February 1st

ကျုံဒိုးမြို့နယ်အတွင်းရှိ စာသင်ကျောင်းအချို့က ကိုယ်ထူကိုယ်ထကျောင်းအဖြစ် စတင်ဖွင့်လှစ်

၅၊ဇွန်၊၂၀၂၂

ဒူးပလာယာခရိုင်၊ တပ်မဟာ(၆)နယ်မြေ၊ ကျုံဒိုးမြို့နယ်အတွင်းရှိ လောင်ကိုင်းအုပ်စု ဖားကျကျေး ရွာတွင် ကျေးရွာအုပ်ချုပ်ရေးအဖွဲ့၊ ကျောင်းကော်မတီအဖွဲ့ဝင်များနှင့် ရပ်မိရပ်ဖ ရွာသူရွာသားတို့ ပူပေါင်းပါဝင် ညှိနှိုင်း ခဲ့ပြီး ကိုယ်ထူကိုယ်ထကျောင်းကို ဖွင့်လှစ်ခဲ့သည်။

ဇွန်လ(၄)ရက်နေ့တွင် ကျောင်းသား/သူများကို စတင်လက်ခံခဲ့ပြီး၊ ဇွန်လ(၉)ရက်နေ့တွင် ဆရာ/မ(၅)ဦးဖြင့် ကိုယ်ထူကိုယ်ထ ကျောင်းကို စတင်၍ဖွင့်လှစ်သင်ကြားမည်ဖြစ်သည်။

ဖားကျကျေးရွာရှိ စာသင်ကျောင်းသည် (၂၀၀၃-၂၀၀၄)ခုနှစ်မှစပြီး (၂၀၁၉)ခုနှစ်အထိ အစိုးရကျောင်း အဖြစ်တည် ရှိခဲ့ပြီး၊ (၂၀၂၂)ခုနှစ်တွင် ကိုယ်ထူကိုယ်ထကျောင်းအဖြစ်သို့ စတင်ပြောင်းလဲ ဖွင့်လှစ်ခဲ့သည်။ ထို့အပြင် ၂၀၁၉ခုနှစ်တွင် (COVID-19)ကပ်ရောဂါနှင့် ၂၀၂၁ခုနှစ်တွင် စစ်ကောင်စီ၏ အာဏာသိမ်းမှုတို့ကြောင့် (၂)နှစ်တာကာလအတွင်း ကျောင်းသား/သူများ၏ ပညာရေးနှောင့်နှေးကြန့်ကြာခဲ့ရသည်။

“ကလေးတွေ စာမသင်ရတာ(၂)နှစ်ရှိပြီး စာမသင်ရတာကြာတော့ ကလေးတွေလမ်းမှား ဘက် ရောက်သွားနိုင်တယ်၊ သူတို့ရဲ့အနာဂတ်ပျောက်သွားနိုင်တယ်၊ အဲဒါကြောင့် ကလေးတွေ လမ်းမှားဘက် မရောက်အောင် သူတို့ရဲ့အနာဂတ်တွေပိုကောင်းအောင် ကိုယ်ထူကိုယ်ထကျောင်း ဖွင့်ရခြင်းဖြစ်တယ်” ဟု ကျောင်းကော်မတီ အဖွဲ့ဝင်တစ်ဦးက ပြောသည်။

ကျုံဒိုးမြို့နယ်တွင် စာသင်ကျောင်းပေါင်း (၁၂၀)ကျော်ရှိသည့်အနက် ယခုနှစ်တွင် ကျောင်း ပေါင်း (၃၆)ကျောင်းကို ကိုယ်ထူကိုယ်ထကျောင်း အဖြစ် ဖွင့်လှစ်ခဲ့သည်။

သတင်း
ကေအဲန်ယူ-ကျုံဒိုးမြို့နယ် သတင်းနှင့်ပြန်ကြားရေးအဖွဲ့

စစ်ကောင်စီခန့် တနင်္သာရီဝန်ကြီးချုပ် လမ်းကြောင်းလုံခြုံရေးယူပြီး ပြန်လာတဲ့ စစ်ကောင်စီယာဉ်တန်း မိုင်းဆွဲ တိုက်ခိုက်ခံရ

တနင်္သာရီ၊ မတ် ၂၆

တနင်္သာရီတိုင်း၊ တနင်္သာရီမြို့နယ်၊ အရှေ့မော်တုန်းကျေးရွာအုပ်စု၊ ကဒဲလိပ်ကျေးရွာအနီးမှာ မတ်လ ၂၅ ရက်နေ့ ညနေပိုင်းက စစ်ကောင်စီခန့် တနင်္သာရီ ဝန်ကြီးချုပ် ဦးမြတ်ကို လမ်းကြောင်း လုံခြုံရေးယူပြီး ပြန်လာတဲ့ စစ်ကောင်စီယာဉ်တန်း မိုင်းဆွဲ တိုက်ခိုက်ခံခဲ့ရတယ်လို့ ဒေသခံတွေက ပြောပါတယ်။

အဲဒီနေ့ ညနေ ၄ နာရီလောက်မှာ ဘုတ်ပြင်းဘက်မှ မြိတ်ဘက်သို့ မောင်းနှင်လာသော စစ်ကောင်စီကား ၃ စီး မိုင်းဆွဲတိုက်ခိုက်ခံရတာဖြစ်ပါတယ်။

မိုင်းဆွဲတိုက်ခိုက်ခံရတာကြောက့် စစ်ကောင်စီတပ်သား ၅ ဦးထက်မနည်း ထိခိုက်ဒဏ်ရာရရှိခဲ့ပါတယ်။

" လုံခြုံရေး ယူပြီးပြန်လာတဲ့ အဖွဲ့လို့တော့ သိရတယ်။ ထိခိုက်မှုတော့ရှိတယ်။ ကား ၃ စီးမှာ စစ်ကောင်စီတပ်သားတွေလဲ တော်တော်ပါတယ်။ မိုင်းဆွဲခံလို့ ၅ လောက် ဒဏ်ရာရသွားတယ်''လို့ ဒေသခံတစ်ဦးက သံလွင်တိုင်းမ်ကိုပြောပါတယ်။

စစ်ကောင်စီယာဉ်တန်း မိုင်းဆွဲတိုက်ခိုက်မှုကို တနင်္သာရီရိုးမပြည်သူ့ကာကွယ်ရေးအဖွဲ့က လုပ်ဆောင်ခဲ့တာဖြစ်ပြီး လာမယ့် စစ်ကောင်စီရဲ့ တပ်မတော်နေ့အတွက် အကြိုတိုက်ခိုက်တာဖြစ်တယ်လို့ ထုတ်ပြန်ထားပါတယ်။

သတင်း- သံလွင်တိုင်းမ်

အကြမ်းဖက်စကစမှ လက်နက်ကြီး လက်နက်ငယ်များ ရမ်းသမ်းပစ်ခတ်....

20.3.2022 ရက်နေ့ ည8:15pm အချိန်ခန့်တွင် KNU ထိန်းချုပ်နယ်မြေ ဒူးပလာယာခရိုင် ကော့ကရိတ်မြို့နယ် ပြည်ထောင်စုလမ်းမဘေး ဝိဇ္ဇာကုန်းနှုင့် လှိုင်ကွယ်ကြား သို့ အကြမ်းဖက်စကစမှ လက်နက်ကြီး လက်နက်ငယ်များ ဖြင့်ည10:၁၆pmအထိ ရမ်းသမ်းပစ်ခတ်ကြောင်း သိရှိရပါသည်...

Photo..fb