်စွာ သုံးစွဲနိုင်ပါတယ်

☎ ️09254211932 (Or) Cb