Learning with Tr.Hlaing

သားသမီးကောင်းရချင်ရင်
မိဘကောင်းအရင် ဖြစ်ပေးပါ။

မိဘကျေးဇူးမြင့်မားတာ မှန်ပေမယ့်
တာဝန်လည်း မြင့်မားတယ်ဆိုတာ မမေ့ပါနဲ့။

ကလေးက မိဘပြောတာထက်
မိဘလုပ်တာကို ပိုလေ့လာတတ်တယ်။

သင်ပေးချင်တဲ့ စကားတွေထက်
နမူနာလုပ်ပြပေးတဲ့ လုပ်ရပ်တွေက ပိုအားကောင်းတယ်။

ချစ်ခြင်း၊ စည်းကမ်း၊ သည်းခံမှု
ဒီသုံးခုကို မိဘကနေ စပြီး ပြပါ။

အဲ့ဒီအချိန်မှာပဲ
သားသမီးကောင်းဆိုတာ
ပေါက်ဖွားလာပါလိမ့်မယ်။

နန်းမေသဲအေး

မိဘတိုင်းကတော့ ကိုယ့်သားသမီးကို ချစ်ကြတာချည်းပါပဲ။ ဒါပေမဲ့ မိဘတို့ရဲ့ "အချစ်" က ကလေးတိုင်းအပေါ် "တရားမျှတမှု" ရှိရဲ့လား?
မိဘတွေရဲ့ မျက်နှာလိုက်မှုဟာ တကယ်တော့ မိဘအများစု ထင်ထားတာထက် ပိုပြီး ကလေးအပေါ်ထိခိုက်နစ်နာစေပါတယ်။မျက်နှာလိုက်တယ်ဆိုတာ နှုတ်ကထုတ်ပြောမှ သိတာမဟုတ်ပါဘူး။ မေမေဖေဖေတို့ရဲ့ စိတ်ရှည်မှု၊ အပြစ်လွှတ်မှုနဲ့ နားထောင်ပေးမှုတွေမှာ ကလေးတွေက ခံစားမိနေပါတယ်။

ကလေးတွေဟာ အရာအားလုံးကို သတိထားမိကြပါတယ်။ ဘယ်သူက ပိုပြီး စိတ်ရှည်သည်းခံမှုကို ရရှိသလဲ၊ ဘယ်သူက ပိုပြီး ချီးကျူးခံရသလဲ၊ တစ်ခုခုဆိုရင် ဘယ်သူ့ဘက်က အရင် ကာကွယ်ပေးတတ်သလဲ၊ ဘယ်သူ့ကို ပိုပြီး လွယ်လွယ်ကူကူ ခွင့်လွှတ်ပေးတတ်သလဲ၊ ပြီးတော့ ပြဿနာတစ်ခုခုဖြစ်ရင် ဘယ်သူ့ကို အရင်ဆုံး အပြစ်တင်တတ်သလဲ ဆိုတာတွေကို သူတို့ အကုန်သိပါတယ်။
သင်က နှုတ်ကနေ ထုတ်မပြောပေမဲ့ သင့်ကလေးတွေကတော့ ဒါကို ခံစားမိနေပါတယ်။

မျက်နှာလိုက်ခြင်းဟာ တိတ်ဆိတ်တဲ့ စိတ်ဒဏ်ရာတွေကို ဖြစ်စေပါတယ်။ ကလေးတစ်ယောက်က "ငါဟာ ဘယ်တော့မှ အကောင်းဆုံး ဖြစ်မလာဘူး" ဆိုတဲ့ ခံစားချက်နဲ့ ကြီးပြင်းလာရသလို၊ နောက်တစ်ယောက်ကတော့ ဖိအားတွေ၊ အပြစ်ရှိသလို ခံစားရမှုတွေ ဒါမှမဟုတ် "ငါပဲ ရသင့်ရထိုက်တယ်" ဆိုတဲ့ အခွင့်ထူးခံ စိတ်ဓာတ်တွေနဲ့ ကြီးပြင်းလာရတတ်ပါတယ်။ ဒီသက်ရောက်မှုနှစ်ခုလုံးဟာ နှစ်ပေါင်းများစွာကြာအောင် စွဲကျန်နေစေပါတယ်။

မိဘတွေအနေနဲ့ ကလေးအားလုံးကို ပုံစံတူ ချစ်စရာမလိုပေမဲ့ "တရားမျှတစွာ" တော့ ချစ်ရပါမယ်။
အဲဒါက ဘာကိုဆိုလိုတာလဲဆိုရင်
- တရားမျှတစွာ ဆုံးမပါ။
- ဘက်မလိုက်ဘဲ နားထောင်ပေးပါ။
- တစ်ယောက်နဲ့တစ်ယောက် မနှိုင်းယှဉ်ဘဲ ပြုပြင်ပေးပါ။
- စည်းကမ်းသတ်မှတ်ချက်တွေမထားဘဲ ချစ်ပေးပါ။

ဘာလို့လဲဆိုတော့ မိဘတို့ရဲ့ ရည်မှန်းချက်က "ပိုတော်တဲ့" ကလေးတစ်ယောက်တည်းကို ပျိုးထောင်ဖို့ မဟုတ်ဘဲ၊ ကလေးအားလုံးဟာ အလေးထားခံရတယ်၊ တန်ဖိုးရှိတယ်၊ ပြီးတော့ အပြည့်အဝ အချစ်ခံရတယ်လို့ ခံစားရစေဖို့အတွက် ဖြစ်လို့ပါပဲ။ ချစ်ခြင်းမေတ္တာမှာ နှိုင်းယှဉ်မှုတွေ မပါဝင်ပါစေနဲ့။ ကလေးတိုင်းကို အလေးထားကြောင်း၊ တန်ဖိုးထားကြောင်း သူတို့ သိပါစေ။ တရားမျှတတဲ့ မိဘမေတ္တာဟာ ကလေးတွေအတွက် အကောင်းဆုံး ခွန်အားပါ။ ဒီအကြောင်းအရာလေးနဲ့ပတ်သက်ပြီး မိဘတို့ရဲ့ ထင်မြင်ချက်များကိုလဲ comment မှာဝင်ရောက်ဆွေးနွေးနိုင်ပါတယ်။

#မိဘနှင့်သားသမီး